لغز لبندر بن سرور ,,

فيه قصيدة للشاعر العتيبي بندر بن سرور تضمن اخرها لغز

فهل احد يعرف حل اللغز ؟ اذا كان احد يعرف , لايبخل علينا .

ولغزه كان في قصيدته المليئة بالحكمة اللي يقول في بعض ابياتها :


الله من قلب كل مامات همه = دارت دواليب الدهر لين تحييه

فراق شمل الناس عيا يلمه= وقت يشيب الراس من شايتن فيه

احدن ينام وحط راسه بكمه = واحدن تخم النوم عينه وتخطيه

واحدن يحاول بالردى بنت عمه = واحدن يدور ستر عذرا عوانيه

تخالف الانظار شرق ويمه = كلن هدف رايه من الناس مرضيه

انشدك ياللي كل شي تتمه = تقرا الكتاب وكل فرض تصليه

ويش القليب اللي عميق مجمه = ماسر غرسه ماه عطشن سوانيه

سم السبب ياعارفن عنه سمه = سم السبب يعارفه قبل اسميه

يمكن اني نسيت فيها كم بيت لاني ماني بحافظها كلها

اتمنى من اللي يعرفون جوابه الا يبخلون علينا

ولكم الشكر ,,,,

افااااا ,,,,

ماتوقعتها منكم , ولا رد ولاهم يحزنون


انشدك ياللـي كـل شـي تتمـه = تقرا الكتاب وكل فرض تصليـه
ويش القليب اللي عميـق مجمـه = ماسر غرسه ماه عطشن سوانيـه
سم السبب ياعارفن عنـه سمـه = سم السبب يعارفـه قبـل اسميـه

سلام عليكم

حياك الحضري اسمحلي اعدل البيت الاخير

سم السبب ياعارف عنه سمه
سم السبب ولا تراني بسميه

اللغز انا ابتحلت فيه قبلك لكن ننتظر الاخوان

تقبل مروري

حل اللغز سياسي

الاخ حضري ومن شاركه الراي

هذه القصيده للشاعر الراحل بندر بن سرور

وهي ليست سياسيه وكل ابياته واضحة المعاني مـــــاعدا بيته التالي

ويش القليب اللي عميق ٍ مجمـــه=مأسر غرسه ماه عطش ٍ سوانـــيه


فهذا البيت يعني عمه لحيث انه طلب الزواج من ابنته وقد طلب عليه مبلغ صعب جداً ويعتبره تعجيزي

من عمه لعدم رغبته في زواجه0(والقليب يعني بنت عمه )جمها عميق اي اصلها وساس جده)

(غرسه هو يعني بذره اي قريبه )والله من وراء القصد0تحياتي للجميع000

أخوي ( ماله امان )

قلنا لك جواب اللغز سياسي ومعروف لدى الجميع

بس نحترم قوانين المنتدى وأخوانا المشرفين

الجواب معروف عند كل القبايل
يل حضري مايحتااااااااج ايت اجااااااابه
لان الجوااااب سياسي

اقول ماله امان اعطاكم الجواب وقصيدته ليس فيها اي حرف سياسي

لاتخلطون بيناه وبين محاورة المرحومان الثبيتي وصياف ترى كلها بير بس المعنى غير0

انا يااخوان ارى ان الحل هو

بأر النفط

وقد سمعت اكثر من شخص ان الحل
هو بأر النفط

نعم ابارالنفط ..

هذه ابيات شعر لشاعر سابق وليس بالضرورة ان تكون رأي صاحب الاجابه فلماذا التهرب من الجواب الصيح ..

انا يااخوان ارى ان الحل هو

بأر النفط

وقد سمعت اكثر من شخص ان الحل
هو بأر النفط


صحيح الجووووووووواب