الشرهه والتشره00
الحشيشي14-Sep-2008, 03:42 PM
مساكم الله بالخير جميع ورمضان 00كريم
انا ربعي عتابه مايجوز اشره على العتبان00 وحتى لو يخلط البن الاشقر قرن ليمونه
نهبتوا راحلتنا دونها قفلتوا البيبان 00 وسير بالامانه مالقيت رجال مامونه
خوي السعد14-Sep-2008, 03:54 PM
وش اللي حاصل لك يالحشيشي واحفظ النيشان = ترى هرجتك هذي هرجة (ن) ماهيب موزونه
وحنا اهل الشكاله والجماله من قبل والآآآآن = ومن يبغى يخاصمنا يكون الله في عونه
معجب العتيبي14-Sep-2008, 04:01 PM
الله الله
الحشيشي صح لسانك
خوي السعد صح لسانك ابدعت
سبقتني بالرد وحذقت ردي
الحشيشي14-Sep-2008, 04:10 PM
وسيمتنا من امس اقفوا بها صبيانك الرعيان 00بعد غويتهم لكل الحرام ولفت الخونه
خويي من رجال العرف ماحسب غزه الشيطان 00 تحسس كل قطاع الطريق وحطله غونه
خوي السعد14-Sep-2008, 04:17 PM
انا ماشفت لك طارف خبر يامولع الضيان = ولكن يظهر انك يالحشيشي عامل(ن) بونه
وانا ما اصحب سوى رجل (ن) فهيم ويحشم الصدقان = ولا اصحب واحد (ن) تقرى النذاله داخل اعيونه
خوي السعد14-Sep-2008, 04:17 PM
مشكور يا استاذ معجب والحال واحد
الحشيشي14-Sep-2008, 04:26 PM
اذا منته كفو ماتفرق اثنينه من العودان 00 خساره يالغشيم اللي يلق السيل ماعونه
علومي مثبته يدريبها معجب وابن شنان 00 يضيق اللي يضيق وينطح الجدران بقرونه
معجب العتيبي14-Sep-2008, 04:36 PM
الخونه
غونه
الحشيشي والسعدي ممكن اعرف معنى هالكلمتين
يالربع اللغه جميله ومفهومه
الحشيشي14-Sep-2008, 04:43 PM
معجب الله يمسيك بالخير
الغونه الحبل المقفل
الخونه 00000000الخيانه الله لايجيبها
معجب العتيبي14-Sep-2008, 04:44 PM
الاولى مقبوله ويمكن لاني مو بدوي ماعرفتها
اما الثانيه اذا نطقتها صح انكسر البيت
واذا نطقتها بالعسف ضاع معناها
عالعموم صحت السنتكم
خوي السعد14-Sep-2008, 04:47 PM
اذا منت بكفو للملعبه ومواجه الفرسان = تريّح فالمكان اللي يحفظك داخل اركونه
ترى معجب عروف ويفرق المقدي من الغلطان = ورى ماصحت باسمه واحتسيت لضرب حجونه
خوي السعد14-Sep-2008, 04:51 PM
جاوبك الحشيشي يامعجب
والخونه موزونه مايتغير الوزن بنطقها مثل ماتفضلت هذا رايي .
الحشيشي14-Sep-2008, 05:02 PM
انا احسبني مسافر تركيا وثرهم السودان 00 جياع ابطون ولا الروس بالزينون مدهونه
ترا الدعوه بصيطه لاتقوم تطامر الحيطان 00 جملكم دوب بان ابه الجرب ومقطع متونه
الحشيشي14-Sep-2008, 05:06 PM
خوي السعد والله انك اسم على مسمى ياحيلي من خوي بس صاحبك حجته قويه
الفطور قريب تقبل الله منا ومنك طيب الاعمال وبعده خير ان شاء الله
مرزوق حمدان العتيبي14-Sep-2008, 06:27 PM
..
.
الحشيشي ... و .... خوي السعد ...
ابداع غير مستغرب ... واصلوا ....
...
خوي السعد14-Sep-2008, 07:53 PM
ماعليك زود يالحشيشي والله يجزيك خير مثل دعوتك
مرزوق العتيبي صح بدنك .
خوي السعد14-Sep-2008, 08:07 PM
انا احسبني مسافر تركيا وثرهم السودان
الشطر هذا مضطرب يالحشيشي الظاهر ان كلمة انا زايده ولا وش رايك ؟.
اثرك من الديار اللي لها عند القبايل شان = ديار(ن) من رجال الكذب والتزوير مسكونه
اشوفك يالحشيشي مضطرب وتصافق الجيلان = وظني كنت اباك اتوصله ثم جيت من دونه
الحشيشي15-Sep-2008, 01:00 AM
استلم ياخوي السعد واسف على التاخير ظرف ضروري
حدوني عن حلال عتابه العميان والعوران 00 وراع الشان لو انه ضحك تركيبه سنونه
من اول هقوتي في عزوتي وبغالي الاثمان00 وثر فيهم نزيله للمقفي يومي بشونه
