11-Mar-2005, 03:35 PM
السلام عليكم ورحمة الله وبركاته
وإليكم هذه الأبيات والتي فيها محاولة الرجوع للماضي
وإن شاء الله تحوز على رضائكم
يفضل قرائتها باللحن الطويل
ساق القدر رجلي لرجم ٍوعديته=
عصرية السبت يم ديار خلاني
حزم ٍ صفا والسحايب بامس مسقيته=
بارض ٍ كساها الحيا والقاع غدراني
في نجد ماغبت عنه ولا تعديته=
رجم ٍرقيته ومدهال الهوى باني
هلت دموعي بلحظة شوفتي بيته=
والشمس غابت وانا بالرجم وحداني
ولولا الخطر كان بيت الزين مريته=
بس البلى ربعها ضدي وعدواني
ماغير نظره بعين الشوق راعيته=
في ساعةٍ راجعت لي وقتي الفاني
حاولت انا انساه لكن ماتناسيته=
والقلب ماطاع في مدعوج الاعياني
أخلصت له بالمحبه يوم حبيته=
حبٍ سكن بالخفوق بجوف شرياني
حبٍ قديم ٍعن العذال داريته=
فضلت به عن كلام الناس كتماني
واليوم ثامن سنه والزين ماجيته=
واخاف بعد البطى يسلى وينساني
يارجم ليتك بلحظة جيت ناديته=
وانهيت طول الفراق وليل الاحزاني
وإليكم هذه الأبيات والتي فيها محاولة الرجوع للماضي
وإن شاء الله تحوز على رضائكم
يفضل قرائتها باللحن الطويل
ساق القدر رجلي لرجم ٍوعديته=
عصرية السبت يم ديار خلاني
حزم ٍ صفا والسحايب بامس مسقيته=
بارض ٍ كساها الحيا والقاع غدراني
في نجد ماغبت عنه ولا تعديته=
رجم ٍرقيته ومدهال الهوى باني
هلت دموعي بلحظة شوفتي بيته=
والشمس غابت وانا بالرجم وحداني
ولولا الخطر كان بيت الزين مريته=
بس البلى ربعها ضدي وعدواني
ماغير نظره بعين الشوق راعيته=
في ساعةٍ راجعت لي وقتي الفاني
حاولت انا انساه لكن ماتناسيته=
والقلب ماطاع في مدعوج الاعياني
أخلصت له بالمحبه يوم حبيته=
حبٍ سكن بالخفوق بجوف شرياني
حبٍ قديم ٍعن العذال داريته=
فضلت به عن كلام الناس كتماني
واليوم ثامن سنه والزين ماجيته=
واخاف بعد البطى يسلى وينساني
يارجم ليتك بلحظة جيت ناديته=
وانهيت طول الفراق وليل الاحزاني
