الداهيه تعال تعال
مرعب الشعراء17-Jul-2005, 01:13 PM
نار نبها تشب في هذا القاف
لا أحد يقرب النار
يالداهيه خل السوالف تستدير = لن كان تقدر فالطلوع وفالنزول
والحب لو هو صم تطحنه الرحاه = واللي عقد رؤس الحبال يحلها
لن كان تدري بالصغير وبالكبير = أحسب حسابك يا ولد سقنا الذلول
والخط بين للفهيم أليا قراه = واللي عقد رؤس الحبال يحلها
محمد العتيبي17-Jul-2005, 02:20 PM
خطير يامرعب خطير
بدايه قويه ...... نتمنى لكم وقت طيب ..... وبنتظارك يالداهيه ..
ماجد الهذلي17-Jul-2005, 02:23 PM
هلا والله بالمرعب
بدايه قووويه
الله يستر الله يستر
وين الداهيه
فراج القرقاح17-Jul-2005, 02:28 PM
مرحبا ومسهلا والله يحيك والساعه المباركه ... والله يكفينا شرك..
استلم...
الداهيه حاضر واليا جاك النذير=ماعاد فيها يالسنافي وش اقول
والموت وان جاكم ترا مابه غناه=اللي عقد روس الحبال يحلها
حنا حسبناها على الشي الخطير=ماهمنا جمع الرجاجيل الفحول
والعاقل اللي يعتبر مما لقاه=واللي عقد روس الحبال يحلها
محمد العتيبي17-Jul-2005, 02:29 PM
شبيك لبيك ابومشعاب قدم عينيك
اي نعم ماجود ...... وحاضرين للغاليين ..... وامرنا ياغالي .
فراج القرقاح17-Jul-2005, 02:30 PM
ابو مشعاب...
ماجد الهذلي....
اشكركم على المرور... ولا تباعدون خلوكم حولي لين الله يفرجها...
فيصل المسعودي17-Jul-2005, 02:50 PM
تحياااااااااتي لمرعب الشعار والدااااااااهيه
ووووواااااااااااصلووووووووووووواااا
مرعب الشعراء17-Jul-2005, 02:52 PM
يالداهيه منته طويل ولا قصير = شكلك سواة الحبحبه عرض ٍ وطول
والبزر فيها كبر تمر بلا نواه = واللي عقد رؤس الحبال يحلها
حنا نسوق الزمل ونسوق البعير = والناقه اللي فوقها ذيك الحمول
والغافل تخمه يديني من قفاه = واللي عقد رؤس الحبال يحلها
هلا بالجميع ما عندي مجاملات
شد حيلك يالداهيه
فراج القرقاح17-Jul-2005, 03:10 PM
يامرعب الشعار يالخبل العوير=حاذر على نفسك لا يجيها الجفول
والبزر جاته لقمة ٍ سدت جماه=اللي عقد روس الحبال يحلها
انتم تسوقونها وبليا شوير=وتسوقها مدري تطول اولا تطول
والبايره ما احد ٍ يوبع في خطاه =اللي عقد روس الحبال يحلها
محمد العتيبي17-Jul-2005, 03:24 PM
ياسلام يالداهيه ياسلام
انا معك يالداهيه وبصفك من دون قصور فالطرقي ( مرعب الشعار)
فراج القرقاح17-Jul-2005, 03:25 PM
ارحب يافيصل والله يحيك... ولاهنت على المرور والمتابعه...
شكري وتقديري...
فراج القرقاح17-Jul-2005, 03:27 PM
ارحب يابو مشعاب ولاهنت يالغالي... والصف عاز ٍ بك...
((الدلبحي))17-Jul-2005, 03:33 PM
الداهيه
الربع كلهم مع مرعب الشعار
لاكن انا ابي امسك الصف مع بقية الاخوان
واصلوا لاهنتوا
تحياااااااااااااااااتي
فراج القرقاح17-Jul-2005, 03:40 PM
مرحبا ومسهلا يامشرفنا والله يحيك... ولي الشرف لقدك ماسك الصف....
وحضورك هو الرونق الخاص بالمحاوره....
شكري وتقديري...
مرعب الشعراء17-Jul-2005, 04:20 PM
شكلك عليمي لا وزن ولا شعر والله يستر
هات بيت كان تقدر وخلاص المحاوره انتهت
يالداهيه منته بداري وش يصير = يا حبحب السكين جينا بالحلول
يا مبتلي منته بلاقي لك نجاه = واللي عقد رؤس الحبال يحلها
حلال لو نذبحك يا طير ٍ تطير = ما تعرف أوزان البيوت ولا تنول
أنته سواة اللي يسمونه جحاه = واللي عقد رؤس الحبال يحلها
فراج القرقاح17-Jul-2005, 05:13 PM
يامرعب الشعار فالامر الاخير=منته معين من ورا حكيك قبول
يالعين اللي ماارّوت الناس الضماه=واللي عقد روس الحبال يحلها
منته بكفو تقابل السيف الشطير=خل الزحول تقابل رجال ٍ زحول
وانته كما اللي شايل ٍ داه برداه=اللي عقد روس الحبال يحلها
فراج القرقاح17-Jul-2005, 05:17 PM
حياك الله يامرعب الشعراء ... وكلامك يدل على اخلاقك... وماقصرت...
والشكر موصول للاخوان اللي مروا على المحاوره...
