شبل مرجحين الموازين / اقلط جاي !!

سلام الله سلامٍ مايوقف غير عند الشبل = على شان الطواريق القديمه مايضيعها

اله عامٍ على المنصب حكيمه من سليم العقل = لأن الشبل لا افترقت ما يقدر يوم يجمعها

هلا يامرحبا ترحيبتن تلفيك بالديسل=علشان الطواريق القديمه ماتراجعها
ليا منك بديت الريع مخك لايعود ضحل=لكن افصح شويه باللحون اللي ترودعها

يدوم الك البقا ياللي تحسبن العسل فالنحل = ترا النحله يعود فضلها للزهر مرجعها

نقول الشبل بعد الرتبه عيونه تريد الكحل = على شان الدروس اللي تصاغرها يسمعها

يقولون العوارف بان شعر الرد نقض وفتل=لكن انته عكست حروفها قدام تطبعها
انا ادري ماهدم بيت البخيل الا عجاج البخل=ولاني راجين له مده ولاني بطامعها

ياشبل الله عليك انك تخلي وضعك المعتل = ياليت اهل النصايح في سرايرهم تربعها

على هونك قبل لاتدعس الحيه وتصبح خبل = ترى راع الكرامه ما يمد اليد يمنعها

ياشبل الله عليك انك تعدل وضعك المختل=ياليت اهل النصايح تلتفت لك وانت تسمعها
هذا فن الخطابه وانت فيه الارعن الاحول=ترى الفقران مثلك مدة اهل الجود تشبعها

صح السانك يالشبل واشكرك على تلبية الدعوه .







..