أزرعـ .... بـصـل ..

للشاعر والكاتب الإعلامي زايد الرويس :)




يا حسين يا خالد يا ناصر يا محمد يا سعد =ياحمود يا تركي يا منور يا وليد ويا سعود

.=.
الله جمعكم في بنات الفكر والدعوى عدد =مابه قضيه شايكه وضعي سهودٍ في مهود

.=.
لكن طرى لي ليلة البارح مع اطراف السهد =موضوعٍ اكبر من قضية دق طبل وعزف عود

.=.
ولا هو علشان ابتسام وهند وايمان ووعد =عادي بكم كلمه أنزّل راس حصه والعنود

.=.
لكن حداني للكتابه برق ماله من رعد =ولو به سحابه ممطره هانت ولكن دون فود

.=.
يعني على قول المثل يا عنك ما في الحمض احد =ولا ينفع الرجّال قول اصلي وفصلي والجدود

.=.
إن كان ماله موقفٍ مذكور واخلاقٍ بعد =ترفع مقامه فالرجال وتدفعه يم الصعود

.=.
والا الهلامه لو يقوم تقول يا ليته قعد =يبقى هلامه لين ربعه يلحدونه فاللحود

.=.
اليا سمعت اهله وناسه قلت يسوى له بلد =والى لمحت افعاله تقول السوالف ما تكود

.=.
ولو كل من سمّي أسد يقرب لبشار الاسد =كان اصبحوا سكان سوريّه أسودٍ من أسود

.=.
بس الحقايق ثابته من جدّ في الدنيا وجد =إزرع بصل تحصد بصل إزرع ورود اقطف ورود

.=.
ولازم تذوق من المراره لجل يصفى لك شهد =وتواضع الإنسان يمنحه السعاده في الوجود

.=.
والشعر يبقى شعر ثابت لو يطول به الأمد =اسمه ورسمه ما تغيّره المساعي والجهود

.=.
حتى ولو طبّل فلان وقال مبدع للأبد =حنا نشوف ونفهم المعنى ترى ما احنا هنود

.=.
والهيلمه فالشعر سهله جب معك كم من ولد =هذا يطبّل لك وهذاك يتفنن فالردود

.=.
حتى تصير الشاعر المبدع لو انك فالمهد =وتصير شاعر عالمي جاوزت بالشعر الحدود

.=.
كم شاعرٍ من كثر ما يُمدح تحس انه فقد =يشوف نفسه فوق هالعالم ويا زين الركود

.=.
السالفه ماهيب يا ربعي مدد مدد مدد =هذا شعر ماهو معارك واصطدامات الحشود

.=.
خلك طبيعي تكسب العالم وتبشر بالسعد =وتحبك العالم مع انك للأسف شاعر حقود

يعني على قول المثل يا عنك ما في الحمض احـد
ولا ينفع الرجّال قول اصلي وفصلـي والجـدود
.
.
إن كـان مالـه موقـفٍ مذكـور واخـلاقٍ بعـد
ترفـع مقامـه فالرجـال وتدفعـه يـم الصعـود
.
.
والا الهلامـه لـو يقـوم تقـول يـا ليتـه قعـد
يبقـى هلامـه ليـن ربعـه يلحدونـه فاللـحـود

صح لسان زايد


والهيلمه فالشعر سهله جب معك كـم مـن ولـد
هـذا يطبّـل لـك وهـذاك يتفـنـن فـالـردود
.
.
حتى تصير الشاعـر المبـدع لـو انـك فالمهـد
وتصير شاعر عالمي جـاوزت بالشعـر الحـدود
.
.
كم شاعرٍ من كثر مـا يُمـدح تحـس انـه فقـد
يشوف نفسه فـوق هالعالـم ويـا زيـن الركـود



سلمت نواف

بس الحقايق ثابتـه مـن جـدّ فـي الدنيـا وجـد



إزرع بصل تحصد بصل إزرع ورود اقطف ورود