محمد النخيش.. مبروك الوسام
زبن الجعفري العنزي08-Oct-2009, 06:26 PM
مبروك يابن نخيش بعد المكرمة جاك الوسام= تستاهله وشلون نبغى نقول ماتستاهله
لكن ترى المسلم يميز بالحلال وبالحرام=الدين واضح مانخبر الدين فيه مجامله
طلال ناشي08-Oct-2009, 07:19 PM
الله الله
ياراع الجدعا لافض فوك
صح أللساااانك وأنا في صــــــفك
كلامك يستحق المتابعه
عقاب العنزي08-Oct-2009, 07:21 PM
صح لسانك ياراع الجدعا ولاهنت وبصفك ولايهون محمد
..
رفيع المنزل08-Oct-2009, 07:38 PM
صح لسانك ياراع الجدعا وبصفك
ولايهون ابن نخيش
محمد النخيش08-Oct-2009, 07:41 PM
الله يبارك فالرجال اللي يردون الجهام=سعو لفعل الطيبه يالين جتهم شامله
حنا على سنة محمد كل يوم وكل عام=برّق عيونك زين كان انك تريد معامله
زبن الجعفري العنزي08-Oct-2009, 09:35 PM
العذر على التاخير
العام حاولت الصعيبه مار ردوك الكرام= واليوم جاتك من صحيب يواكلك وتواكله
هذي طموحاتك يا بن غازي وعداك الملام= واللي بعدها كان تبغاها تراها حاصله
زبن الجعفري العنزي08-Oct-2009, 09:37 PM
طلال ناشي
عقاب العنزي
رفيع المنزل
صحت ابدانكم والصف يزهى بكم
محمد النخيش08-Oct-2009, 10:14 PM
العام ولا اليوم دايم مكسبي ذروة سنام=ياللي تدح وجاهلٍ بالعالم اللي واصله
طموحنا عالي ومعرفة الرجال اكبر مرام=ولاهمني تهديد منهو شاكلك وتشاكله
محمد النخيش08-Oct-2009, 10:15 PM
طلال ناشي
عقاب العنزي
رفيع المنزل
لاهنتو على التواجد المهم
زبن الجعفري العنزي08-Oct-2009, 10:44 PM
العام والا اليوم مالك لا شداد ولا مسام= لكن ياكثر الكراسي فوق متن الحافله
انت اغتنم ماجاك يامحمد ولاتزيد الكلام= ترى تجاربك القديمة كل ابوها فاشله
محمد النخيش08-Oct-2009, 11:27 PM
محمد النخيش08-Oct-2009, 11:58 PM
مايجحد أفعال الرجال الوافيه غير الخمام=رح وانشد العريف كان إلهم معاك مزامله
دربي وأعرفه ياوسيع المعرفه لو به زحام=مادام راع الجزل يرجح في جميع امفاضله
طارق النفيعي08-Oct-2009, 11:58 PM
يا سلام
صحت الألسن يا شعراء
طلال ناشي09-Oct-2009, 12:36 AM
الله الله
صح اللساااااانك يامحمد
صح أللسااااانك راع الجدعاااا
أنت أغتنم ماجاك يامحمد ولا تزيد الكلام
ترى تجاربك القديمه كلبوها فاشله
أرفع لك القبعه - تحياااااتي
محمد النخيش09-Oct-2009, 12:40 AM
الله الله
صح اللساااااانك يامحمد
صح أللسااااانك راع الجدعاااا
أنت أغتنم ماجاك يامحمد ولا تزيد الكلام
ترى تجاربك القديمه كلبوها فاشله
أرفع لك القبعه - تحياااااتي
صح بدنك وكل يرى الناس بعين طبعه :)
الحوووووت09-Oct-2009, 02:53 AM
الله الله الله محاوره في قمه الروعه صح لسانك ياراع الجدعا وصح لسانك يابو غازي
زبن الجعفري العنزي09-Oct-2009, 03:54 PM
لو العوارف من معرفتهم معك كيلو جرام= حطوك امام ٍ في صلاة الفرض قبل النافلة
يامحمد بن نخيش نور الصبح جلاي الظلام= الوايلي ماهو مكلف في سراح الهامله
يعطيك العافيه يامحمد
شرفتني باللعب معك
الى اللقاء والختام عندك
زبن الجعفري العنزي09-Oct-2009, 03:56 PM
طارق النفيعي
صحت بدنك ولاهنت
طلال ناشي
صح بدنك واشكر مرورك العاطر
الحوووت
صح بدنك وشرفتنا
صالح سالم09-Oct-2009, 04:39 PM
صح السانك يا راع الجدعا وبيض الله وجهك
وصح لسان محمد غازي ويستاهل كل خير
متابع
زبن الجعفري العنزي09-Oct-2009, 05:53 PM
صالح سالم
صح بدنك ووجهك ابيض
شرفتنا يالذيب
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
