يامقهويني........

مرزوق العتيبي



لا تحاولبـي علـى الفرقـا تـرانـي=
ما حزمت ألاّ علـى قلبـي ضلوعـي
وان حداني فيك/ منك اللـي حدانـي=
والله لتبطـي ولا طالـك رجـوعـي
صدتـي وحـده ولا فالصـد ثـانـي=
وانشد اجناب العرب وانشد ربوعـي
عنفواني صـد .. صـدي عنفوانـي=
ورجعتي ما تشبـه ألاّ حـب كوعـي
يعني ان قفيت ما اسمع مـن دعانـي=
لو ينادي ما وصل صوتـه سموعـي
شرهتـي فالعيـن ماهـي فالاذانـي=
لا تشبعني كـلام ان شفـت جوعـي
عشّني عينـك او اتركنـي عشانـي=
ما تعـودت اتعشّـا مـن خضوعـي
من هدمني فـي عيونـه مـا بنانـي=
ومن بناني له علـيّ اهديـه طوعـي
مـا يحركنـي قلـيـل ولا دهـانـي=
والكثير يجيـب كمّـي قبـل نوعـي
والسفر لـه مركبـي قبـل الموانـي=
والحياه اسفـار وطبوعـي طبوعـي
وان خسرتك ما خسرت اغلى خواني=
وان ذرفتك ما ذرفتك مـن دموعـي
دام مـا مكّنـك ربــي فالمحـانـي=
ما عليْ اخلاف ومواصـل طلوعـي
ما خذانـي منـك شـئ ولا عطانـي=
جيت في سبتي وغادرت إبْ ربوعـي
يا مقهوينـي جفـاك اسمـع كفانـي=
كف رسلانـك وانـا برفـع قدوعـي
مودمانـي وألـف غيـرك مودمانـي=
والوصال اكبـر خسـاره فالقطوعـي
كان منـت الشمـع مانـي شمعدانـي=
وكان صرت الشمعدان اضوي شموعي
وان نويـت البعـد والفرقـا ترانـي=
ما حزمت ألاّ علـى قلبـي ضلوعـي
وان حداني فيك/ منك اللـي حدانـي=
والله لتبطـي ولا طالـك رجـوعـي

السلام عليكم ورحمة الله وبركاتi
الاخ : مرزوق العتيبي
تسلم على هذة القصيدة الرائعه
والسلام

صح السانك

والسان الشاعر مرزوق العتيبي


المسعودي مرزوق العتيبي خوينا ولا غيره

فيـــصل المسعودي

صـــح لسانــك ولسان الشاعر مرزوق

وسلمــت يمينك ع النقــل الرائـــع

لاتحرمنــا تميز ذائقتــك الشعريه


تحـــــاتي لكــ

صح السانك ولسان مرزوق

ولاهنت يالغالي



تحيااااااااااااااااااااااااااااااااااتي