كل البشر ترحل خليه يداها

يالله يـامـنـــزل مــن الـمـزنـــه رشـــــــــاش
يمثبت(ن) أرضـــك ورافـــــع ســـمـــاهــــــا

يــسـاتر(ن) مـن مـكـــر الأنـذال الاوبــــاش
والـخـلـق تــرجــع لك بـعـد مـنـتـهــــــاهــــا

حـنـــا نــوايـــانــا كـمــا خـامـت الـشـــــاش
وقـلـوبـنـا بـيــضـــــــــاء نـقـي مـحـتــواهــا

فـيـنـا الـمـبــــادي ثـابـتــه صـعـب تـنـــــاش
مـن قـــــدرنا نـرفـــع قـــدر مـســتــــواهـــا

نــؤمــن بــأن الـعـبـد لــو عـــاش ما عـــاش
ومـشـت لــه الـدنـيــا عـلى مــابـغـــاهـــــا

قــدمـه حـســـــاب مـدقـق يـسـلـمه كـاش
أمــا خـســــــر ولا ربـــح مــن وراهـــــــــــا

الـظــالـمـيــن فـلــــول تـنـســـاق وتحــاش
هـم الـحـطـب فـي نــــار يـفـجـع لـضــاهــا

والـصـالـحـيـن أللي قـضــو عـمــر عطــاش
الـحـــوض فـي الـجـنـه يـبـدد ضـمـاهـــــــا

ويالله عـســى حـصـيـلـنـا مـايـجـي مـــاش
يامـنــزل(ن) صـــــــورة تـبـارك وطــــــاهـــا

مـهـمــا نـشـــوف ونـسـمــع نــرد بـطـنـاش
وأنـظـارنـا حـــدقــه بـعـيــد(ن) مــــــداهـــا

واللاش مــهـــمــا حــــــــــــاول مردده لاش
تـقـصـــر يـديـنـه يـــوم يـقـبـس وغــــــاهـــا

لابتسمت الـدنـيـــا ومــع طـيـشــهــا طـاش
مـايـحـسـب الـغـافـــل للـــوعـة جـــفـــاهــا

والحـــر ذكــره يـنـعـش الـكـبـد والــجــــاش
دايـــم وربـعــه فــي حــضــــــوره تـبـــاهـــا

والادمي لـو حـــاش بـيـديـه مــاحـــــــــاش
كـــل البـشـــر تـرحـــل خـلـيــــه يــــداهــــا

والتـضـحـيـه لايـمـكـن تـــــــــروح بـبــــلاش
عند الله الــوالـــي لـخــلــقــه جـــــــزاهــــا
تركي بن مدعج

..

.

.

صح لسـانكـ ياتركي .. ونسأل الله أن يحسن خواتمنا ويغفر لنا ذنوبنا وخطايانا ..

.

.

..

ولد عساف

لاهنت على المرور الجميل

صح لساااانك يا تركي

وأنا أشهد أنك شاعر جزل

وقصيدتك جزلة

فهد بن علي العازمي

لاهنت على المرور الجميل

وأشكرك على إطرائك

لاهنت

صح لسانك مليون قصيده جزله فعلاً وتستاهل الا شاده




بيض الله وجهك ولك جزيل الشكر

صح لسانكـــ

ويالله عـســى حـصـيـلـنـا مـايـجـي مـــاش
يامـنــزل(ن) صـــــــورة تـبـارك وطــــــاهـــا

آآآآآآآآآآآآآآآآآمين



يالله تعفي وتغفر

صح لساااااااااااانك ياتركي بن مدعج

تقبل مروري

سلطان البقمي


لاهنت على المرور الجميل

الله يغفر لنا جميعآ وصــــح لـــأسانك قصيدة فيها مخافه من الخالق عز وجل

الله يرفع شأنك ويعلي مكانك

..


صح لسانك ولاهنت ،،،

بن رفاع


لاهنت على مرورك الجميل