نصيحة

قصيدة للشاعر المتألق و المبدع و المتميز / محمد وليد العريدي





أحبْ أخاوي لي.. رفيقٍ سنافي

مِنْ روس قومٍ ينطحون الطوابير

راع الفعايل.. لا حصل لي خلافي

مشكاي لا ضاقتْ علي التدابير

الصاحب.. اللي طول الأيام وافي

لو مال وقته ما حصل فيه تغيير

قول وفعل.. واليا وعد دوم يافي

على النقا يفعل ولا منه تقصير

عن واجبه.. لا شك ما يوم خافي

يسوق روحه.. للقا والمخاطير

له ما قفٍ معروف.. وفعل يشافي

قرمٍ.. وإله عند المناعير تقدير

وأنا معه.. فاليسر والعسر وافي

أبقى معه وقت الرخا والمعاسير

والأ الردي نوره مع الوقت طافي

مستغني عنه رفقته.. يالمناعير

أهل الردى وأهل النفوس الضعافي

يا عنك ما منهم.. يا كود المخاسير

سود القلوب.. أهل العقول الخفافي

مجمّعين القول.. من دون تقرير

يا ما أهرجوا بالكذب في عرض غافي

ويا ما سعوا للشر من دون تقصير

لا شك رفقتهم.. تراها تعافي

ومن لامني.. عساه ما ينظر الخير

محمد وليد العريدي

أكد من الموضوع النصيحه عنوان للموضوع والموضوع اسم شاعر وين القصيده

تقبل مروري

هذه قصيدة الشاعر محمد وليد العريدي :: ::



أحبْ أخاوِي لي .. رفيق ٍسنافي = مِنْ روس قوم ٍ ينطحون الطوابير
راع الفعَايل .. لا حصل لّي خلافي= مشكَاي لا ضَاقتْ علي التدابير
الصَاحبْ.. اللي طول الأيَام وافي= لو مال وقته ما حصل فيه تغيير
قول وفعل .. واليا وعد دوم يافي= على النقا يفعل .ولامنه تقصير
عن واجبه .. لا شك ما يوم خافي= يسوق روحه ..للقا والمخاطير
له ماقف ٍ معروف .. وفعل ٍيشافي= قرم ٍ.. وإله عند المناعير تقدير
وأنا معه .. فاليسروالعسر وافي= أبقى معه وقت الرخا والمعاسير
والأ الردي نوره مع الوقت طافي= مستغنيً عن رفقته .. يالمناعير
أهل الردى وأهل النفوس الضعافي= ياعنك مامنهم .. ياكود المخاسير
سود القلوب .. أهل العقول الخفافي= مجمّعين القول ..من دون تقرير
ياما أهرجوا بالكذب في عرض غافي= وياما سعوا للشر من دون تقصير
لاشك رفقتهم .. تراها تعافي= ومن لامني ..عساه ماينظر الخير

السلام عليكم ورحمة الله وبركاته

الله يعطيك العافيه على القصيده وصح لسان الشاعر


مع تحيايتي وحبي /أبن ســــقيان

الشكر على المرور

لاكن القصيدة كررت في نفس القسم بنفس العنوان

وآسف على التكرار و ارجوا من المشرف حذف الموضوع الاول

لانه مكرر