19-Jan-2007, 01:43 AM
أنقل لكم محاوره جمعت شاعرنا الكبير رشيد الزلامي أبو جميل
والنجم الشاعر حزام العصيمي
وهي من بدايات حزام العصيمي
رشيد الزلامي
يافهد علّم حبيب والعصيمي والرياحي = والسناني علّمه والمورقي مرّه وقله
شايفاً لي فرخ داباً هقوتي ماهو بصاحي = ياكل الديبان لو نيبانها مثل الأخله
حزام العصيمي
يافهد وصّل رسالة صاحبك قبل الصباحي = والنوايا صادقه واللي عقد حبلاً يحله
البحر موجه غمر جاله على كل النواحي = والطريق المعتدل مع دربكم حنا ندله
رشيد الزلامي
ماعلى دربك ياكود القوم والسم الذحاحي = من حسدهم مايبون أسمك يجيهم في المجله
مير سل السيف وسط المدن ولا في الضواحي = لين تصبح دولةً في الشرق حره مستقله
حزام العصيمي
مستعيناً بالكريم وبالذخيره من سلاحي = والعلاج لياعطيته غصب يبري كل عله
عقب راس الرجم لو براق كل الناس لا حي = ماعليّ خلاف ياراع الوفا والسيف أسله
رشيد الزلامي
الجماعه كلهم عند المقابر بالمساحي = وأن ذبحت الوجه الأقشر جاك الأخر فازعلّه
والنصيحه لا تجيب الكسب من حيد المراحي = الرفيق أبعد عنه وأخذ حلال القوم كله
حزام العصيمي
النصيحه من رفيقي كنها الجم القراحي = حالفاً الّه بالكلام الزين والله حالفاً الّه
كلمة الرجال يارجال زادت في أنشراحي = كل واحد منوته ياصل لميقافاً وصلّه
رشيد الزلامي
يوم أقوله عارفاً ماكل شياً لك مباحي = لاتطيع العالم اللي مالهم مذهب ومله
في حياتي ماجذبني لا سراب ولا ضحاحي = والبحر ماحيد من دونه وشوفي مايزله
حزام العصيمي
أبشر إني مشاياً في درب ماجوب وصلاحي = والكلام اللي تقوله يارشيد مترجملّه
مايضيع العلم يارجال في قلوباً صحاحي = والقمر يثبت محله ماتغيّر عن محله
ولكم خالص ودي وأحترامي
والنجم الشاعر حزام العصيمي
وهي من بدايات حزام العصيمي
رشيد الزلامي
يافهد علّم حبيب والعصيمي والرياحي = والسناني علّمه والمورقي مرّه وقله
شايفاً لي فرخ داباً هقوتي ماهو بصاحي = ياكل الديبان لو نيبانها مثل الأخله
حزام العصيمي
يافهد وصّل رسالة صاحبك قبل الصباحي = والنوايا صادقه واللي عقد حبلاً يحله
البحر موجه غمر جاله على كل النواحي = والطريق المعتدل مع دربكم حنا ندله
رشيد الزلامي
ماعلى دربك ياكود القوم والسم الذحاحي = من حسدهم مايبون أسمك يجيهم في المجله
مير سل السيف وسط المدن ولا في الضواحي = لين تصبح دولةً في الشرق حره مستقله
حزام العصيمي
مستعيناً بالكريم وبالذخيره من سلاحي = والعلاج لياعطيته غصب يبري كل عله
عقب راس الرجم لو براق كل الناس لا حي = ماعليّ خلاف ياراع الوفا والسيف أسله
رشيد الزلامي
الجماعه كلهم عند المقابر بالمساحي = وأن ذبحت الوجه الأقشر جاك الأخر فازعلّه
والنصيحه لا تجيب الكسب من حيد المراحي = الرفيق أبعد عنه وأخذ حلال القوم كله
حزام العصيمي
النصيحه من رفيقي كنها الجم القراحي = حالفاً الّه بالكلام الزين والله حالفاً الّه
كلمة الرجال يارجال زادت في أنشراحي = كل واحد منوته ياصل لميقافاً وصلّه
رشيد الزلامي
يوم أقوله عارفاً ماكل شياً لك مباحي = لاتطيع العالم اللي مالهم مذهب ومله
في حياتي ماجذبني لا سراب ولا ضحاحي = والبحر ماحيد من دونه وشوفي مايزله
حزام العصيمي
أبشر إني مشاياً في درب ماجوب وصلاحي = والكلام اللي تقوله يارشيد مترجملّه
مايضيع العلم يارجال في قلوباً صحاحي = والقمر يثبت محله ماتغيّر عن محله
ولكم خالص ودي وأحترامي
