27-Nov-2006, 11:33 AM
السلام عليكم وبعد
كتب الأخ الفاضل والصديق العزيز الدكتور والشاعر عبدالله بن براهيم الخالدي العريفي قصيدة بعنوان نصيحة سوق المال... فتهيضت وشاركته فيما كتب من باب قولهم لاعوى ذيب جاوبته الذيابه.. وإليكم مكتبه أبوبراهيم وتليه أبياتي المتواضعة والتي كتبت في بريد الطلبة السعوديين في نيوكاسل والمسمى (بالشير) .. وسلامتكم
نصيحة سوق المال
ابو ابراهيم .
دخلنا بسوق المال نزوة بـلا تفكيـر = والاحلام بالثروة والامـوال تدفعنـا
سمعنا رجال عينوا من وراها خيـر = بعد فقرهم صاروا هواميـر وطمعنـا
وقلنا ورانا مانسـوي سـواة الغيـر = طريق وسع ذا الناس ملزوم ياسعنـا
نبي نشتري بالنت ونتابـع التغييـر = الى حولت نشري واذا نسبـت بعنـا
وخذينا الحصيل اللي جمعناه بالتوفير = وزدنا عليـه بسلفـة مـن جمايعنـا
ولا به علامـات تدلـك ولا تقديـر =الى قرقعت بعض الاشاعات قرقعنـا
امور غريبة مالقينـا لهـا تفسيـر =الى جيت احلل وصفها مالها معنـى
وبدينا نكلـم وانتسمـع لكـل مشيـر = وراي يقديـنـا وراي يضيـعـنـا
شرينا من الاسمنت والجبس والتعمير =وضمنا الغناة اللـي عليهـا تربعنـا
وجلسنا نتابع شاشة النت كل عصير = نبيها تزيد وقصرت عـن مطامعنـا
وطحنا بها طيحة غشيم بجمـة بيـر =الا يالله انـك بالسـلامـة تطلعـنـا
نصيحة مجرب للربع من خلال الشير عسى امقسم النعمه على الحق يجمعنا
وقال أبو زيد ..
وصل قولك الوافي وأنا أزيد فالتقرير =كشتنا بسوق المال وزانت مرابعنا
وعنتر نسي عبله وقيس انتخى بالزير =بعد خضّرَت ليلى شربنا ورفّعنا
ودار الفلك مع دورة الترس أبو جنزير = ودرنا معه فيها وطرنا ووقعنا
بغينا نهومر واهمرونا هل التهمير = وقلنا نضارب يوم بانت تفقّعنا
أنا واحدٍ فالسوق جمّال صار بعير = مربّط صبر.. والصبر عيّا يطاوعنا
وذنبي على جنبي..لا عامر ولاهو عمير = ولا هو مدير السوق ماقال لي طعنا
شريت المواشي ياعرب والمواشي غير = مزايين هل المعزاء.. لارحنا ترجعنا
أضوّي بها وأسرح وأضرّم لها بشعير = أبى أسمّن المعزاء قبل لا تودعنا
شريت المواشي..أحسب إن المواشي اطّير = وهي سهم لا جعنا أبد ما يشبّعنا
ولكن على الله رزقنا.. يالله التيسير = طلبناك يالرزاق.. بالحيل تنفعنا
وعوّض علينا.. وارفع الحظ لين يصير = وزان القمر.. يارب سدد مرامعنا
وأصلي وأسلم وأرفع الصوت بالتذكير = بذكر الحبيب المصطفى.. واقلطوا معنا
على مهيّله يقعد بها الراس.. والتدبير = يزين.. وبعدها كل شاعر يسمّعنا
وسلامتكم
كتب الأخ الفاضل والصديق العزيز الدكتور والشاعر عبدالله بن براهيم الخالدي العريفي قصيدة بعنوان نصيحة سوق المال... فتهيضت وشاركته فيما كتب من باب قولهم لاعوى ذيب جاوبته الذيابه.. وإليكم مكتبه أبوبراهيم وتليه أبياتي المتواضعة والتي كتبت في بريد الطلبة السعوديين في نيوكاسل والمسمى (بالشير) .. وسلامتكم
نصيحة سوق المال
ابو ابراهيم .
دخلنا بسوق المال نزوة بـلا تفكيـر = والاحلام بالثروة والامـوال تدفعنـا
سمعنا رجال عينوا من وراها خيـر = بعد فقرهم صاروا هواميـر وطمعنـا
وقلنا ورانا مانسـوي سـواة الغيـر = طريق وسع ذا الناس ملزوم ياسعنـا
نبي نشتري بالنت ونتابـع التغييـر = الى حولت نشري واذا نسبـت بعنـا
وخذينا الحصيل اللي جمعناه بالتوفير = وزدنا عليـه بسلفـة مـن جمايعنـا
ولا به علامـات تدلـك ولا تقديـر =الى قرقعت بعض الاشاعات قرقعنـا
امور غريبة مالقينـا لهـا تفسيـر =الى جيت احلل وصفها مالها معنـى
وبدينا نكلـم وانتسمـع لكـل مشيـر = وراي يقديـنـا وراي يضيـعـنـا
شرينا من الاسمنت والجبس والتعمير =وضمنا الغناة اللـي عليهـا تربعنـا
وجلسنا نتابع شاشة النت كل عصير = نبيها تزيد وقصرت عـن مطامعنـا
وطحنا بها طيحة غشيم بجمـة بيـر =الا يالله انـك بالسـلامـة تطلعـنـا
نصيحة مجرب للربع من خلال الشير عسى امقسم النعمه على الحق يجمعنا
وقال أبو زيد ..
وصل قولك الوافي وأنا أزيد فالتقرير =كشتنا بسوق المال وزانت مرابعنا
وعنتر نسي عبله وقيس انتخى بالزير =بعد خضّرَت ليلى شربنا ورفّعنا
ودار الفلك مع دورة الترس أبو جنزير = ودرنا معه فيها وطرنا ووقعنا
بغينا نهومر واهمرونا هل التهمير = وقلنا نضارب يوم بانت تفقّعنا
أنا واحدٍ فالسوق جمّال صار بعير = مربّط صبر.. والصبر عيّا يطاوعنا
وذنبي على جنبي..لا عامر ولاهو عمير = ولا هو مدير السوق ماقال لي طعنا
شريت المواشي ياعرب والمواشي غير = مزايين هل المعزاء.. لارحنا ترجعنا
أضوّي بها وأسرح وأضرّم لها بشعير = أبى أسمّن المعزاء قبل لا تودعنا
شريت المواشي..أحسب إن المواشي اطّير = وهي سهم لا جعنا أبد ما يشبّعنا
ولكن على الله رزقنا.. يالله التيسير = طلبناك يالرزاق.. بالحيل تنفعنا
وعوّض علينا.. وارفع الحظ لين يصير = وزان القمر.. يارب سدد مرامعنا
وأصلي وأسلم وأرفع الصوت بالتذكير = بذكر الحبيب المصطفى.. واقلطوا معنا
على مهيّله يقعد بها الراس.. والتدبير = يزين.. وبعدها كل شاعر يسمّعنا
وسلامتكم
