سلام ردية تزينها قوانين الرجال !! ,,, علي العضياني

علي استلم :)



سلام ردية تزيّنها قوانين الرّجال = حتى انت ياوجه الرضى تمشي على قانونها !!

قدّام لا نضرب علي نضرب على مثله مثال = كم واحدٍ يرثع يبا الطمعه وعوّد دونها !!

يا مرحبا ترحيبةٍ تكرم كريمين السبال=حتّى انت تدخل يا وسيع الصدر في مضمونها
قدّام لا تضرب مثال أفقع عيونك بالخلال=و هذيل دايم بالخلال إنطزّها فعيونها

علي القوه
واصلو

قدّام لا تضرب مثال أفقع عيونـك بالخـلال
و هذيـل دايـم بالخـلال إنطزّهـا فعيونهـا




صح لسانك يابو فلاح


وصح لسان السعيدي


واصلو

والصف صفك مايحتاج

هههههههههه .

الدعوة عوّدت فقع عيون ..

صح لسانك يالسعيدي .

وصح لسان الفالح ..

يالله تستر :)


صحت السنتكم شعراءنا ..

متااابع ..

نايف ملحق


صح بدنك

الاصعر


لاهنت على مرورك

قادح شرار


يا مرحبا يابو شرار

طيب طيب


اكثر عباد الله تسمّّيك اجودي وابن حلال = صحيح هذا العلم ؟ ولاّ الناس زاد جنونها ؟ !!

ياهل المحاني ماخبرنا يمّكم عدٍّ زلال = ماغير ناسٍ نافخين ظهورها وبطونها !!

نايف

الاصعر


قادح


بدر


تسلمون

كنز ( المعزّه و الوفاء و الطيب ) عندي راس مال =أفرح به الصدقان و العدوان أزيد غبونها
نعطيك ( كلمه ) روح فسّرها على كلّ إحتمال=أنت هذلي و هذيل لونك ما يطابق لونها

الله الله

صح لسان فواز وابو فلاح

ابداع&ابداع

واصلوااا


متااااابعين

الله الله


حنّا نعرفك وانت واحد من شعاشيع العيال = ولولا الشقا ماوقّعت ليلى على مجنونها !!

يابو فلاح انته جمل طايح مع ادروب الجمال = بالله لا قلنا الحقايق ليش ماترضونها ؟ !!

جمال العضياني


هلابك


لاهنت

بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونها
انته نشبت و لا تنجّيك الحيَل و الاحتيال=امّ الكباير فوق جبهتها كسرنا شونها

بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونها
انته نشبت و لا تنجّيك الحيَل و الاحتيال=امّ الكباير فوق جبهتها كسرنا شونها


الله الله الله


مبدع دائمااااا يا علي ..

صح الله لساااانك مدد بلا عدد

وانا في صفك ولا يهون فوووواز ..

..

هلا والله بخيّال الصفراء

يالله حيّه


الصف يزهابك طال عمرك

طيب طيب


ان كنت شاعر صح منته ماخذ الشعر انتحال = (وش بنت تسكن في قصر وانته تحوف ركونها ) ؟ !!

غريب والله ياعلي تلهث بعد جيت الضلال = مار النّشاما ماتبا تسقيك من ماعونها !!

هلا يا خيال



ماتهون يابعدي

فوااز السعيدي =


سـلام رديـة تزيّنهـا قوانـيـن الـرّجـال=حتى انت ياوجه الرضى تمشي على قانونها !!
قدّام لا نضرب علي نضرب على مثلـه مثـال=كم واحدٍ يرثع يبا الطمعـه وعـوّد دونهـا !!




علي العضياني =


يا مرحبا ترحيبـةٍ تكـرم كريميـن السبـال=حتّى انت تدخل يا وسيع الصدر في مضمونها
قدّام لا تضرب مثال أفقع عيونـك بالخـلال=و هذيـل دايـم بالخـلال إنطزّهـا فعيونهـا




فوااز السعيدي =



اكثر عباد الله تسمّّيك اجـودي وابـن حـلال=صحيح هذا العلم ؟ ولاّ الناس زاد جنونها ؟ !!
ياهـل المحانـي ماخبرنـا يمّكـم عـدٍّ زلال=ماغير ناسٍ نافخيـن ظهورهـا وبطونهـا !!


علي العضياني =

كنز ( المعزّه و الوفاء و الطيب ) عندي راس مال=أفرح به الصدقـان و العـدوان أزيـد غبونهـا
نعطيك ( كلمه ) روح فسّرها علـى كـلّ إحتمـال=أنت هذلي و هذيـل لونـك مـا يطابـق لونهـا




فوااز السعيدي =


حنّا نعرفك وانت واحد من شعاشيع العيـال=ولولا الشقا ماوقّعت ليلى على مجنونها !!
يابو فلاح انته جمل طايح مع ادروب الجمال=بالله لا قلنا الحقايق ليش ماترضونهـا ؟ !!



علي العضياني =

بالسيف ذبحك ما ينومسنا و بالخوصه حلال=مدّ ارقبتك انوطّي الخوصه على حنحونهـا
انته نشبت و لا تنجّيك الحيَـل و الاحتيـال=امّ الكباير فوق جبهتهـا كسرنـا شونهـا



فوااز السعيدي =



ان كنت شاعر صـح منتـه ماخـذ الشعـر انتحـال=(وش بنت تسكن في قصر وانته تحوف ركونها ) ؟ !!
غريـب والله ياعلـي تلهـث بعـد جيـت الضـلال=مـار النّشامـا ماتبـا تسقيـك مـن ماعونـهـا !!





بيض الله وجيهكم يامبدعين

محاورة قوية وراائعه،


علي فلاح العضياااني

اسمح لي اطلق عليك

لقب شاعر منتدى الهيلا.

هلا هلااا ياسعوود



لاهنت ويستاهل ابو فلاح شاااااااااااعر الهيلااا

الله الله


فواز السعيدي × شاعر الهيلا


ماشاء الله تباركـ الله


ابدااااااااااااع


وصحت الالسن والقلووب

ارحب يا حاكم


تسلم يابعدي

الله اكبر


فواز السعيدي


علي فلاح العضياني




اقطاب الابداع

لله دركم


صحت قلوووووووووووووووووبكم صحت قلوبكم

هذي هي الكعبه فــ( بيت الله ) .... و أنا عندي سؤال=أهل الظنون تصيب يا فوّاز فيك ظنونها ؟؟
هذيك يالهذلان شغلتكم على طول الليال=الالسنه تلهث و تعبير الكلام يخونها

ابو طايل

اسمك وسام على صدري و الهيلا شعارها واجد

لا هنت طال عمرك

حاكم


هلا و الله يابو عيد يالله حيّه

ابن سرحان


حياك الله يالغالي

ههههههه

الله الله


ممتاز شاطر ياعلي تعال اخذ منّي ريال = لكن غزوات ابرهه والفيل لاتنسونها !!

هذاك وجهك فالمراية بالعمامه والعقال = توحون ياعتبان ولاّ اعيد ثم توحونها ؟ !!

ابو سرحاااااااااااااااااااان


لاهنت يابعدي


مرورك شرف يالقرم

فوّاز فالمجلس يعدّونه فناجيل الدلال=و اليوم يضحك بالرجال اللي عظيمٍ كونها
رفع مقامي ربّي اللي عزّني في كل حال=عنك انت و امثالك و عن حاجات شونك شونها

صحة السنتكم

مبدعين اثنينكم



ومثل ما قال سعود انت ياعلى
تستحق لقب شاعر منتدى الهيلا


تحياتي

الله يسلمك


يا سلطان و لي الفخر لو اني ما استاهله

فوّاز صح لسانك


تشرفت باللعب معك بيض الله وجهك و ما قصّرت



تحيّاتي

الله الله





شعار مافيكم حيله




علي فلاح صح لسانك




ابو عايش (سفير هذيل) صح لسانك



محاوره جميله




نقض وفتل على أوصوله




بيض الله وجيهكم

صح بدنك يا زبزن المغاتير