كون السقايين والفرم

قصة السقايين والفرم الحربي
في سنة من السنوات حل القحط والجدب على اغلب أراضي نجد ونزل السقايين ومعهم ربعهم الوصامعة من ذوي عون مراعي تابعة لقبيلة حرب وشيخهم محسن الفرم فأرسل الشيخ / علوش بن سحلي بن سقيان احد رجالة من الكماهين الى الفرم يستأذنه فذهب المرسول الى الفرم ليستأذنه فقال الفرم انتم وينكم الآن فقال نحن فالمحل الفلاني ( في داخل حد الفرم) فقال الفرم انتم نزلتم هالحين رح وعلم ربعك يشدون ثلاث شدات وراهم وبعدين نشوف حنا نسمح لكم أو لانسمح ولا علي الطلاق لا صبحكم صباحا كلن يهرجبه وكان الفرم متزوج من أمرأتين وحده بنت بن ربيعان العتيبي والثانية بنت الذويبي الحربي عشى الفرم مرسول بن سقيان هكليله وبعد العشاء جا العازمي صاحب ربابة عند الفرم وعرف وش الى حصل اليوم واراد ان يكسب ود الفرم وقام برد قصيدة وشيلها علي الربابة يمدح فيها الفرم ويسب السقايين وكان الناس قديما عندهم ذاكرة قوية يحفظون القصيدة من اول مايسمعونها
عود المرسول للسقايين وأخبرهم برد الفرم وقصيدة العازمي فشاور الشيخ علوش بن سقيان كبار السقايين واجمعوا على أن ينزلون على عدود الفرم غصب وحصل ذلك ومادري الفرم ألا وخيل السقايين مصبحته وحصل قتال شديد هزم فيه قوم الفرم ونزلوا السقايين وربعهم على العدود وجابو العازمي صاحب القصيدة لأبن سقيان وقال قصو لسانه فقال الشاعر يالأمير ودي أسمعك قصيدة قبل ان يقطع لساني فقال له الأمير هات ماعندك فأنشد القصيدة التالية

ليت المثايل قلتها بالسقايين
حـــمايـــة التالي والاريــــاق يباس
إن جا نهار الكون مثل السلاطين
كبار البخوت إللي على الخيل فراس
علوش بن سحلي معشي الضعيفين
وذيبا ليا لحقو علي قــــب الأفراس
وفيهم أبو مطني حسابه بتسعين
مايضرب إلا بالصناديق والـــراس
وبرجس ابن سالم كعام المعادين
مايطرح إلا لابس الدرع والــطاس
وابن الغفيلي يوم جينا مغيرين
ياخذ علي خيل المعادين مرواس
شوفي نهار الكون والحساب ستين
والكل منهم حربته تسلس اســــلاس
فقال علوش سلمت يا الملعون وطلق الفرم حريمه
انتهت القصة والأعلام الذين ذكروا في القصيدة بالترتيب
1-الشيخ /علوش بن سحلي بن سحلان بن سقيان
2-ابومطني هو/ فيصل بن الحميدي بن سحلي بن سقيان
3-برجس بن سالم بن سند بن معاود بن سقيان
4-عمر بن الغفيلي بن نافع بن سقيان

المصدر الشيخ /خالد بن نايف بن رباح بن سقيان

الحمدلله علي نعمة الاسلام والله يرحم اموات القبايل جميع

ياحبك للفتنه ياالعطاوي وش دخلك بين مطير وبين حرب بسوالف لاتعلم هي صحيح ام ماهي صحيح انصحك ان تحمد ربك ومالك ومال الناس


وتقول المصدر قول السقياني


اخوي عندك مشكله مع احد من الفروم على شان تقول كذا

ياحبك للفتنه ياالعطاوي وش دخلك بين مطير وبين حرب بسوالف لاتعلم هي صحيح ام ماهي صحيح انصحك ان تحمد ربك ومالك ومال الناس


وتقول المصدر قول السقياني


اخوي عندك مشكله مع احد من الفروم على شان تقول كذا



اخوي محمد الله يسامحك انا احب الفتنه ياخي هاذي قصة واقعية ولا فيها شي كل القبائل اخذ ومأخوذ غالب ومغلووووب وبنسبه للمصدر بن سقيان قبل ماروح يمة سألت والدي الي عمرة 75 سنة الشيخ بادي بن مطلق العطاوي العتيبي عن القصة كنت اسمعها وانا صغير واكدلي ان القصة صحيحة لكن تفاصيل القصة ماعرفها اذهب لبونايف يعلمك يقصد الشيخ خالد بن نايف بن رباح بن سقيان صديق الوالد رجل يعتبر من اعيان السقايين معروف انه يقول الصدق لو على نفسة )
بعدين انت تقول بيني وبين الفرم مشاكل والله اني مااذكر اي مشكلة مع اي انسان الفرم امير وكفو ولافيه حيلة

اخوي محمد الله يسامحك انا احب الفتنه ياخي هاذي قصة واقعية ولا فيها شي كل القبائل اخذ ومأخوذ غالب ومغلووووب وبنسبه للمصدر بن سقيان قبل ماروح يمة سألت والدي الي عمرة 75 سنة الشيخ بادي بن مطلق العطاوي العتيبي عن القصة كنت اسمعها وانا صغير واكدلي ان القصة صحيحة لكن تفاصيل القصة ماعرفها اذهب لبونايف يعلمك يقصد الشيخ خالد بن نايف بن رباح بن سقيان صديق الوالد رجل يعتبر من اعيان السقايين معروف انه يقول الصدق لو على نفسة )
بعدين انت تقول بيني وبين الفرم مشاكل والله اني مااذكر اي مشكلة مع اي انسان الفرم امير وكفو ولافيه حيلة

اخوي والله لو ماذكرت اسم والدك الله يطول بعمره على طاعته لا اقول انت مطير ولست عتيبي
أنا احب اسالك سوال واحد لك فائده من يراد هذه القصه سوا صحيح ام غير صحيح
ياخي تقول عمر ابوك خمسه وسبعين سنه يعني ميلاده بعد توحيد الممكله وبعد الفوضى التي كانت بنجد
ابوك من مواليد هـ 1358 والمملكه توحيدها عام 1351هـ بعد هذا التاريخ ماجات بين القبائل حروب ماكان حاضر هذا الوقت وشلون تجيب شي من دون دلايل . وبعدين تقول العازمي قام يسبب السقايين والناس منول مايسبون بعضهم مثل ماهو على الان لاشبع من المفاطيح قام يهجى له قبيله الناس منول اذا قصد احدهم عد الصحيح سوى له او عليه

يقول بن شرار شيخ ميمون من مطير يوم هزم الذوبه

خوات نوره شافو المكرهيه = تناولوا قبٍ سوات الشياهين

ماسبهم والله رقيبٍ عليه = معي الله والقبائل معيين

ماقال هزمناهم وذبحناهم


وانا ترى ماتهمني الامور هاذي ماهي الا مجرد نصيحه لك

وعذرني اذا كنت مخطي عليك

الله يرحم اموات المسلمين ويعفو عنهم
والله يديم الامن والامان ويؤلف بين قلوب المسلمين

يعطيك الف عافيه يالغالي
اما بالنسبه لمحسن الفرم ماكان ماخذ ذويبيه
انت من يون جبت السالفه ؟؟

واول مره اسمعها ومحسن متاكد مليون بالميه انه ماخذا ذويبيه
والذوبه خوالي وقد نشدتهم عنها

كلهم طيبين ونعم فيهم

يالربع فكونا من هالمواضيع هاذي والله لاتزيد ولاتنقص الذابح والمذبوح ماناصل مواصيلهم

اتمنا تواريخ القبايل تحذف من جميع المنتديات ماتجمع اتفرق

الله يرحم موتانا وموتى المسلمين