شايفٍ لي فوق راس الركن يالعتبان ريشه
صنيتان قرداحي23-Nov-2003, 03:39 PM
شايفٍ لي فوق راس الركن يالعتبان ريشه"="والعتب على النظر لو اصبحت يالربع شوشه
خاونا يالركن والرحلة على رنيه وبيشه"="كل تاجر لانزل للسوق يشري من قروشه
وصل العطياني؟؟؟23-Nov-2003, 04:55 PM
ههههههههههه
بداية فكاهية ..
جميلـــــــة...
أتمنى لكم التوفيق..
تحياااااااااتي.
ابن جدعــان29-Nov-2003, 08:12 AM
الله الله .
الليل الليل.
شايفٍ لي فوق راس الركن يالعتبان ريشه"="والعتب على النظر لو اصبحت يالربع شوشه
خاونا يالركن والرحلة على رنيه وبيشه"="كل تاجر لانزل للسوق يشري من قروشه
طلال الثعلي29-Nov-2003, 04:49 PM
سنايدي ياصافي النيه
الله الله لاوصيك
عندك الركن
صنيتان قرداحي29-Nov-2003, 09:40 PM
بن جدعان / الله يحييك يالغالي
بس الركن ما عنه خبر
صنيتان قرداحي29-Nov-2003, 09:47 PM
طلال بن ثعلي
وش قومك يارجل خلطت بين (صافي وصنيتان)
عموما الخطأ وارد
الله يحييك يابعدي والقلوب صحاح
لكن يابن ثعلي بناخيك الركن لاحس ولاخبر؟؟؟؟؟؟
طلال الثعلي30-Nov-2003, 11:24 PM
صنيتان قرداحي
العتب على النظر
والمعذره
والله انها من دون قصد
لكن البناخي تراه قريب لاتباطاه
وانا عندي خبر عن اللي مشغله هالايام
صنيتان قرداحي01-Dec-2003, 12:07 AM
هلا طلال
لا يارجل وش دعوى ما حصل الا كل خير
وانت معذور والله يعينك مراقب والرد على اكثر من موضوع
اكيد بتلخبط الواحد
طلال/ ان كان البناخي طول على يدك رشح بداله.
انت ابوها وسمها
الركن01-Dec-2003, 04:37 PM
يالربع العذر والسموحه كنت امعيداً برى الرياض ولا والله شفت الأبيات الا هالحين لكن ياقرداحي اخذها من كف صاحب..........
خلوووووووها
مرحبابك عقب ماشفتك سبرت مع الدريشه**** سرها ثم انتبه لاتقلب الميدان هوشه
وين فازع قالو انه ماورى بيشه معيشه***وانت اشوفك راس ضبياَ ماوراه الاعروشه
صنيتان قرداحي01-Dec-2003, 06:50 PM
مررراحب من كف ما يبتلش بالصاحب
جابه الله عقب عزَمنا نبا نزهم دقيشه"="ماش مسرا حط معدالك ولافالحق دوشه
أحسب أنك يوم جيت أتخلي العالم جريشه"="وثرك العمرود مطشوشه ولافيها معوشه
الركن02-Dec-2003, 02:15 PM
وين صفوفكم يالربع
لا تخلون عنا عقب ما احتمت
احسبنه ينقض المفتول وادوخني عطيشه****مير يالعتبان لاحداً يقربه لاحداً ينوشه
اعرف انا لا حضرنا نروي الكبد العطيشه***لا تصادم يالغليم واحداً جهز جيوشه
صنيتان قرداحي02-Dec-2003, 03:01 PM
لا تطوفها ترى ماهيب برادي وشيشه"="راغ قلبك يوم شفت الضلع مالت لك
وحوشه
تقبل اقبالة شجاع وتقفي اقفاية خريشه"="من يطول غيبته يلفي معه خيره يحوشه
طلال الثعلي02-Dec-2003, 07:58 PM
ايوالله
هذي الملعبه والابلاش
سلمتوووووا
ذياب المرشدي02-Dec-2003, 08:21 PM
اشهد بالله الابداع اللي مامنبي احسن منه
الليل
صنيتان والركن
لاهنتوا
وشدوا حيلكم
وحنا متابعين
وللجميع تحياتي
الركن03-Dec-2003, 01:40 PM
خلوووووووووووها
من يقول اني مطوفها علامك يالربيشه***افتهم ويش الكلام وعددوله كم قروشه
مرة ادافع ومر مهاجماً يالي تعيشه*** عشه وغده وخلك دوم عنده في عشوشه
الركن03-Dec-2003, 01:46 PM
تسلم يابن قرداحي
واشكرك على اختيارك لي وعلى شاعريتك المميزه
والان اسمحلي لان عندي ظروف لايعلمها الى الله وتقبل تحياتي ولنا لقاء ان شاءالله...
الأخوه المشاركين شكراً لكم على وجودكم معنا....
بس خالي مدري وش حاشره في كل موضوع....؟؟؟؟؟؟
يالله لا تعنينا يالله.
صنيتان قرداحي03-Dec-2003, 07:27 PM
الركن!
مشكور ولنت معذور.
الطاروق مخذ حقه. والمتابعين ما استفادو
اذا سمحت لي اخي الركن هذه ليست المرة الاولى .والمتتبع لمحاوراتك.
يرى انك دائما تنهي اللعب من طرف واحد بنفس الاسلوب وبنفس العبارة ايضا!!
اقدر ظروفك . وللاخرين ظروفهم ايضا..ولكلٍ حريته ايضا
وهذا للتوضيح والاعتذار للشعراء والمتذوقين الذين يشجعون الاستمرار
...........
*
طلال الثعلي03-Dec-2003, 07:41 PM
طلال الثعلي03-Dec-2003, 07:43 PM
صنيتا ن قرداحي
ماقصرت الله يعطيك العافيه
والركن هذي عادته
يخليها لين تحتمي ثم كبها
صنيتان قرداحي03-Dec-2003, 07:45 PM
الاخوة الاعزاء
طلال الثعلي ذياب المرشدي
اشكر حضوركم ومتابعتكم ومتابعة شعراء متمكنين من امثالكم تثري المحاورة
وعتذر لكم اصالة عن نفسي
والركن عنده الخبر اليقين
تحيااتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
