يالله يا حمد بن جوباح

يا مرحبا يا هلابك يابن جوباح=ترحيبة تبري الروح العليله
انا ابا سولف معك والوقت ماراح=والله يخلص عميل من عميله

صح لسانك يانايف الروقي

ولاهنت

====

وانت الظاهر انك حالف الليله لتلعب 5 طواريق ورى بعضهن

الله يكفينا شرك يانايف

ههههههههههههههههههههه

وصح لسان حمد وانا بصف ابن جوباح

تحياتي

.
..

حيا الله نايف

:)


دام البقا يا خيال ٍ بارقه لاح = لكن ما يروي الضميان سيله
دام السوالف لها قفل ٍ ومفتاح = ما اقبل كلام العميل الا بدليله

.
..

حيا الله ابو جزاء

صح بدنك طال عمرك

والصف عامر بوجودك يا المدرب :)

ونايف عليه معونة الله

ازهله الليله

هههههههههههههه

:)

.
.
.














تحياتي لكـ ،،

الليل دوب استوى والحض ماطاح= مثل قبيله وانا امثل قبيله
واصلك يا صاحبي دكتور جراح=بعض الاطبا ترى مافيه حيله

الليل دوب استوى والضلع ما انزاح = والصف واحد ولا جاء فيه ميله
حاشي بحجم الجمل لابس له وشاح = يبرك لحمل الجمل وازرا يشيله

:)

يا صاحبي يا حمد مانته بمرتاح=يا ماطول الليل والرحله طويله
الله يديم السعد ويديم الافراح=حنا هل الاوله و اهل الجميله

اللي تحيزم بلا بندق ولا سلاح = لو طوّل بطرقته ينهد حيله
مستعجل ٍ بالهدد يا الطير سدّاح = وان جيت وقت الهدد جبت الفشيله


:)

الله الله ,, يانايف ,,
صح لسانك ,,
الله يعطيك العافية ,,


...

مبدع مبدع مبدع يابو جوباح ..
صح لسانك صح لسانك ..

الله يعطيك العافية ,,

ومتابع لكم ..

حنا سهمنا يابن جوباح ذباح=لا تقرب الموت ياراع الاصيله
طير الهدد حر إله مخلاب واجناح=واللي تعرض بدربه عزتيله

الطايره قادها كبتن وملاح = يا اللي معك غايه ولا لك وسيله
يقطف ثمرها بدون ابذور ولقاح = الظاهر انه جحا مدري مثيله
:) العذر منك تاخرت للصلاه :)

لا تسبح البحر وانته منت سباح=اضن من يسبحه مابه عقيله
ياصاحبي منت متهني بالامراح=همك على القلب مار الله يزيله

ياللي تغنّي على لاماك سوّاح = اكليب ما فاقده غير الجليله
ياللي بسد الجبل غادي لك ضباح = أنا عتيبي على ظهر الكحيله

:)

حاشي بحجم الجمل لابس له وشاح
يبرك لحمل الجمـل وازرا يشيلـه






الله عليك يامبدع


ولا يهون نايف

.
..

حيا الله الكبتن

شرفتنا بمرورك طال عمرك

والإبداع نتعلمه من الكباتن شرواك

:)

.
.
.














تحياتي لكـ ،،