الليل يالربع الهذلي بدع
فواز السعيدي20-Jun-2008, 08:29 PM
ياسلام الله علاكم ياشبابه === من هذيل اهل التواريخ الاصيله
جيت افكّر فالبقوم وفي عتابه=== ياحليلك يالبيوت اللي ظليله
احمد الزايدي20-Jun-2008, 08:48 PM
مرحبا بااللي لفانا مرحبا به= في حلال أهل الكرم وأهل والجميله
فكر وقرر وعـجل با الاجابه=والاجـابه هـاتـهـا باحـســن وســيـله
بندر المرشدي20-Jun-2008, 08:49 PM
مرحبا بك يالهذلي الله يحييك صح لسانك
وصح لساااااانك يا أحمد الزايدي
ماجد الرويس20-Jun-2008, 08:53 PM
احمد الزايدي20-Jun-2008, 08:54 PM
بندر المرشدي
صح بدنك يا الغالي
والله يسلمك
شرفنا واسعدنا حضورك لاهنت
احمد الزايدي20-Jun-2008, 09:01 PM
ماجد الرويس
صح بدنك والله يسلمك
واذا ودك تواصل مع السعيدي ترى ماعندي مانع ياالغالي.
فواز السعيدي20-Jun-2008, 09:01 PM
البقا ياهل النقا واهل الرحابه=== من يعرف هذيل ماضيّع دليله
يمكن الالوان والاسما تشابه=== مار كيف شعيل يشتال الثقيلة
فواز السعيدي20-Jun-2008, 09:03 PM
الله يبقيكم يالربع
وجودكم يسعدنا جميعاا
تحياتي للجميع
بس عاد لاتشجعون ولد عمكم وتتركوني هههههههههههههههه
عيد العازمي20-Jun-2008, 09:05 PM
مرحبا بك يالهذلي الله يحييك صح لسانك
وصح لساااااانك يا أحمد الزايدي
متابع للابداع
فواز السعيدي20-Jun-2008, 09:08 PM
تسلم اخوي العازمي
الله يبقيك يالنشمي
احمد الزايدي20-Jun-2008, 09:22 PM
الرجال أهل المهابه والحزابه=فعلهم ومجادهم ماهي قليله
التـشـابه وارد والابـه غـرابه=والـجمل زومـان حمله مرتكيله
أبو وافي العتيبي20-Jun-2008, 09:29 PM
مرحبا بك يالهذلي الله يحييك صح لسانك
وصح لساااااانك يا أحمد الزايدي
متابع للابداع
احمد الزايدي20-Jun-2008, 09:31 PM
العازمي
صح بدنك يا الغالي
والاابداع تراك راعيه
لك شكري وتقديري
فواز السعيدي20-Jun-2008, 09:31 PM
مايحكم بلادنا نايد ترابه === ماحكمها غير نار(ن) من فتيلة
كيف صرتو تحت حكم وفي رقابه===وانتم اللي من طحاطيح القبيلة
الصاطي,,20-Jun-2008, 09:35 PM
احمد الزايدي و فواز الهذلي
متابعين للجزاله
وصلووووووووو
فواز السعيدي20-Jun-2008, 09:38 PM
احمد الزايدي20-Jun-2008, 09:59 PM
الـذيابه فـعــلـها قـدم الـذيــابـه=والله اللـي عـزنا راع المـخـيله
الكــلام اللي تـقـولـه من حكابه=عزتي للي يشيل في صميله
احمد الزايدي20-Jun-2008, 10:05 PM
حي الله ابو وافي
وحي الله الصاطي
حضوركم تشريف لنا لاهنتم
فواز السعيدي20-Jun-2008, 10:16 PM
كل شي مدوّنينه في كتابه=== والعتيبي ياعرب ضيّع حصيله
علمكم ياصاحبي كلن درابه=== عزتي للي توهّق عزتيله
فواز السعيدي20-Jun-2008, 10:24 PM
اخوي احمد البدايه عندي
وانت اختمها
فواز السعيدي20-Jun-2008, 10:29 PM
صح لسانك ملايين اخوي احمد
احمد الزايدي20-Jun-2008, 10:34 PM
ثابـت الســيسـان مـايـنـهـد بابه=والــهـذيـلي يا حـلـيله ياحـليله
علمنا علم الوفـاواحسب حسابه= يا الهــذيلي لاتـدور للفـشيله
احمد الزايدي20-Jun-2008, 10:41 PM
صح بدنك يا السعيدي والله يحييك اليوم وكل يوم
تشرفت بمجاراتك ،والعذر والسموحه عن التقصير ، والى لقا آخر يجمعنا على خير بأذنه تعالى..
احمد الزايدي21-Jun-2008, 12:01 AM
فواز السعيدي
ياسلام الله علاكم ياشبابه =من هذيل اهل التواريخ الاصيله
جيت افكّر فالبقوم وفي عتابه= ياحليلك يالبيوت اللي ظليله
احمد الزايدي
مرحبا بااللي لفانـا مرحبـا بـه=في حلال أهل الكرم وأهل الجميله
فكر وقرر وعجـل بـا الاجابـه=والاجابه هاتها باحسـن وسيلـه
فواز السعيدي
البقا ياهل النقا واهل الرحابه=من يعرف هذيل ماضيّع دليله
يمكن الالوان والاسما تشابه=مار كيف شعيل يشتال الثقيلة
احمد الزايدي
الرجال أهل المهابه والحزابه=فعلهم ومجادهم ماهي قليلـه
التشابه وارد والابه غرابـه=والجمل زومان حمله مرتكيله
فواز السعيدي
مايحكم بلادنا نايد ترابه =ماحكمها غير نار(ن) من فتيلة
كيف صرتو تحت حكم وفي رقابه=وانتم اللي من طحاطيح القبيلة
احمد الزايدي
الذيابه فعلهم قـدم الذيابـه=والله اللي عزنا راع المخيله
الكلام اللي تقوله من حكابه=عزتي للي يشيل في صميله
فواز السعيدي
كل شي مدوّنينه في كتابه= والعتيبي ياعرب ضيّع حصيله
علمكم ياصاحبي كلن درابه=عزتي للي توهّق عزتيله
احمد الزايدي
ثابت السيسان ماينهـد بابـه=والهذيلي يا حليلـه ياحليلـه
علمنا علم الوفاواحسب حسابه=يا الهذيلي لاتـدور للفشيلـه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
