مرجح الميــــــــــــــــــــــــزان
حاكم الغنامي07-Jan-2009, 10:03 PM
الليل يامرجح الميزان وين انته = ابغيك عجل وحضر فكرك وبنته
ماعاد ترقى الجبل لوّك تهاونته =والوقت دوار والايام دواره
الا يالمرجح هات شوكه وميزان = وناظر من اللي يرجح الكيل يمه
انا مابغيت اسوق ريمه وريمان =مصير الضوامي تارد عدود جمه
السيل-الحافي07-Jan-2009, 10:05 PM
الليل يامرجح الميزان وين انته = ابغيك عجل وحضر فكرك وبنته
ماعاد ترقى الجبل لوّك تهاونته =والوقت دوار والايام دوار
الا يالمرجح هات شوكه وميزان = وناظر من اللي يرجح الكيل يمه
انا مابغيت اسوق ريمه وريمان =مصير الضوامي تارد عدود جمه
صح السانك
صح السان مرجح مقدماً متتتتتتتتتتتتتتتتابع
حاكم الغنامي07-Jan-2009, 10:07 PM
888
8
صحت ابدانكـ
يالسيييل
منورنا
فواز السعيدي07-Jan-2009, 10:15 PM
الله الله يا حاكم
بدعة كااااايفة وموال مضبوط
صح لسانك يامبدع
وصح لسان المرجح مقدما
تحياتي
حاكم الغنامي07-Jan-2009, 10:17 PM
88
8
8
صحت ابدانكـ
منوريا ياكحيلان:)
مرجح الميزان07-Jan-2009, 10:39 PM
المعذره على التأخير يا حاكم لم أرى البدعه الا قبل لحظات ..:)
استلم ..
الليل يا حاكم الميقاف ما دونه=
أكرب حزامك وخل العجل في شونه=
لو هو يصفي على غاربك طبلونه=
والوقت دوار والأيام دواره=
تفضل وهات العلم يا طير حوران=ودربٍ على خاطرك ذا الليل سمه
يبا يارد الضميان والعد ماليان=ولكن وش اللي منه يقدر يزمه ..؟!
مرجح الميزان07-Jan-2009, 10:41 PM
السيل وفواز السعيدي صحت الأبدان ومنورين بهالطله :)
حاكم الغنامي07-Jan-2009, 11:04 PM
لوتعرف الفرق بين الجدي والمرزم =باقف على شانك وبحزملك المحزم
لكنك اللي بعلم الحق مايلزم =والوقت دوار والايام دواره
تدور الليالي مير شقران شقران = على عادته والرمث لازم يشمه
صحيح الوفا ميت بموت ابن عدوان =وبعض العرب درب الوفا مايهمه؟
مرجح الميزان07-Jan-2009, 11:28 PM
آخر زمان العجايب من معاريضه=
الديك بيض وصار الديك له بيضه=
عرض بها في طريق القوم تعريضه=
والوقت دوار والأيام دواره=
مدام الجمل شقران له قيد لا هان=يبا يحفي العرقوب في درب عمه
هروجك يا مال الطيب لولو ومرجان=وفعلك سواة الزول راع المعمه
خالد المقاطي07-Jan-2009, 11:34 PM
الله الله
مبدعين وربي وربكم الله
:)
متابــ ع عن بعد ..
عسّاف07-Jan-2009, 11:35 PM
...
حاكم الغنامي صح لسانك
مرجح الميزان صح لسانك و ازهل الصف:)
...
.
مرجح الميزان07-Jan-2009, 11:37 PM
أررررررررررحب والله مليون يا خالد .. أبك وين كل هالغيبه يارجل ..؟! :)
مرجح الميزان07-Jan-2009, 11:39 PM
هلا والله بعساف والصف يزهى بك .. :)
خالد المقاطي07-Jan-2009, 11:44 PM
يامرجبا ياذيب
موجود .. ( مابين الملح والسكـــر ) .. :)
الله يحييك ويبقيك
:)
مرجح الميزان07-Jan-2009, 11:47 PM
عقبال ما تكون مابين "السكر" و "السكر" :)
منور
,,
:p
حاكم الغنامي07-Jan-2009, 11:52 PM
ليت الحيا صاحبي حس وتحلابه =حنا بدار الكرم في حلة عتابه
يامرجح الذيب حذرا ينهشك نابه = والوقت دوار والايام دواره
محد غير عمك يالمرجح كحيلان =ليا قام شال الكايده وسط كمه
يموت الصباح ولانسى قصر دسمان =وهذي علامات الوفا وسط دمه
حاكم الغنامي07-Jan-2009, 11:56 PM
خالـــــــــــــــد المقاطي
هلا وغلا
منورنا
وصحت ابدانكـ
حاكم الغنامي07-Jan-2009, 11:56 PM
عســــاف
صحت ابدانكــــــــ منور
مرجح الميزان08-Jan-2009, 12:07 AM
صاحبك يا صاحبه ما قرب الخله=
ليلى هواها وصارت فالهوى خله=
لكن خل الطريق الملتوي خله=
والوقت دوار والأيام دواره=
حكيم الرجال يحط للهرج نيشان=قبل لا تعدي كلمته باب فمه
تريح وجر الصوت في ظل الأغصان=وحنا ليا قمنا نسد المهمه ..!!
حاكم الغنامي08-Jan-2009, 12:22 AM
القوم فوق الجبل رزت بيارقها =وانته بدارك ولا تقدر تفارقها
ياصبر ضهرك على لسعت مطارقها =والوقت دوار والايام دواره
حلاة الرجل ياصاحبي قلب ولسان =وباقيه لو لاحشمتك قلت رمه
علومك تذكرني بياكان ماكان=ولنته بساري لين تّضوي مطمه
مرجح الميزان08-Jan-2009, 12:44 AM
ترى الجبل صوره رب البشر آيه=
وأنا أحمد الله رقيت ورافع الرايه=
ماني من اللي يصادر فاللقا رايه=
والوقت دوار والأيام دواره=
ياطيب الكلام الزين والشين ما زان=لو انه من اللي فاللقا ما نذمه
نبا نختم الموضوع بالخير يافلان =وقدري وقدرك فالوطن فوق قمه
مرجح الميزان08-Jan-2009, 12:47 AM
تشرفت بمجاراتك ياحاكم والعالم الله ان النوم يخم العين ويخطيها .. صح لسانك .. والأخير عندك ..
حاكم الغنامي08-Jan-2009, 12:50 AM
8888
88
8
مابه خييير من بيوتكـ للختام ياذيبان
وارقد نووم العوافي
وان نشاء الله نصبحك يوم من الايام بطاروق ثاني
هههههه
والشرف لنا
قادح شرار08-Jan-2009, 10:02 AM
طاروووووووق يقول ( أنا ) ..
ماشاء الله تبارك الله عليكم .
حاكم , ومرجح : صحت ألسنكم يالنشاما .
وأبدعتوا وأمتعتوا ..
تقبلوا مروري .
بدر الكريزي08-Jan-2009, 10:23 AM
ابدعتوااااااا
ولا هو غريب عليكم الابدااع ..
حاكم و مرحج
صحت السنتكم ..
