اقرب شاعر يالربع...
واسم اللاحي28-Mar-2006, 02:38 AM
السلام عليكم
ومساكم الله بالخير يالربع
اقرب شاعر يرد الله لايهينه
مرحبا باسم الرجال موردة علط الرماحي=باسم روق وباسم برقا في طرف شبه الجزيره
ياجماعه دوروا لي شاعر بالحيل صاحي=ماينير ولايشير وكل ربعه تستشيره
الرشيدي28-Mar-2006, 02:55 AM
وعليكم السلام ورحمة الله وبركاته
البقا رديتةٍ تاتيك من كل النواحي= باسم عبس أهل الوفا والجود والاسما الشهيرة
ودي آنشدك عن قصة حبيب والرياحي=ياعسى بالأمر خير ويا عسى بالأمر خيرة
واسم اللاحي28-Mar-2006, 03:05 AM
حياك الله
يالرشيدي عقب زهبت الذخيره فالسلاحي=انتبه داخل خباها لاتثور بك الذخيره
يامنادي بالصلاحي يامنادي بالفلاحي=حيلتك من دون حالك لاتفكر فالكبيره
الرشيدي28-Mar-2006, 03:12 AM
أبقاك الله
لو أشب النار تحت القدر كان القدر فاحي= مير أنا ماني مع أهل المعرفة شباب نيرة
ردها ياواسم اللاحي على الحزم الصحاحي=وإعرف إن الأولة تاخذك من كف الأخيرة
واسم اللاحي28-Mar-2006, 03:27 AM
لاتشب النار وتصير الضحيه والاضاحي=عندنا والله مانرحمها لياشبت سعيره
اختر اللي ودك بها صاحبك وسام لاحي=ماوسم كود اللحي الطيبه في كل ديره
الرشيدي28-Mar-2006, 03:41 AM
والله إني عن طمان الأرض يرفعني جناحي=لو أشب النار بالمسكين صارت لي معيرة
أنت ودك كل ماتضمى تحصلها قراحي= مير حظك وردك هداج وحبالك قصيرة
واسم اللاحي28-Mar-2006, 03:54 AM
الفراش يطير وليا مر نار القوم طاحي=والحرار الشقر في روس المراقيب العسيره
عقب سارت قافلتنا ماعلي من النباحي=يقعد النباح وعتيبه تكمل فالمسيره
الرشيدي28-Mar-2006, 03:57 AM
واسم اللاحي
صح لسانك وبيض الله وجهك على هالطاروق
ودي والله نكمل الطاروق لكن الجايات أكثر
تصبح على خير
واسم اللاحي28-Mar-2006, 04:00 AM
صح بدنك يالرشيدي
وحياك الله يالغالي
والمعذره اذا حصل منا خطا
تحياتي
واسم اللاحي
خلف بن مرزوق28-Mar-2006, 05:31 AM
00
يامنادي بالصلاحي يامنـادي بالفلاحـي
.......حيلتك من دون حالك لاتفكـر فالكبيـره
واسم اللاحي صح لسااانك
وصح لساااان الرشيدي
تحياتي لكما
شيخ القبيلة28-Mar-2006, 08:57 AM
ياسلام على الأبيات الجميلة من كلا الطرفين وتشكرون على ماقدمتم
مرزوق حمدان العتيبي28-Mar-2006, 12:11 PM
...
.
محاوره تستحق الاشاده
صحت السنتكم ...
والحمد الله على السلامه ياواسم ..
نور المنتدى ..
..
اخوك ....
مركز المعلومات29-Mar-2006, 01:20 AM
بيض الله وجيهكم
والله لايهينك
