مستور العصيمي و بن سلمي

مستور العصيمي


يا زيد يا زيد ما تقدر تعاندنا
وان كان ما فدت نفسك ما انت فايدنا
انفيد وانفاد ما قلت فوايدنا
والبيت ما يثبت الا فوق سيسانه


يالمطاري محتزم بالحزام
والاعادي فاضخ عيونها
ولعت ما عاد فيها كلام
واحرقت ليلا ومجنونها



زيد بن سلمي




من يطلب العون مني ما تعذرته
واليا كبر راس بعض الناس صغرته
هذا كلامي ويصل العود وانذرته
.................

من حمى الميقاف سلم الملام
من نفسك صونها صونها
يا العصيمي وقت سلم وسلام
وانتم الفتنه تحرثونها



مستور




حنا خوال النبي يا سلالة الخنساء
من قال فينا عيوب نقول له تخساء
احفظ مجرد كلامي معك لا تنساء
...............


سيفنا سيف ٍ يقص العظام
خل الارض تطلع جنونها
ما بها يا زيد حرب وسلام
والامانه عند ما مونها




زيد




ماني معقب عليكم بعد غنيتوا
وانتم خوال النبي لكن سويتوا
بردكم للصحيح اليا تعديتوا
...........



سيفكم مكسور والحظ قام
خلها تقعد بماعونها
اعرف ان النورعكس الظلام
اعرفوها لا تعدونها



مستور




لن كان ودك نقصرها نقصرها
وان كان ودك تغيرها نغيرها
اخاف من حاجة ٍ دايم تدورها
..................




بن سلمي ما يحلل حرام
شايف الحروه وجاء دونها
دامها تمشي معك للامام
جمرة ٍ في راس غليونها


زيد



فعلك تلبي مع الحجاج في مكه
هات الحقيقه وخل اللي بها شكه
والله ما امشي بها سكه ما هي سكه
..........



زيد رجال وصلى وصام
ما يذوق اللي تذوقونها
ول يا هالطير رفرف وحام
عاشق ٍ ليلى ومجنونها



مستور


وراك تكشف غطاها اللي مغطيها
تشيلها مر وامرار ٍ توطيها
والرجل فالدرب ما تقصر تخطيها
...............



غرد القمري وناح الحمام
والشجاري مالت غصونها
انتبه يا عسكري للدوام
والرواتب لا يخصمونها




زيد



رد الخبر يا وسيع المعرفه عني
نذر علي ما تجيك الناقصه مني
انا ترا ماني فلان ٍ ولد هني
............




يا عساك بعز في كل عام
لا تعلمني وش لحونها
انت مونس لك بخشمك عرام
والعرب ينباح مكنونها




مستور





الناقصه ما تجي منكم ولا منا
والشاعر اليا درس فن الغنا غنا
والله من الجن يا منكم ويا منا
...........



الخواجيه تسمى مدام
نعبوا ناس ٍ يسمونها
وردوها موردين الحيام
وانت تمره فوق عرجونها




زيد




اليوم نظرتك يا مستور ملتفه
والناس لا ناظرت بك صابها خفه
الله واعلم متى هي ترجح الكفه
..........





الخواجيه طواها الهيام
نا قصه وانتم تزيدونها
البدابه جات مثل الختام
بين وازنها وموزونها

لا هنت و بيض الله وجهك يالمثالي ..

و تكفى عطنا أول طاروق فالحفله بين مستور و زيد

اللي بدعه مستور .. مرحبا باللي حضر حفل الزيادي & من قريب و من بعيدين النحايا

سلمت وبارك الله فيك يالمثالي


وصحت السنة الشعراء



مستور العصمي


وزيد المطيري





محاورة طيبه