غيض وغضب

اخواني الكرام
السلام عليكم ورحمة الله وبركاته

يسعدني ان اقدم لكم هذه القصيدة واتمنى ان تنال شيءٍ من اعجابكم


يالقصيده بعد دورك وجب=اطلعي مثل مطلاع الهلال
ماكتبتك على شان الطرب=ولاهوا اللي تشادي للغزال
اكتب الشعر من غيض وغضب=العرب شفت فيهم مايقال
ضيعوا دلهم يال العجب=ومنهج اعمامهم وايا الخوال
والتراخي على الشيمه غلب=والحيا راح مافيها جدال
وقمت ادوّر لعلتهم سبب=واكتشفت انها داءٍ عضال
لادعاهم معزب للشبب=عنده ضيوف ومذكي خيال
كل واحد بملبوسه سكب=ومن عصر جا متاحي للعيال
روحوا قبل لاالشمس تغرب=مثل جيشٍ تحرك للقتال
قادهم للمعزب وانكثب=وكل ورعٍ على مركاه مال
والفناجيل خلوها حطب=والحقوا صفوة الكيف الحثال
والقدوع اعتدوبه وانهب=والعجم صال فى المجلس وجال
ولو يجي عقبهم جد العرب=مالقاله على المركى مجال
يجلس هناك ابو ظهرٍ حدب=يتحمل لو عضامه هزال
ولاروحوا ريح للزاد وزهب=نفذوا واستعدوا للنزال
وكل واحد تجهز واقترب=ماترده مرابيع الحبال
وفي ثواني على السفره وثب=واشترك باليمين وبالشمال
يجتلد كن في جسمه جرب=شيمته دون ويدينه طوال
ولا ارسل الضيف للداعي طلب=للمغاسل يشدون الرحال
ويفهق خلاف مفتول الشنب=لين يقضون من كل الغسال
وشايبٍ يشتكي ضعف الركب=يلزم سراه تقديره محال
ثم كل لمركاه انتدب=مثل ماينطلق سهم النبال
وانجضع فوق جنبه وانقلب=يتمغط مثل ذيخ الظلال
والمعزب تكدر واكترب=واندفن من حياه بن الحلال
والابو للفضيحه ماحسب=ولاعرف قدر لكرام السبال
وجهه ابرد من الماء فالقرب=جعل رايب عيونه للخلال
يلحقه لوم ويحمل عتب =ليه ما ارخى عليهم بالعقال
وليه ماعلم ابنه بالادب=وفهمه في قوانين الرجال
من يهمّل عياله ماكسب=منهم الا الفضيحه والخمال
يفهم الحر ويزيل الريب=والرخم فالرخامه لايزال
وهقوتي موعد الساعه قرب=يالله الطف بنا ياذا الجلال
ضاوي العصيمي

صح لسانـــك

كــــــــل واحــــــــد بـمـلــبــوســه ســــكــــب =ومـن عـصـر جــا متـاحـي للعـيـال




صح لسانك على القصيده

عز الله صدقت ... هذا اللي صاير في هالوقت


صح لسانك

صح لسانك ياضاوي ابداع غير محدود

صح لسااااااااااااانك

صح لسانك ياضاوي

صح لسانك

عزالله هذا اللي حاصل اليوم

والشايب مثل ماتفظلت يمسك سرا على المغسله والمركا عساه يحصل

يالله صلاح العطاء

تقبل اطيب تحيه

والــفــنــاجــيـــل خــــلــــوهــــا حــــــطــــــب
والـحـقــوا صــفــوة الـكــيــف الـحــثــال
والــــــقــــــدوع اعــــتــــدوبــــه وانــــــهـــــــب
والعجم صال فى المجلـس وجـال
ولــــو يــجــي عـقـبـهـم جــــد الــعــرب
مـالـقـالــه عــلـــى الــمــركــى مـــجـــال
يجـلـس هـنــاك ابـــو ظـهــرٍ حـــدب
بيتــحــمــل لـــــــو عــضـــامـــه هــــــــزال
ولاروحـــــــوا ريـــــــح لـــلــــزاد وزهـــــــب
نـــــــفــــــــذوا واســـــتـــــعـــــدوا لـــــلـــــنــــــزال
وكـــــــل واحــــــــد تــجـــهـــز واقــــتــــرب
مـــــــاتـــــــرده مــــرابـــــيـــــع الـــــحـــــبـــــال
وفـــي ثـوانــي عـلــى الـسـفــره وثــــب
واشــــتــــرك بـالــيــمــيــن وبــالــشــمـــال
يـجـتـلـد كــــن فــــي جـسـمــه جـــــرب
شــيــمـــتـــه دون ويـــديـــنــــه طــــــــــوال

هههههههههههه مجرم ابداع يابو زياد
ولاعديت الا صدقاً...

لله دركـــ وصح لسانكــ....

اخواني الكرام
السلام عليكم ورحمة الله وبركاته

يسعدني ان اقدم لكم هذه القصيدة واتمنى ان تنال شيءٍ من اعجابكم


يالقصيده بعد دورك وجب=اطلعي مثل مطلاع الهلال
ماكتبتك على شان الطرب=ولاهوا اللي تشادي للغزال
اكتب الشعر من غيض وغضب=العرب شفت فيهم مايقال
ضيعوا دلهم يال العجب=ومنهج اعمامهم وايا الخوال
والتراخي على الشيمه غلب=والحيا راح مافيها جدال
وقمت ادوّر لعلتهم سبب=واكتشفت انها داءٍ عضال
لادعاهم معزب للشبب=عنده ضيوف ومذكي خيال
كل واحد بملبوسه سكب=ومن عصر جا متاحي للعيال
روحوا قبل لاالشمس تغرب=مثل جيشٍ تحرك للقتال
قادهم للمعزب وانكثب=وكل ورعٍ على مركاه مال
والفناجيل خلوها حطب=والحقوا صفوة الكيف الحثال
والقدوع اعتدوبه وانهب=والعجم صال فى المجلس وجال
ولو يجي عقبهم جد العرب=مالقاله على المركى مجال
يجلس هناك ابو ظهرٍ حدب=يتحمل لو عضامه هزال
ولاروحوا ريح للزاد وزهب=نفذوا واستعدوا للنزال
وكل واحد تجهز واقترب=ماترده مرابيع الحبال
وفي ثواني على السفره وثب=واشترك باليمين وبالشمال
يجتلد كن في جسمه جرب=شيمته دون ويدينه طوال
ولا ارسل الضيف للداعي طلب=للمغاسل يشدون الرحال
ويفهق خلاف مفتول الشنب=لين يقضون من كل الغسال
وشايبٍ يشتكي ضعف الركب=يلزم سراه تقديره محال
ثم كل لمركاه انتدب=مثل ماينطلق سهم النبال
وانجضع فوق جنبه وانقلب=يتمغط مثل ذيخ الظلال
والمعزب تكدر واكترب=واندفن من حياه بن الحلال
والابو للفضيحه ماحسب=ولاعرف قدر لكرام السبال
وجهه ابرد من الماء فالقرب=جعل رايب عيونه للخلال
يلحقه لوم ويحمل عتب =ليه ما ارخى عليهم بالعقال
وليه ماعلم ابنه بالادب=وفهمه في قوانين الرجال
من يهمّل عياله ماكسب=منهم الا الفضيحه والخمال
يفهم الحر ويزيل الريب=والرخم فالرخامه لايزال
وهقوتي موعد الساعه قرب=يالله الطف بنا ياذا الجلال
ضاوي العصيمي




صح لسانك اخى الكريم


وفعلا اصبحت هذه الامور ظاهره فى مجتمعتنا


اتمنى من المربين الانتباه لهذاالشى ولوان الخيرلايزال كثير ان شاء الله

ضاوي العصيمي اسم من ذهب ولا يكتب الا ذهب ..

ابداع غير مستغرب ..

وكلام فالصميم ....


متابع ويشرفني متابعة كل ماتكتب ..


اخووووك

اشكر كل من تكرم بالمرور من هنا

ههههههههههههههههههههههههاي


والله انه صادق ياوجه الله

مقدي فيهم ياضاوي سلامي والله عليك

هه

تقبل تحياااتي

صح لسانكـــ

انا اشهد انها نصيحه ماسبقك عليها احد من الشعراء حقن علي لسمعها الشايب دايم يحذرنا عند هاذي و مثلها

صح لسانك ياضاوي والله لايهينك ابدعت واصبت الجرح

..


صح لسانك شاعرنا الكبير ضاوي العصيمي

ولاهنت ،،،

صح لساااااااااااااانك يا ضاوي

بيض الله وجهـــــــك على الجزلة

ههههههههههه

كلام في محله ولاهوب اي كلام

شاعرنا الكبير ضاوي العصيمي

الشهـــادة فيــــك مجروحــــــه

صح لساااااااااااااااااااااااانك

ولــــو يــجــي عـقـبـهـم جــــد الــعــرب
مـالـقـالــه عــلـــى الــمــركــى مـــجـــال
يجـلـس هـنــاك ابـــو ظـهــرٍ حـــدب
بيتــحــمــل لـــــــو عــضـــامـــه هــــــــزال


لاحوووول


صح لسااااانك


نادرة من نــــــــــــــــادر

اشكر كل من تكرم بالمرور والاطراء


ويامليون هلابكم جميعا

ياسسسلام ياسسسلام

صح لسسسانك واعتلى شانك يابن عاصم ولاهنت

سجل اعجابي وتقديري

صح لسانك ولاهنت على هذه الجزله

اشهد بالله انك حطيت يدك على الجرح

صح لسانك مدد بلا عدد يابو زياد

جزل ولا تجيب الا الجزل

اشكر كل من تكرم بالمرور والاشادة ويامليون هلا بالجميع

صح السااااااااااانك

لين ترضى

يابن عاصم


شاعر جزل مايحتاج

غني عن الإشاااادة


لاهنت

صح لسان الشاعر المبدع ضاوي العصيمي

ويجب علينا معالجة الظاهره السيئه التي ذكرها الشاعر وهي عدم توقير كبار السن واحترامهم

شكرآ