نعشق الصعب

واعنا حال من صبره تعدا الحدود = لين ضاق الفضاء الواسع بوسط نظره
يزرع الطيب فوق ارضن ثراها جحود =لو سقا زرعها عيا يجود ثمره
صارت البيض في حكيم المقاديرسود=وصارت الميمنه في خانت الميسره
كل شيا تغير والتغير بزود=واكثر الناس عن موروثها مدحدره
ياوجود الذي عافته كلمه وجود=من كثر مايرددها مع الحنجره
لاحدته الظروف مع الطريق السنود=مالقا محزمن صامل يشد اظهره
مالقا الا الهروج مبيحات السدود =في طريق النجاح تحط كم حجره
والرجل كان ماله في الشدايد وجود=في زمان الرخاء وش يفرق عن المره
نعشق الصعب مانسمع كلام الحسود=ونطلب من الله التوفيق والمغفره

,,


صح لساااااااانك يالغالي

لا هنت

,,,,,

صح بدنك يامحمد ومشكور على المرور

صح لسانك ابيات قمه يامجول لاكن اعتقد فيه اكثرمن غلط مطبعي وهي اساسا من البحور الي ينجبر

بالنطق فيها مالم ينجبر بالكتابه؟ يعني يصير فيها بيوت الي يقراها يحسبها مكسوره مع انها صح


وصح لسانك شاعرومعناك سامي
تقبل مروري

الاخ فيصل مطر اشكرك على المرور
ولكن اعتب عليك بعتقادك وجود اخطاء مطبيعيه في القصيدة

صح الله لسانك,,
كلامات مميزه..

راعي العصلا اشكرك على مرورك والله يحفظك