ان كيدكن عظيم،،،،

كانت تجيني تشتكي قلة المال
وتصيح لاجا طـاري الفقرصيحـه

تقول ابويه دايم الدوم رحال
وامي كبيـره سـن دايـم طريحـه

وانت الوحيد اللي لك القب ميال
دايم يصارحني وانا له صريحه

طفله وانا معشوقها بين الاطفال
جريح حب وطاح له في جريحه

كنا سوى نرسم على التربه امال
وأحلام تقتلها الحياه الشحيحـه

كم دمعةٍ كانت على الخد تنهال
واذا نزلت ضاقت عليّ الفسيحـه

الله كم صرخه..وهمسه.. وموال
الله كم جادت علينـا القريحـه

الله كم بيتٍ كتبناه يختال
واقول انا (عبـدالله) وانتـي( مليحـه)

نخيل لومافالسما برق وخيال
وانكذب الايـام لوهـي صحيحـه

تقول لاحطيت لك بشت وعقال
وسخّرلك الرحمن عيشه مريحـه

اخاف تتركني على عثرة الفال
للفقر ووجيـه الحيـاه القبيحـه

وحبيتها بين الخلايق والازوال
حبٍ يطول الوقت محـدٍ يزيحـه

وسلمتها قلبٍ تباريه الاهوال
وطاح الخفوق . وطيحة القب طيحه

راحت وخلتني مع القيل والقال
شاعر صواريف الدهر تستبيحـه

ودار الزمان وغير الحال بالحال
وجاها الزمان بكل ورده وشيحه

فلة ..وخدامه.. ولكزس.وجوال
وانا عجزت ادفع رسوم الشريحه


|4||3||2|:eek::rolleyes::cool::D;):p:)

عقب الفقر حطت شريحه وجوال يسعد مسا جوالها والشريحه

هذا البيت ناقص من القصيده ويمكن انك ناسيه
لكن مشكور على القصيده وننتظر منك المزيد