سارح البال سرى الليل

سارح البال سر الليل والله يعين=بنت ابو زيد مارضيت بخطابها
واخذ حاضر بحاضر لا تقول ابعدين=الفرس ماركبها غير ركابها

انشغلت مع التلفزيون ودوبني اشوف بدعتك
استلم لاهنت


يسري الليل والدعوا يانايف تزين=وبنت ابو زيد لاتاقف على بابها
هات علمك يانايف لاتصير المدين=والجزيله جزييله وانت طلابها

انت وين انت عنها من قديم السنين=اخر الوقت ريح لا تهقوابها
ابلع العافيه والعن بليس اللعين=واترك النار تالع عند شابابها

متابعين صحة السنتكم تحيياتي

...
..

نايف الروقي . . صح لسانكـ ملايين

دائماً مبدع . . والصف صفكـ

..
..
سارح البال صح لسانك رد وافي من وافي

ولو أني لاقي لك جره مايتعب القصاص اثرها

وستتم محاكمتك في أقرب وقت:)

ليل الحافي

سلطان الجذع

نورتو الصفحه مروركم يسعدنا

لازلنا نتابع شاعر المليون والقلب معك يانايف ههه



بأول الوقت كنا وانت وين انت وين=واخر الوقت انا الغالي من احبابها
ياوسيع المعرفه مطمعي فالثمين=والثمينه يانايف نطلب اسبابها

ليل الحافي صح بدنك


سلطان الجذع صح بدنك والله يعين على محاكماتك وان شاء الله يكون الحكم عادل ههه

ابلع العافيه والعن بليـس اللعيـن
واترك النار تالـع عنـد شابابهـا


الله الله

متابعين

ادري انك على مذهب ومله ودين=مار غيرك رجالن تفتل اشنابها
انت لا تحسب انه كل قاسي يلين=لا تعرضلها منته من اصحابها

حسن بن شامي

مرورك يسعدنا

والنعم بالرجال اهل الفعل واليقين=ومن بغاها طلبها واتعب ركابها
كل قاسي يلين لكل جنبٍ متين=مير لاتقرب الجمره ومشهابها

مايفيد التمني خل قلبك فطين=المهمات تبغى ناس تشقا بها
الفلك يستدير وكل خافي يبين=نعرف الناس صادقها وكذابها

الحياه امنيات ان كنت رجلٍ حزين=بعدها يثبت اللي يمسك نصابها
اجتهد وابذل الاسباب خلك ذهين=لين شمس الضحى تطلع بمغرابها

ابشر اني بخير وعز في كل حين=واعرف الطيبه من حظ من جابها
يابن الاجواد حنا قبلك الاولين=لو تباها ترانا قبل فزنابها

يفرح القلب لاصار العرب طيبين=بس اخاف العرب طاحت من اتعابها
اطلب الله ودورلك شوير وعوين=فزت بالحلم والا الصدق ماجابها

الله واكبر شعراء مبدعين

نايف الروقي صح السانك

سارح البال صح السانك

إبداع×إبداع


فتكم بخير,,,,,,,,,,

تحياتي,,

السوالف تراها من يسار ويمين=والبعارين تنسى عوجة ارقابها
انت ماجيتنا في بدر ولا حنين=ليت بعض الدعاوي تحسب احسابها
ابو سلطان صح السانك والختام من عندك

السوالف بها غثه وفيها سمين=والخيام بعمدها وقوة اطنابها
وانت مالك فعل في يوم قطع الوتين=يوم حد السيوف يقطع رقابها


صح بدنك
استفدت منك وسعدت باللعب معك

شكرا على اتاحة الفرصه

نايف الروقي

سارح البال

مبدعين كعادتكم والله يوفقكم





ولكم تحِياتي