مرزوق العتيبي مشتاق للعب معك
شبل المحاني02-Feb-2008, 08:22 PM
سلام الله على مرزوق ريس منتدى العتبان=موكل بالنيابة عن عتيبة في مواقعها
انا اشوف العرب ماتعرف الصاحي من التعبان=وصارت سلعةُ مابين شاريها وبايعها
@ـايل02-Feb-2008, 08:25 PM
الله الله
صح لسانك ياشبل المحاني
وقواك الله ابداااع
واصلووو وننتظر الشاعر مرزوق لاكتمال الحفل
مرزوق حمدان العتيبي02-Feb-2008, 08:39 PM
هلا يامرحبا ترحيبة ٍ تثقل على الميزان = وانا نفسي على خدمة بني عمي مطوعها
نشوف اللي تشوفه يالعتيبي والعباد الوان = كثير من البشر تفنا ولاتفنا طبايعها
مرزوق حمدان العتيبي02-Feb-2008, 08:40 PM
..
.
هايل ارحب يالغالي .. والله حضورك مطلب ..
.. لاعدمتك ..
عبدالرحمن الهيلوم02-Feb-2008, 08:41 PM
ابومحمد ابدعت وصح السان يالغالي 0000متابعين
نواف ابن ثعلي02-Feb-2008, 08:55 PM
صــــــــــ لــــســـــا نــــــــك ـــــــــــح
يــــــا شــــبــــــــــل الـــــمــــــحـــا نــــــي
وصــــــــ لــــــســـا ن مـــــــرزوق ـــــح
متا بعين واصلو
بندر المرشدي02-Feb-2008, 08:55 PM
سلام الله على مرزوق ريس منتدى العتبـان
موكل بالنيابـة عـن عتيبـة فـي مواقعهـا
انا اشوف العرب ماتعرف الصاحي من التعبان
وصـارت سلعـةُ مابيـن شاريهـا وبايعهـا
هلا يامرحبا ترحيبة ٍ تثقل على الميـزان
وانا نفسي على خدمة بني عمي مطوعها
نشوف اللي تشوفه يالعتيبي والعباد الوان
كثير من البشر تفنـا ولاتفنـا طبايعهـا
والله ما أدري ويش أقول لكن
صحت السنتكم حتى ترضون
شبل المحاني02-Feb-2008, 09:13 PM
اعذرني على التاخير اخوي مرزوق واستلم
يقولون الرجال البيت مايثبت بلا عمدان= وانا اقول العلوم الطيبة والكل يسمعها
ترى بعض العرب مامعة لاحجة ولابرهان=يضيعها وجمعها ..وجمعها وضيعها
شبل المحاني02-Feb-2008, 09:17 PM
هايل العتيبي
عبد الرحمن الهيلوم
نواف بن ثعلي
بندر المرشدي
الله يعطيكم العافية ولايهينكم ولكم تحياتي
معجب العتيبي02-Feb-2008, 09:17 PM
شبل المحاني
بدايه رائعه تليف بشاعر متمكن
الميدير او المشرف العام
شهادتنا فيك مجروحه وطاروق يستحق المتابعه
نايف بن ملحق الثعلي02-Feb-2008, 09:19 PM
شبل المحاني صح لسانك
مرزوق العتيبي صح لسانك
واصلو ياشعار وعلى القوه
ولكم تحياتي
عيد العازمي02-Feb-2008, 09:19 PM
صحت السنتكم
ابداع لاهنتوا
شبل المحاني02-Feb-2008, 09:30 PM
سارح البال مرورك يشرفنا
نايف الروقي مرورك يشرفنا
العازمي مرورك يشرفنا
والله يعطيكم العافية
سلمان الروقي02-Feb-2008, 09:33 PM
شبل المحاني صح السااااااااااااانك
مرزوق العتيبي صح السااااااانك
الليله ليلة الابدأع ....
متابع لكم,,,,
تحياتي,,,
مرزوق حمدان العتيبي02-Feb-2008, 09:33 PM
يقولون العرب ماتصلح البندق بلا نيشان = وبندق مالها نيشان الا يالله تقلعها
ورجل ٍ مامعه حجه تسكر دونه البيبان = حقيقه لكن العربان قلي كيف تقنعها
مرزوق حمدان العتيبي02-Feb-2008, 09:35 PM
..
.
بالجميع اقول مليون مرحبا ..
والله ان كل ٍ له حق اذكره بأسمه ويستاهل ...
...
مودتي لاعدمتكمــ ...
....
نقا شباب02-Feb-2008, 09:38 PM
يقولون العرب ماتصلح البندق بلا نيشان=وبندق مالهـا نيشـان الا يالله تقلعهـا
ورجل ٍ مامعه حجه تسكر دونه البيبـان=حقيقه لكن العربان قلي كيـف تقنعهـا
الله الله
صحت السنتكم
والصفوف معك يامرزوق
مرزوق حمدان العتيبي02-Feb-2008, 09:40 PM
..
.
الصفوف تزهي وتتباهى بتواجدك يابو شباب
... الف شكر ....
معجب العتيبي02-Feb-2008, 09:43 PM
الله يعينك يابو محمد الليله تورسلناك هههههههههههه
عينتني البارح معهم
ربعنا يهجمون على واحد كل ليله كأنها تخطيط هههههههههه
مرزوق حمدان العتيبي02-Feb-2008, 10:06 PM
..
ههههههههههه
يبا يعين الله .. يابو سلطان ...
>>>> حده لين 11 :)
شبل المحاني02-Feb-2008, 10:08 PM
اسف على التاخير والله الاتصال انقطع عندي
انا ما لي طماعة في البضاعة داخل الدكان=وانا مغنيني الله والامانة عند موودعها
يا مرزوق الخلل واضح من الصمان والعميان=تقولة ياولد حمدان وانت اللي تطوعها
شبل المحاني02-Feb-2008, 10:24 PM
انا ما لي طماعة في البضاعة داخل الدكان=وانا مغنيني الله والامانة عند موودعها
يا مرزوق الخلل واضح من الصمان والعميان=تقولة ياولد حمدان وانت اللي تطوعها
مرزوق حمدان العتيبي02-Feb-2008, 10:46 PM
عسى ربي يزيدك يالعتيبي ياسمي نمران = ليا جتك الهديه ياعميلي لاترجعها
يبار ربك يصلّح حالة المعتوه والمرضان = لكن انته تحيزم في وجيه القوم واقمعها
مرزوق حمدان العتيبي02-Feb-2008, 10:47 PM
صح لسانك ايها الشبل الرائع ..
تشرفت باللعب معك .. والوقت ازف..
الى لقاء اخر وتصبح على خير انت والاخوان
....
نواف العصيمي03-Feb-2008, 09:07 PM
صح لسانك .. ياشبل
وصح لسانك ..يامرزوق
.. ولكم التقدير والإحترام
د/غسان05-Feb-2008, 07:31 AM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
