غاسل ٍ كفي من مصافحـة بعـض اليديـن ***وقافـل ٍ بوجيـه اهلهـا صناديـق البـريـد

غاسل ٍ كفي من مصافحـة بعـض اليديـن

وقافـل ٍ بوجيـه اهلهـا صناديـق البـريـد


وشايف ٍشي ٍ لي اعـوام مالـي فيـه عيـن

وقاطـع ٍ خيـط الهقـاوي بسكيـن الوكـيـد


وخالص ٍ من طيـب ظـن ٍ موهقنـي سنيـن

وظاهر لي عقب عرف العـرب عقـل ٍ جديـد


وطايح ٍ من عيني ارجال عنـدي كـان ويـن

وحاقـر ٍ منهـو يقيـس الاوادم بالرصـيـد


ومحتمي ٍ من غدر الاصحاب في حصن ٍ حصين

ولابس ٍ لرماح الاقـراب ثـوب ٍ مـن حديـد


وماضي ٍ مني علـى اللـي تمشينـي يميـن

ما تجي منهو قريـب ٍوالـى احتجتـه بعيـد


المواقـف تشخـل النـاس والطيّـب يبـيـن

كل عام يطيـح تسعـه ويصفـا لـي وحيـد


اشهد ان خيـر المـدارس تجـارب الاوليـن

واشهد ان راي التجارب هو الـراي السديـد


واشهد انـي للبـلاوي علـى الدنيـا مديـن

كل مـاراجعـت نفسـي طلعـت المستفيـد






شاعر المليون /محمد بن فطيس المري

صح لسانه وبارك الله فيك

صح لسان الشاعر والناقل

اشهد ان خيـر المـدارس تجـارب الاوليـن

واشهد ان راي التجارب هو الـراي السديـد




لاهنت ياخلف

صح الله ابدانكم


وشكرا على تواجدكم المعطر

صح لسان ابن فطيس وسلمت يا خلف

ذائقه مميزه و رائعه


لا هنت يا خلف


و صح لسان شاعر المليون ابن فطيس

لاعجب ولا استغراب على المحيط الهادئ

من روعة مايسطره قلمه الجياش

ليبحر بنا في خياله الكبير والواسع

ويخرج لنا من كنوز البحر الذي يحمله

أدام الله الإسلام من أمثاله وحفظه

فهو معجزة القرن الواحد والعشرين

شعرياًً وأخلاق عالية

شكراً لك أخي الفاضل على نقل قصيدته