قصائد من إختياري

بعض البشر تفرح بشوفه لياجاك=وبعض البشر ماود عينك تشوفه
والناس ضاعو بين ذولا وذولاك=وكلن على ماشاف يشرح ضروفه
اللي يبيلك خير بالروح يفداك=واللي يبيلك غير تكثر حسوفه
واهل الشماته طبعهم نصرت اعداك=وكلن على ماجاك يضرب دفوفه
سود القلوب الشوف مثلك وشرواك=فعايل الطيب عليهم كلوفه
يجيك طارفهم من الوقت ينخاك=ويصيح من هم الزمان وصروفه
وليا بغاله شي صبحك ومساك=مثل البهيم اللي تمايل كتوفه
ون جت لزومك لو تبي عود مسواك=تكثر معاذيره وتكثر حلوفه
تقصر يمينه عن كرم كف يمناك=عن ضيفة الخطار شحة كفوفه
ووصيك يامن قبلي ابوك وصاك=خلك مثل حرن قليله وصوفه
وخل العلوم الغانمه من مزاياك=ومنه فزعلك لايضيع امعروفه
جاز الرجال ابطيبهم لاعدمناك=ولا تبدي الربعك ولهلك حفوفه
تلقابها التقدير ويطيب ممشاك=وتصير مثل اطويق ثابت وقوفه
وتصير شيخ وكل من جاك ينخاك=ويهتز قلب اللاش من قو خوفه
ورزقك على اللي لا ترجيته اعطاك=منزل القرآن محصي حروفه
ولا البخيل انجيته اقفا وخلاك=كنه يجيب المال من جوف جوفه
ومادام حضك يابن الأجواد يبراك=يكفيك قل المال عن كثر الوفه
جاك الكلام وكل ماقلت يعناك=ومخسار راع البيت حشمة ضيوفه


عطني من الماضي لليام تذكار=دامك معي واقف ولو هي ثواني
يمكن تخفف شي من لاهب النار=نار الفراق اللي بها الله بلاني
ماني معذر فيك لوصار ما صار=والاني مدور بعدك اليوم ثاني
انت الحبيب اللي له النفس تختار=ونت اللذي لك وسط قلبي مكاني
خذيت انا وياك فالحب مشوار=ذكرى جميله عشتها في زماني
واليوم بعد اللي جرى سرت محتار=اسهر ونومي بعدكم ماهناني
لاشك جار الوقت والوقت غدار=ياليت وقتي طاعني ماعصاني






العما والحقد خلا المنافق محترم=وسار راع الطيب ماله مع الناس احترام
ياهجوسي عبري صح لا خط القلم=واذكر الله كل مالاح براق الغمام
السوالف دوب زانت وللمعنى طعم=وحمدالله ما بغيناه جا والحظ قام
طبع بعض اصحابنا ما يغيره الندم=ما يريح خاطره غير طعم الإنتقام
والوعود البايته ما مشت خطوة قدم=الكلام اللي سمعناه هو نفس الكلام
وانت ياللي تكرم ضيوف بيتك من عدم=اشهد ان اللي تسويه هو طبع الكرام
ماتغير طبع الأجواد ميراث الكرم=ولا غوى من يعرف الدرب لو صادف زحام
والنصايح لو توزع على باب الحرم=ما تصحي ميت القلب من حلو المنام
علم واضح كنه النار في راس العلم=يعرفه من يعرف ان ذا حلال وذا حرام
وقت ما طاوع ارجال المروه والشيم=ول ياوقت تحدا رفيعين المقام
كيف صار امعشي القوم راعي فالغنم=والصقر يشرى وينباع في سوق الحمام
عادة الأيام محد من الدنيا سلم=تكوي بلوعاتها لوبعد عشرين عام
والليالي طبعها دوم سلم وستلم=ولا يدومون المخاليق لله الدوام
ومن بناها بنية العز بنيه مانهدم=ومن بنا واضعف اركانها راحت هدام
حضك من القسمه ليا جيت لازم تقتسم=ون جبرك الحظ ماعاد يلحقك الملام
وطلب اللي قدرته تكسي العظم اللحم=يحفظ امن ابلادنا عد من صلا وصام
هذه من اشعار .. الشاعر عواض ضيف الله الربيعي

وجدتها وراقتلي . ووجدت له قصائد على اليوتيوب


وفيه هذه القصيده يقال انه من كلماته احفظ منها البيت اليي يقول


البارحه يوم امرح الخلق ونيت = ونت كسير العظم ينقل صوابه
اسباب غروو بعد فرقاه ممسيت= توه صغير السن باول شبابه
ياونتي لن رحت وليابعد جيت=كثرن علي جفواه واكثر عذابه
علام خلي بعد مارحت وبطيت = عني يصد الزين ويصك بابهوالقصيده اطول من كذا اللي يعرفها كامله ينزلها لنا