سبقنا على اللي مالها غيرنا شوق..حبيب وصقر ...

حبيب العازمي


هلا مرحبا واللي يرحب ولد روق
وهاذا محل الروقه الطيبينا
ترا الاد ذايب روسهم دايم ٍ فوق
ومن حظنا لابه ومنا وفينا


صقر سليم


يدوم البقاء ياروق والعلم ملحوق
وتكميلكم ياروق واجب علينا
هذا علم ما بين الرياجيل ماثوق
بعيد الدير مير السوالف تجينا


حبيب



انا خابرك جاري وباقي ٍ لك حقوق
وتبشر بها لو طولنا السنينا
من اول سماكم كله رعود وبروق
وعود صحوا يا رب لا تبتلينا



صقر


انا خابر ٍ قلبك من الامر محروق
ليا شفتنا تضحك ولو ما تبينا
وحنا عرب ما نعرف الغدر والبوق
ومن حظنا وافين دنيا ودينا


حبيب




تحدث علينا ليش والدقن محروق
ولو كان عندك سجدتةٍ فالجبينا
تبى الصدق والله ما سلمتوا من العوق
وحنا رحانا اللي تدق الطحينا


صقر



ترا الدقن وش ضوت على العود فاروق
طويله وشب النار فالمسلمينا
تبى تطرحون الطايره بام صندوق
لحقتم هذاك معايد القريتينا


حبيب


انا ما عينتك جيت في حامي السوق
اشوفك على راس الجبل من يمينا
على الاوله مسبوق يا صقر مسبوق
واذا كان ما تدري ترانا درينا


صقر



تقوله عقب ماشلتوا الطاق مطبوق
ترسي بواخركم على كل مينا
سبقتوا على اللي بين سارق ومسروق
وجابوا لكم دكتور من بدو سينا


حبيب


نصادم جبال طوال ونحاق ونحوق
لكن انت حول الجحر يا ابى الحصينا
سبقنا على اللي مالها غيرنا شوق
نهار ان عشقتكم تجر الونينا



صقر



تناطح جبال بموقع ٍ غير مرموق
بحثتي عن السكين يا ام القرينا
واخذتوا لكم مع شاعر الجن طاروق
وصرتوا تشوفون الثنين اربعينا


حبيب


ترا اللي يلف الوجه عن كل مخلوق
مغير الربايع وانتم المستحينا
يدينك يدين السبع والصوت غرنوق
ونصرك مع اهل السبت والمشركينا



صقر



تقوله كبنك لابس البشت مشقوق
وحقدك على كل الاوادم دفينا
ترا ما يحول فالخطر غير مطفوق
تسابق ظلالك يا طويل اليدينا



حبيب



انا ثوبي ابيض مابه شلوح وفتوق
وثوبك عليه الصبغ الاحمر يبينا
ترا ذنبكم فارقابنا باقي ٍ طوق
عسى الله يسامحنا عن الميتينا

..


الله الله ..


صح لسـآن أبو فيصل و لسآن البقيلي ..


يعطيك آلعافيه ولاهنت على النقل الجميل ..


,,,

هذه المحاورة من اجمل المحاورات وهي عند الذيبة في ام الدوم

محاورة رائعه

وصح لسان حبيب وصقر

وياليت الاخوان المحللين وعلى رأسهم ابوفايح

يوضحون لنا المعنى


اما انت يالمثالي مبدع في هذا الاختيار

المثالي سلمت اناملك يا راااائع



يالربع انا من اشدّ المعجبين في هذا الفذ المجنون صقر سليم

شااااااااعر بكل ما تعنيه هذه الكلمه وقوي حجه الى ابعد درجه

ولا يحتاج للشبح تعليق فهو مبدع في كل حالاته



اشكرك مره اخرى يالمثالي

لقاء رائع جدا


ونقض وفتل رائع



حبيب مبدع وصقر مبدع

بداية المحاوره تكلم حبيب عن سليم وأن تاريخهم كان فالماضي أما الان لاشي
(من اول سماكم كله رعود وبروق **وعود صحوا يا رب لا تبتلينا)



ورد صقر برد لا بأس به
(وحنا عرب ما نعرف الغدر والبوق**ومن حظنا وافين دنيا ودينا)



من هنا ابتدأ المعنى
(تحدث علينا ليش والدقن محلوق**ولو كان عندك سجدتةٍ فالجبينا)


جاء صقر سليم بالرد الذي قلب المحاوره الى معنى قوي وهو (حادثة جهيمان ) ورمز له بالعود فاروق
(ترا الدقن وش ضوت على العود فاروق**طويله وشب النار فالمسلمينا
تبى تطرحون الطايره بام صندوق**لحقتم هذاك معايد القريتينا)


واستمر المعنى على ذلك بابيات قويه جدا ومما أعجبني

(نصادم جبال طوال ونحاق ونحوق **لكن انت حول الجحر يا ابى الحصينا )


ورد قوي من صقر
(تناطح جبال بموقع ٍ غير مرموق**بحثتي عن السكين يا ام القرينا)

لاهنت يالمثالي مبدع دائما

اختيار موفق يالمثالي

وتسلم يابو فايح على التحليل

والشكر موصول للجميع

لاهنت ياالمثالي وانا من المعجبين بما تطرح ولاهنت ياابو فايح على تحليل المحاورات وانا ستفدت منك

ياسلام :)

فتل ونقض وكل شيء واضح وضوح الشمس


لاهنت يالمثالي