ليا قيل رجّال !!

تواصليه


عزّي لرجالن ليا قيل رجال = ليته رقد ماقال ابا اكتب قصيده
قصيدته حياّ الله وكيف الاحوال = تصويرها مسبوق ماهي جديده
ويقول انا شاعر واغنّي بموال = وسط المجلّه صورتي والجريده
حتيش يارجّال قدامك إرجال = يدرون والمكتوب واصل بريده
لكن على ماقيل في بعض الامثال = مافيه اخير من الوطن والعقيده
وانته شعورك متجّه يمّ الازوال = اليوم(مي ) وعقب بكره ( فريده)
ياهيه .. لاتشكي على العالم الحال = حالتك معروفه وعلّتك اكيده
ان كنت شاعر طيّب الصّيت والفال = خلّك مثل عنتر شجاع و وليده
في ساعة الكربه يقول الف حلاّل = يولّع الدنيا وتصبح وقيده
وفي ساعة الهدنه يجي له على البال = حاجه لكن عن غايته ماتحيده
والرّجل مايحدّ نفسه على الجال = مادام له عمّ وخوال وبديده
خلك مثل شيهان صقرٍ ليا مال = بجناحه الايمن يحطّم ضديده
ومافيك قاصر غير ترديد الاقوال = ولا ردّد الاقوال غير البليده

لكن على ماقيل في بعـض الامثـال
مافيه اخير مـن الوطـن والعقيـده

صح لسانك مدد بلا عدد

جزل ولا يستغرب منك مثل هذا

ننتظر مافي جعبتك

وفقك ربي

لكن على ماقيل في بعـض الامثـال
مافيه اخير مـن الوطـن والعقيـده



بيض الله وجهك يابو طلال ... شاعر نفتخر بتواجده بيننا "

زميل الحرف والكلمه / عبدالله الاسعدي


صح بدنك ولاهنت


تقبّل تحياتي ومودتي

شاعرنا ومشرفنا القدير / بن سرحان الثبيتي


مشكور على المرور الطيب ، و وجهك ابيض يالقرم


تحياتي لك

الله الله


ابو طلال لاتبطي علينا بمثل هذي


صح لسانك حتى ترضى

محبك

مشرفنا الرائع / عبدالله الجذع

صح بدنك ولاهنت على المرور الراقي

تحياتي ومودتي

حتيـش يارجّـال قدامـك إرجـال
يدرون والمكتـوب واصـل بريـده


الله الله الله


ابو طلال

صح لسانك مدد بلا عدد

ابداع مهوب غريب عليك الله لايضرك