يانجد صيفك يقطع القلب حرّه

السلام عليكم ورحمة الله

أخواني الأعزاء" أبي أعرف لمن هالقصيده الجميله..؟؟


===

يانجد صيفك يقطع القلب حرّه = شتان ما بينك وما بين بيروت



أقفى ربيعك بالفرح والمسرّه = وصيفك وصل بالعج والحر والموت



جوٍ سموم القيظ دايم تكرّه = وإليا ركد ما كني إلا بتابوت



وإليا لحقني فيك بعض المعرّه = إسمحلي أرحل عن فيافيك بسكوت



شهرين ابيها منك فالعام مرّه = ألبس بها البنطال والبس بها الكوت



آخذ على لبنان والشام فرّه = وآكل من الرمان والخوخ والتوت



وأشوف ناسٍ فالبلد مستقرّه = سوو لهم فيها مقاييل وبيوت



وأمر دربٍ قدمي الزين مرّه = ياكثر ما شفته يجي فيه ويفوت



زين وغنج وعيون حلوه وغرّه = يمشي على كيفه مع الناس مفلوت



تقصر فنيلة فاتني دون سرّه =والنهد يرقص لي على دقة الجوت



كنّه غرير ولاش علمٍ يغرّه = لا خاف من ربه ولاهوب مكبوت



علقني بسحرة وخيرة وشرّه = سحرٍ ذكر هاروت شرّه لماروت



وإليا إنتهى الميعاد بترك مقرّه = واعصي هوى قلبٍ من الزين مبهوت



واحزم شناط العفش والثوب أزرّه = وارجع بشوقٍ من مدى شوق بخوت



ويانجد صيفك لو ذبحني بحرّه = حييت في حضنك وفي حضنك الموت

الله يكرم ويحفظ نجد وحرهاااااااااااا

شكرالك

لاهنت بيض الله وجهك ولكن تبقى نجد ارقى وازكى واطهر من بيروت ولا مقارنه بينها

تحياااتي

نجد ووووووو بس؟؟؟

الرجال رايح وطي الله يعينه
لاهنت على المشاركة

أعذروني أخواني بانكم لم توفون بالمطلوب


===
أنا أعرف أن نجد أكبر من أن يذمها أحد


أنا طلبت قايل القصيده


ماطلبت راي بالقصيده أو بما تحكي عنه


لبد نفهم ماذا مرادها

تقديري للجميع

القصيده نسبت للشاعر / ذيب جمران

اتمنى اني افدتك

تحيتي ,,