مرحبا في حلة العتبان لو ماني عتيبي
رفيع المنزل08-Oct-2009, 06:16 PM
مرحبا في حلة العتبان لو ماني عتيبي = المحل اللي يجيه الوايلي كنه محله
مار انا ماني بداري منهو الليله طليبي = والحقيقه لو يجي مستور غير نزيد غله
حاكم الغنامي08-Oct-2009, 06:39 PM
الكلام اللي تقوله داخله شكة وريبي =والعتيبي وسط داره والقبايل تحت ظله
الزمن هذا زمن ماعاد به شيٍ غريبي =كيف مستور العصيمي ( مثل وجهك واقفله)؟
ذياب منير العصيمي08-Oct-2009, 07:07 PM
الله الله والله التحدي صحت السنتكم
وقواكم الله
رفيع المنزل08-Oct-2009, 07:10 PM
احسبك انك قايل ٍ حنا مدلهة الغريبي = اثرك من اللي يشيل السيف ولضيفه يسله
العصيمي ذيبكم ماعندكم حلياه ذيبي = لو يموت القى الحصاني بعد موته مستذله
طلال ناشي08-Oct-2009, 07:17 PM
الله الله
صحت ألسنتكم
رفيع المنزل - حاكم الغنامي
إبداااع - تحياااااتي
عقاب العنزي08-Oct-2009, 07:22 PM
الله اكبر
صحة الالسن والقلوب وبصف رفيع ولايهون حاكم
..
رفيع المنزل08-Oct-2009, 07:26 PM
ذياب العصيمي
طلال ناشي
صحت ابدانكم واتشرف بتواجدكم
عقاب العنزي صح بدنك واتشرف بك يالذيب
الله يحييك
حالد جزاء08-Oct-2009, 07:28 PM
صحت ألسنتكم
وتحياتي لحاكم الغنامي
حاكم الغنامي08-Oct-2009, 08:28 PM
السؤال افهم رموزه قبل لاتاقف تجيبي =الغريب يدل درب الطيبب ولا مايدله؟
اثرك اللي لابعيد من العلوم ولا قريبي =فالفضا منته مفرق فالنجوم وفالاهله
حاكم الغنامي08-Oct-2009, 09:34 PM
ذياب العصيمي
طلال ناشي
عقاب العنزي
حالد جزا
صحت ابدانكم
ومنورينا بهالحضووور
رفيع المنزل08-Oct-2009, 09:41 PM
ان بغيت الشر خلك في محاربنا صليبي = وان بغيت الخير بعض الهرج يارجال خله
مسرع اللحظات من وقت الصباح ليا المغيبي = انتظر حتى تعود كل دارك مستحله
حاكم الغنامي08-Oct-2009, 09:57 PM
فيك من جحدر وصوف وفيك وصفٍ من كليبي =والوصوف مثبته قدام عيني بالادله
جرحك المزمن نبا نلقاله الليله طبيبي=واخر الطب وعلومه ميسم في وسط مله
رفيع المنزل08-Oct-2009, 10:34 PM
مكثر دلالك ولكن مابها غير السريبي = والسريب لواحد ٍ شرواك ينقل كل زله
ميسمك من فوقك راسك وانت جرحك مايطيبي= مار علمني كلام الحق وش علمك تزله
علاي الحافي08-Oct-2009, 10:41 PM
ان بغيت الشر خلك في محاربنا صليبي = وان بغيت الخير بعض الهرج يارجال خله
مسرع اللحظات من وقت الصباح ليا المغيبي = انتظر حتى تعود كل دارك مستحله
لله الله الله الله ابداع
حاكم الغنامي
صح السانك
رفيع المنزل
صح السانك[/color]متابع
حاكم الغنامي08-Oct-2009, 10:50 PM
والله انا مانعدك لاصديق ولا حريبي =ابك حنا عزوة عتيبه ودوله مستقله
من كلامك واضح انك لاتود ولا تجيبي=ودام هذا وضعك آنا معك وشني جالسله؟
حاكم الغنامي08-Oct-2009, 10:51 PM
عابر سبيل
هلا هلا
صح بدنكــ الابدااااااع مروكــــ
رفيع المنزل08-Oct-2009, 11:04 PM
الحقيقة ياولد هيلا تراى مانته صحيبي = مار جابتك القرادة وانت قرد وفيك خله
مانود ولانجيب وسلمنا مافيه عيبي = وان بغيت تروح فارق والخواطر مسفهله
رفيع المنزل08-Oct-2009, 11:06 PM
جميع من تابع شكرا لكم من الاعماق بدون تخصيص
حاكم الغنامي شكرا لوجودك وصح لسانك والى اللقاء
هايف العوني09-Oct-2009, 09:03 AM
ياسلاااااااااااااااام عليكم
وصح لسنتكم
كايدالاجرب09-Oct-2009, 10:34 AM
رفيع المنزله
حاكم الغنامي
صحت السنتكم على الطاروق الحماسي
عايض النفيعي09-Oct-2009, 10:38 AM
والله انــــا مـانـعــدك لاصــديــق ولا حـريــبــي
ابــك حـنـا عــزوة عتـيـبـه ودولـــه مستـقـلـه
يابعد حييي يالغنامي
انشهد كفووو وجببتها بالصميم
احمد منير الواصل09-Oct-2009, 12:54 PM
صح السنتكم وابداع ويطيك العافيه اخوي حاكم على الابيات الرائعه
صاهود10-Oct-2009, 05:58 PM
صحت الالسن والقلوب جميع
غبت يومين وتقاضبتوا الشوش اثر حضوري مهم وانا مدري
لا لا معد اغيب
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
