قصيدة / الشاعر ناجي بن سعد السبيعي

مضى الليل كله مابقى منه كود ادناش = وانا ابيع في سوق الهواجس واكتالي
خسرت وربحت وبعت بالغايبه والكاش = طلع ربع الاربع ناقص ربع روبالي
بعد ماصفا الصافي فتح للمجال اقراش = سياجه حديد وبه كوالين واقفالي
اصفي جواهرهن ذهب واعطي القماش = من اللي بقى واللي بقى تول وحثالي
توارد علي من الغزايز وهن اعطاش = ولاشرعن في حوضهن كود نهــالــي
بعد مامضى هود من الليل يالخماش = توكل على الله وانت ياسيف مرسالي
يوم انك على قطع الخريمه قوي الجاش = ولاكل رجال يعوضك برجالي
نهارك ونصف الليل تبعد عن الاوباش = ولاتصبح الا وانت في مقرحن خالي
ترى دغيبجه ملفاك ديرة هل الشوباش = هل الفضل والمعروف والمركز العالي
شغاميم قوم من هوازن هل الادباش =نهار اختلط بالكون رجلي وخيالي
حمو عن فقارة نجد ميجانة الابواش = سلاطين حرب لاعتلو كل سردالي
تنشد وتلقى زيد فى مجلسن وفراش = تحت رفتن لاهل المواجيب مدهالي
عطه خطي المكتوب بالكاش والقنطاش = كتبته لاجل كرمال عينه وكرمالي
ترى الخط يازيدالسماري ماهو ببلاش = ولايمتكن نصخيه ياكود للغالي
نعدك من الخمسه ولا انته بعفن اللاش = ولك مدة يالقرم ماسلت عن حالي
ثلاثين عام بين سلمى وقصر خراش = ابي مقصدن فى غربتي ماتهيالي
ادور لحم في راس ضبي بغير اعراش = ولافادني مع خبة الريم هوبالي
ترى روضة الجثجاث ماتنبت الاماش = ولا ينبت العنصيل ياكود عنصالي

صح الساااااااااانه والسااااااانه
شكرااالك يالغالي

شكرا على مرووورك العطر