محاوره بموال واحد !!!!

اول مشاركة لي في المحاوره

واطلب اي شاعر من دون تخصيص لشخص معين

وفيها موال وموال واحد فقط




سلام رديه ومن قلب صادق = يقولها اللي ما سكن وسط ثادق
واليا بغيتوا شعر والاّ بنادق = الصبر زين وكل مطرود ملحوق

مرحبا ترحيبةٍ بالرجال الغانمين = عد طيرٍ طار والنار من شبابها


ودي العب مير وين الجماعه وين وين = قصدي الشعار والنار من شبابها




تحياتي للجميع

عتيبي عفيف

مرحبا يالعتيبي



واستلم
يا مرحبا واهلين من قلب وافي"="يقولها منهو يسوق القوافي
واليا بغيت تنام نوم العوافي"="الصبر زين وكل مطرود ملحوق


البقا بالشاعر اللي معه قلب (ن) فطين"="شب ضو النار والنار من شبابها

جاك شاعر مورقي من رجال(ن) طيبين"="شاعر(ن) مغوار والنار من شبابها

هلا يالمورقي وحياك الله

واستلم


يالمورقي وان جيت ما عاد به نوم = عطني علومك وابشر بطيب وعلوم

واعرف ترى فرخ الصقر ما يجي بوم = والصبر زين وكل مطرود ملحوق

ياهلا يالمورقي دامنا صرنا ثنين = حظكم واختار والنار من شبابها


لاتقرّب للاسد والاسد وسط العرين = والاسد جبار والنار من شبابه




عتيبي عفيف

دام البقا



واستلم
جاكم فلاح المورقي العطاوي"="فلاح علمه علم طير(ن) نداوي
ياللي ركبت الباص جاك العراوي"="والصبر زين وكل مطرود ملحوق


البقا واللي نوا الشر ننوي له سنين"="كل شي صار والنار من شبابها

الاسد وشفيه يا صاحبي اصبح حصين"="ثعلب(ن) مكار والنار من شبابها

مرحبا يالمورقي مرة اخرى

وآسف جداً على التأخير لاني مسافر

واستلم



[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
لا يالعراوي لا توقف مع الباص = ما انته بقده لو تعزويت بالشاص
والبحر عنه ابعد اذا ما انت غواص = والصبر زين وكل مطرود ملحوق

لا نوينا الشر يالمورقي خلك ذهين = تابع الاخبار والنار من شبابها


الاسد هو ريس الغاب من حين لحين = مير لا تحتار والنار من شبابها


عتيبي عفيف

لا يالعراوي لا توقف مع الباص = ما انته بقده لو تعزويت بالشاص
والبحر عنه ابعد اذا ما انت غواص = والصبر زين وكل مطرود ملحوق

لا نوينا الشر يالمورقي خلك ذهين = تابع الاخبار والنار من شبابها


الاسد هو ريس الغاب من حين لحين = مير لا تحتار والنار من شبابها

عتيبي عفيف..

والله ونعم....

محاوره رائعه..



تحياتي

فلاح..

شكرا لك...

ننتظر منك المزيد...

تحياتي

الاخ طلال الثعلي

مشكور على مرورك على المحاوره واطلاعك

والشكر الجزيل للاخ / فلاح المورقي

تحياتي لكم // عتيبي عفيف

حياك الله يا عتيبي عفيف

واستلم

خلك على خط المعاني والافكار"="ومن لا يعرف الصقر يشويه بالنار
فالبر انا قناص وفالبحر بحار"="الصبر زين وكل مطرود ملحوق

لا نويت بنيتك قد نوينا نيتين"="اعظم الاشرار والنار من شبابها

الاسد نوضعه بطيخه(ن) تحت السكين"="او بالمنشار والنار من شبابها

مرحبا يا طلال الثعلي


مرورك ومتابعتك شرف لنا



وتحياتي لك

تسلم يا فلاح المورقي

والله لا يهينك وبيض الله وجهك

وانا كنت احسبها انتهت بدخول المشرفين وتعليقهم

وان بغيت نكمل ما عندي اي مانع

ولك تحياتي

ولاقصرتو ياربعي الغانمين

تسلم يا راع الاخبار

ومشكورين وممنونين لك

وتحياتي لك

ووجهك ابيض يا عتيبي عفيف

وان كانك تبي تكمل كمل

انت اللي بديتها وانت اللي تحدد


ولك تحياتي

استلم استلم يالذيب




انا على خط المعاني وماشي = ولانيب لا خبلٍ ولانيب لاشي
واليا نويت الملعبه طاش طاشي = والصبر زين وكل مطرود ملحوق

نيتي والله سليمه عساكم سالمين = ما عليها غبار والنار من شبابها

الاسد مرتاح والاّ البقيه خايبين = لا تحسبه فار والنار من شبابها


ولك تحياتي

طيب طيب


استلم


خلك تيامن لا تروح اليساري=لنته بخبل ولا ولنته حماري
لكن ودي اضربك بالسواري=الصبر زين وكل مطرود ملحوق

ربنا عالم بنيتك يابن الاجودين=عالم الاسرار والنار من شبابها

الاسد اصبح نعامه وراسه تحت طين=خايفن محتار والنار من شبابها

استلم استلم


انا عتيبي لو تطول المشاوير = وانته رفيقي من رجال مناعير
خلك على الكرسي ومخدوم يامير = والصبر زين وكل مطرود ملحوق

يا رفيقي ضربنا باليسار وباليمين = واليمين يسار والنار من شبابها

من زرع له شوك ما صار عقب الحصد تين = لو يزيد اصرار والنار من شبابها


ولك تحياتي

الى هنا ونقف



شاب طاروقنا يا عتيبي عفيف


على العموم بيض الله وجهك

وكانت محاوره ممتعه لي


وقد اسعدني انني تحاورت معك


ولك خالص تحياتي

الاخ / فلاح

شكراً لك وبيض الله وجهك والله لايهينك

وانا اسعد بالمحاوره مع شاعر كبير مثلك

ولك تحيات عتيبي عفيف