المشرف والمراقبين
عتيبي الغنامي21-Nov-2007, 08:41 PM
مسا الخير للجميع
علمو مرزوق قولوله ترى طيبتك عيبك =سالفه مهما قست ماتعتبر زلة لساني=
وانت يالفالح مراقبنا عسى ربي يثيبك=لاتكن فضا غليظ القلب متسلط واناني=
عيد العازمي21-Nov-2007, 10:33 PM
رمح العصاي21-Nov-2007, 11:11 PM
حاكم الغنامي22-Nov-2007, 12:25 AM
صح لساااانك عتيبي
والمشرفين ذولي يستاهلون
مرزوق حمدان العتيبي22-Nov-2007, 10:25 AM
ارحب ياعتيبي ونعتذر على التأخير
...
انت ياعتيبي عسى فعل الجماله من نصيبك = القسا وقت القسا واللين في وقت اللياني
كيف تهرج بالكلام اللي ترى يمكن يعيبك = مابخسنا حق مسلم ماظلمنا مودماني
نواف العصيمي22-Nov-2007, 11:48 AM
صح لسانك ياعتيبي
وصح لسانك يامرزوق وأزهل الصف :)
ولكم التقدير والإحترام
عتيبي الغنامي22-Nov-2007, 04:16 PM
القسا خله ليا قابلت ياعتيبي حريبك=وأنت اعرفك لاكذوب ولا بخيل ولاجباني
ماهرجنا بالكلام العيب لاتظلم نصيبك=والهروج الي سمعتوها ماغير أنصح خواني
عتيبي الغنامي22-Nov-2007, 04:18 PM
جدي عاصي
رمح العصاي
حاكم الغنامي
نواف العصيمي
صحت أبدنكم مروركم تشريف لاعدمتكم
عتيبي الغنامي24-Nov-2007, 11:40 PM
مرزوق حمدان العتيبي25-Nov-2007, 12:03 AM
...
.
عتيبي الغنامي والله الذي لااله الا هو ماشفت ردك ...
واعذرني على التأخير يابن العم والطاروق صار له اكثر
من اسبوع وهذا الرد لعيونك :) وارجو السموحه
وصح لسانك ولنا لقاء اخر بحول الله
انت تتهمنا وحنا يا ابيض الشارب نجيبك = والكلام اللي تقوله ماخفاني ماخفاني
كان تبغاها نصيحه لازم اتقدر قريبك = والنصيحه فالخفا يالذيب اخير من العلاني
مرزوق حمدان العتيبي25-Nov-2007, 12:05 AM
...
.
الاخوان الذين قاموا بالحضور والتعليق
مشكورين وبيض الله وجيهكم ..
...
عتيبي الغنامي25-Nov-2007, 02:25 AM
مصدقك يابو محمد بدون ماتحلف
وتسلم عيونك وما صار منك الا الزين
وصح بدنك ومشكور والمعذره لو حصل سوء فهم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
