قصيدة (وبياض الثلج والحمرة!!)

السلام عليكم هذه أول قصائدي في هذا المنتدى الرائع وأتمنى أن تنال رضاكم:

الليل يشهد ونجم الكون مع بدره=والرمش والجفن ونون العين والدمعة
على السهر والشقاء والهم والحسرة=على رجاوي علي تعود منقطعة
على جفاف العدود ويبسة الخضرة=صارت هموم العرب في الصدر مجتمعة
على الآمال التي في النفس منحشرة=و أخاف لاتروح روحة مالها رجعة
سبت فراق الحبيب الي علاقدره=ابو عيون ما خلت في الحشا قطعة
كنها جيوش على ذبح الخصم جسرة=ترسل سهام لقلبي قامت بشلعه
والمبسم تقول ختم في وسط سطره=ياكود تكد حروفه من صغر طبعه
سواد ليل وبياض الثلج والحمرة=في عود ري ن لاسار في مشيته هزعة
في غيبته يمتلك عقلي مع فكره=وليا حضر فالجوارح معه مستمعة
أصد والنون كنه يصال في جمرة=خوف من الناس تدري بوضعي ووضعه
وضلوعي ماهيب من كسرتك منجبرة=الا لاباشرت جبر الضلع مع ضلعه
صارت دروب الشفاة الي نبي عسرة=والليل مظلم وفي يدي ماتت الشمعة
والنفس تاهت وساقي تقول منكسرة=والضلع نايف ويحرس صيدتي سبعه
للناس ما قدر أبين حالتي الخطرة=أخاف ناس تكبر في الهوى صدعة
قولوا له إني أنا باقي على خبره=حبه في قلبي بنى قلعة ورا قلعة!



وسلامتكم..

صح الله لسانك يا ابو ناصر


تقبل تحياتي

الرجل الشامخ



صح بدنك


ولاهنت على المرور..

...

ابدعت صح لسانك ولاهنت

يالاكلبي

صح لسانك يابو ناصر

ابداع من شاعر مبدع


تقبل مروري

مرزوق حمدان

محمد الذيابي


صح أبدانكم



ولاهنتوا

على المرور

...