الفهمي والمورقي (( ردية الإثارة ))

السلام عليكم ورحمة الله وبركاته

عساكُم بخير إن شاء الله

هذي رديه خفيفه بين الشاعر الكبير ملفي المورقي والشاعر الكبير عبدالحميد الفهمي

آتمنى آن تنال بعض رضاكم واستحسانكم

البدع من الشاعر الكبير : عبدالحميد الفهمي




شوفتك يا زين تكفي تكفا = جود بالشوفه تراها تكفي

رحت كني في ديار المنفا = مبعدا عن ديرتي رغم انفي

من جواي الجو لي ما يصفا= عن شعوري ما يعبر وصفي

اللسان اليعربي ينحرفا = لو بغيت احكيه نصاً حرفي

في ديار بني حسن والطرفا = معنزل والنوم عازل طرفي

راحت الراحه وراح العرفا = وانتخي شيخ الهموم العرفي

كل ليله له عليه ملفا = حالتي يرثى لها يا ملفي

جود لي بالشور تكفا تكفا = انت كفوا شور مثلك يكفي





الــــرد من الشاعر الكبير : ملفي المورقي








كل جرحاً لو تفاقم يرفا = حسب فهمي في الحياه وعرفي

كم عليلاً عقب سقمه يشفا = اطو ياسك بالرجا يا حلفي

اعتقد ما عنك شيا يخفا = حشمتك نويت ادق السلفي

والوعد بين الشفا والعرفا = وانت لا قدمي والا انت بخلفي

لا يهمك في الطريق الصرفا = لا تقول الفك واسلمك الفي

عن لزومك مثلنا ما يعفا = وانت لا منسي ولا انت بمجفي

وكان ما قربك جاهي زلفا = من وليفاً عن غرامك مقفي

انتهى وقت الفرس والشلفا = مير سامحني وقدر ظرفي[/quote]

صحت السنتهم جميع


نبض الكلام لاهنت

تحيتي

صح لسان الشاعرين

والله يبيض وجهك

ابدااااع

من الشاعرين


ملفي المورقي أبدع فالقفله

(زلفا ) فاللغه بمعنى قريب وهي موجود فالقران الكريم وابدع ملفي في توضيفها
في سورة الملك ( فلما رأوه زلفة) وهو موعد البعث
وكذلك في سورة ق ( وازلفت الجنة للمتقين غير بعيد )

أشكركم على المرور

ولكم وافر التقدير والاحترام

صحت الالسن والقلوب ومشكور يانبض الكلام لاتحرمنا من جديدك نتشرف بمثلك وشرواك يالغالي

فعلا ابداع تفاجأت بقوة ابيات الفهمي "

وابيات المورقي لاشك في جزالتها وهو معروف قوته في النظم "

بيض الله وجهك على نقل هذا الموضوع يانبض الكلام "

لا يصح تسميتها الا بردية الكبار

بيض الله وجيهم

صحت اللسنة الشعراء



ولاهنت على النقل الرائع




تحياتي وتقديري

شعار مبدعين
والفهمي انطلق كالصاروخ
والمورقي غني عن التعريف