اقرب شاعر تفضل لاهنت ؟؟
حمود الحريجي12-Feb-2009, 01:25 AM
سـلام تسليمت وفا سلم الرجال الطيبين
اقولها في حلة اعتيبه كريمــين الخــصال
*********
الشعر مثل البحر له غبه وبه كنزن ثمـين
احدن يغوص ابغبته ماهر واحد ماله مجال
محمد النخيش12-Feb-2009, 01:33 AM
الله الله ياحمود
صح لسانك
في انتظار من يرد عليك
متابع ....
حمود الحريجي12-Feb-2009, 01:35 AM
ابو مناسيب
لاهنت على مرووورك المشرف
وصح ابدنك وماعليك زود
تحياااتي
$ الحــيــران $12-Feb-2009, 01:42 AM
يامرحبا ترحيب غالي بالرجال الغانمين 000 في حلةٍ سلم الوفا من سلمها طول الليال
الشعر غيض وفيض مايغوى رجالٍ عارفين 000 واللي يبا عد الروى يارد على عدٍ زلال
$ الحــيــران $12-Feb-2009, 01:43 AM
إذا ماعندك مانع يالغالي
قافي ماحد رد عليه وقلت اسولف معك ويتأجل قافي لين يجيني من يهجدني الله ياخراجني
حمود الحريجي12-Feb-2009, 02:05 AM
دام البقى في شاعرن يعرف يساره واليمين
وان كــبرت القــاله يمـيز بين مـيـله واعــتدال
*
العلـم مـن بـين العــرب قاسـيه عيا لا يلـــين
وانته تسوق العذر واتبرهن لـها دون احتـمال
حمود الحريجي12-Feb-2009, 02:07 AM
حيااك الله ياالحيران
وصح السااانك والمحل محلك طال عمرك
تحيااتي
$ الحــيــران $12-Feb-2009, 02:16 AM
الظلع حنا ندحمه ياحمود بالجنب المتين 000 سولف وأنا أسولف وحذرا لايطول ابنا الجدال
ماهو بكيفي لو بغيت أبرر الموقف يبين 000 بكره الحقايق تنكشف مابين عم وبين خال
حمود الحريجي12-Feb-2009, 02:28 AM
بالهرج يالحيران اقول انت الاسد ولك العرين
مير البلا دعــواك راحت في يــدين الاحتلال
*
انته تدرجــها وصارت فوق راسك حاجــتين
الاولــه ذله والاخــرى راضي بكل الحــوال
$ الحــيــران $12-Feb-2009, 02:37 AM
من يقرن أقواله بفعله غير حنا يالذهين 000 لا لا تبرا من بني عمك كريمين السبال
أنته مع حزب الحسن والا من أنصار الحسين 000 الأوله والثانيه فالكبد والا فالطحال
حمود الحريجي12-Feb-2009, 02:58 AM
الشك والريبه ماتـدخل في قلـوب الواثـقـين
مير البلا منهو يخيل البرق في وسط الخيال
*
يالربع هذا صاحبي سيطر به ابليس اللـعين
ليـن ان روّح في طريــقن ماوراه الا الــهزال
$ الحــيــران $12-Feb-2009, 03:14 AM
بكره تعلمك الليالي بالخوافي والسنين 000 ياللي تطارد فالسراب وتحسبه فالصبح لال
الدرب قدامك زرعنا به لغم ياذا الفطين 000 تبا جنيهات الذهب والا ريالٍ مع ريال
حمود الحريجي12-Feb-2009, 03:33 AM
لو كان في نفسك ثقه بانك من اهل المسلمين
ماكان سميت اسمك الحــيران في كل الحــوال
*
اللــغم في غاربك ثــار وحل في قلـــبك ونــين
ياراعــي الفنــجال يامطــيب شــبوبك والـــدلال
$ الحــيــران $12-Feb-2009, 03:38 AM
لا يالحريجي وش حصل حتّى نصحي الغافلين 000 أنا بفعلي رجل يارجال مابين الرجال
ابلا سبب في تالي الطرقه أنا أشوفك حزين 000 وش حالتك لو عوّدت مابيينا حرب وقتال
حمود الحريجي12-Feb-2009, 03:43 AM
الحيراان
الله يعطيك العافيه وصح السااانك وتشرفت بالمحااوره
معااك شاعر وجزل والله يعطيك العافيه
نبي نختم المحاوره بابياتك وانت كفيت ووفيت ياخوي ولاهنت
وان شالله بيننا محااورااات مستقبلا
كل الشكر لك من القلب وعزالله اني تمتعت بالشعر معك
تحيااتي لشخصك الكريم
$ الحــيــران $12-Feb-2009, 03:48 AM
أخوي حمود ألف شكر على إتاحة الفرصة لي لمجاراتك يالغالي
والعذر والسموحه لو حصل قصور
حمود الحريجي12-Feb-2009, 09:23 PM
ماجا منك قصور
وعساني ماقصرت ؟؟
كل الشكر لك
تحياااتي
$ الحــيــران $12-Feb-2009, 09:28 PM
الشك زايل ياحمود ولاهان راسك
حمود الحريجي08-Jun-2009, 01:24 AM
تسلم تسلم يالحيران
شكرا لك من القلب
تحيااتي
عشقA08-Jun-2009, 11:33 AM
صح لسانك يالحريجي وصح لسانك يالحيران
ابدعتووو...
سعد حميد الثبيتي08-Jun-2009, 04:25 PM
ياسلام فتل ونقض على مستوى
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
