سوق السحاب يسوقني يمك الشوق

هذه هي اولى قصيدة ومشاركه لي بهذ المنتدى آمل ان تحوز على شيء من رضاكم
سوق السحاب يسوقني يمك الشوق=سوق الرياح لسحبها في فضاها
هبت ويتبعها ضهى المزن برفوق=غربية قام يتصافق هواها
اظلم سماها واكتسى الجو من فوق=وركد اثقال المزن وانهل ماها
ديم مطرها وارتوى كل زملوق=من فضل ربي يوم ربي عطاها
مراحب يرتع بها راعي النوق=خضراءغدت يوم الربيع اكتساها
فيها النفل فيها الخزمى لها اطروق=فيها ام سالم ساجعه في غناها
انا على ذكرالحيا دوم مطفوق=انسق الرحلات واسعى وراها
مجهزالعزبه معي وسط صندوق=عيسى الرشودي لونسى مانساها
فنان بالجمري مقلقل ومسلوق=وان جيت للكبسه معي ماعلاها
ومهيله تنعش وبراد محبوق=والناس منهوعاد يدرك ارضاها
وخدمة خويي واجبي خيرمنطوق=عتزفيها وافتخرواتباها
الصحبه اللي بالسفركلهم ذوق=عن سيرة الانذال تكرم لحاها
مابينهم خدعه ولابينهم بوق= خوة رجال عاليا مستواها
فلة حجاج وكل مطرود ملحوق=ولادامت الدنيا لحيا بغاها
القاف ابا سجه على كل طاروق=مع سكة اخطوط بعيد مداها
مع القريحة بين سابق ومسبوق= نوب تعصاني هي ونوب اعصاها
ابعد عن النمة وهرج بمخلوق=مجالس مايانس اللي لفاها
والمزح احبه دائم يمه اتوق=طبعي وربعي ماتضايق عساها
وقلبي خضروان شاف له زول غرنوق=على الشرف والا الرديه حشاها
مايستترمن يرتدي ثوب مشقوق=السمعه اغلى من حياتي غلاها
والعلم كنز وتاخذ الطاق مطبوق=سلعه ثمينه ماخسرمن شراها
=عيسى الرشودي العوفي=

مايستترمـن يرتـدي ثـوب مشقـوق=السمعه اغلـى مـن حياتـي غلاهـا
والعلم كنز وتاخـذ الطـاق مطبـوق=سلعـه ثمينـه ماخسرمـن شـراهـا




عيسى العوفي

صح السانك يامبدع


بارك الله فيك

الله

مشكور ياعيسى على هذه الرآئعه

جزله يالجزل

لاهنت وصح لسآنك

ننتظر جديدك يالغالي

محبك

,’

اخي الفاضل شامان الاسعدي
صح بدنك
تشرفت بمرورك الكريم
تحيااااااااااتي لك

الاخ لفاضل /عبدالله الجذع
صح بدنك
تشرفت بمرورك الكريم
لك الود

مراحب يرتـع بهـا راعـي النـوق=خضراءغدت يـوم الربيـع اكتساهـا
فيها النفل فيها الخزمى لهـا اطـروق=فيهـا ام سالـم ساجعـه فـي غناهـا
انـا علـى ذكرالحيـا دوم مطفـوق=انسـق الرحـلات واسعـى وراهـا

ارحب ياعيسى وصح السانك ومين اللي
مايحب الحيا وكل رجال راعي نوماس يتبع
الحيا والعرب قالوا قديم :
الزين مثل الحيا متبوع - لو ماتلى الناس يتلونه

صح السانك مره اخرى ودام ابداعك ..
تحياتي وتقديري .. بدرعيد ..

صح لسانك يالعوفي


وصف رائع

وابيات جميله




شكرا وننتظر المزيد

لاخ الفاضل/بدرالهبيري
تشرفت بمرورك الكريم وتعليقك الهادف
لك خالص تحياااااااااااااتي
وتقديري

الاخ الفاضل معجب العتيبي
اشكرك على مرورك المشرف
تحياااااااااااااااتي لك