كل عام وانتم بخير

كل عام وانتم بخير اجمعين لو انني ما احبذ اللعب في رمضان لكن اعتبروها مباركة بالشهر الفضيل



الله يبارك لإمة الاسلام بالشهر الفضيل=كل الحرايب جعل رب البيت يطفي نارها

والثانية ياربعي عتيبة هل السيف الصقيل=جيت اتنشد في بلادي عن جديد اخبارها

..

وأنت بخير وصحه وسلامه والليله المجال مفتوح للناس المعتزله للنت في رمضان هههه

استلم :


الله يبارك للعباد بكل يوم وكل ليل= ويفكهم شر الحرايب سوها واقدارها !!

ياناشدٍ عن عزوتك كل الجزاله ياجزيل=ربعك على عهدك على الطاله طوال اشبارها !!

مرحبا بك ياناصر هلا



ترا الفلك دوار والاعمار قافيها رحيل=اهم شي السلعة اللي ماتبور اسعارها


عطني جميع اخبار من يركض على الدرب الطويل=كيف المدرج؟.. جاهزٍ للطائرة واعصارها

صحت السنتكم






متابع عن قرب

..

البقـــــــــــا بك والله


يالله حسن الخاتمه يالله بالضل الضليل=ياراعي السلعه قصيفه مار شوفوا غارها !!

ابشرك بالمرزم وبالخامس وطلت سهيل=والطايره طارت ولكن مابعدوا مشوارها !!

التحدي

ناصر الجلاه

صحت السنتكم

واصلو يالذيابه

متابع

تحياااااتي

الغصن لاهزه نسيم الريح ياناصر يميل=كل الدروب اللي تيامن لا تروح يسارها

ماهمني فالوقت والله من يحط ومن يشيل=عن عيد ثالث هرجتي مضوعوها واسرارها

العمدة


سلطان الحافي


صحت ابدانكم

..


واللي نزل وسط المسيله كيف يامن فالمسيل=ياراعي البندق ترقد لايهس عيارها

والله مافكر فالرجال اللي تفتل فالفتيل=إن هونت من حضها وإن عزمت فأزوارها

..


العمده

..


سلطان الحافي

..

صحت ابدانكم مروركم يشرفنا

لاهنتوا يالأخوان


..

في تالي الايام ماظنيت فيها مستحيل=حتى هبوب الريح شفها مختلف تيارها

يا ابن الحلال انشّدك ما جيت ادور للقتيل=حب المشاكل في قلوب الربع يعم ابصارها

..



الله واكبر يالعتيبي صاحبك وفاي كيل=تنشد وتنشد نشدتك في اطوالها واقصارها

ياشاعرٍ طبعك كريم أنا ترى ماني بخيل=تراي انا عسافها يامدورٍ ضيارها

..



الله واكبر يالعتيبي صاحبك وفاي كيل=تنشد وتنشد نشدتك في اطوالها واقصارها

ياشاعرٍ طبعك كريم أنا ترى ماني بخيل=تراي انا عسافها يامدورٍ ضيارها

ناصر صح لسانك ماقصرت وجهك ابيض

اسمح لي فيما بقي وكل عام وانت بخير

صحت السنتكم جميع وكل عام وانتوا بخير
1
1
1
1
1
1
1
تقبل مروركم