14-May-2007, 08:38 AM
اقيم الخميس الماضى حفل تخرج لدفعه طلاب من قبيله عتيبه على وشك التخرج من كليه الملك عبدالعزيز الحربيه وقد كان الحفل فى استراحه الرشد بالرياض (نفس الاستراحه اللى كان فيها حفله سلطان الجلاوى ليوسف ) الحين كل العيال يعرفونها بالاسم ذا حتى اكثر التوصيف لو مايكون حفل للعتبان يقولون حفله يوسف المهم كان الحفل جميل ورائع وقد شاهدت تلاحم الطلاب مع بعض واظهار الحفل بالصوره الجميله وسلمت على الموجودين وكانى اعرفهم لانى بين ربعى وعيال عمى وكان جمهور متوسط حضر الحفله قلت هذا وماجاء مزاين عتيبه نشووف بعض اكثر المهم حضر الحفل كل من الشاعر فهد القثامى والشاعر الصارم نايف بن عرويل والشاعر نايف بن معلاء المغيرى والشاعر عبدالرحمن بن مازن المغيرى بس معروف بالشاعر ( العــــطاوي ) وقد كانت القصائد جميله ورائعه وشاهدنا تفاعلا من الشعراء والحضووور وكانت فى فقره حلوهوالسوال قت لفهد لماذ اخترت الدفن فى شاعر المليوون رنامج خطه تجاريه بحته لدرجه كنا نعرف من بيفووز باللقب واردنا ان نضع بصمه واتفقنا انا ويوسف المتاهلين طبعا من شعراء عتيبه ال48 ان نترك بصمه قووويه للجمهور حتى يعرفنا فيها لانه صعب تعرف مين ال48 وانا اخترت الدفن ويوسف اختار كشف اللجنه وتوضيح اخطاهم يعنى يووسف مستند عليكم يعنى يعرفه الجمهور ان يووسف بيهبل باللجنه وهذى بصمته وفهد بصمته الدفن يقوول يووم قالوا 70 بالمئه تصويت للجمهور و30 للجنه بيينت 70 بالمئه للجمهور و30 بالمئه اخفيتها ومن قوله فى قصيدته انا البارحه حلمت حلم مزعج ويقول رجل يصلى ولايصوووومى يعنى يرد عليهم بالمثل وفهد قمه فى التوواضع سبحان الله ماغره الشهره حقت شاعر المليووون وربى انى انبسطت شخص متواضع لاابسط درجه لدرجه انى سلمت عليه واستحيت اقوول له وقع لى بس قعدت اقول انا بحلم ولا علم هذا فهد ولالا وسلمت عليه وطلعت وانا مبسوووط وان شاء الله نلتقى فى الحر النداوى وكان فى موكب للشعراء رررروعه واسف على الاطاله بس حبيت انقل لكم وقائع الحفله
