ضيدان في شعره تمثل بالعزيزه في مصر

مجاراة لقصيد الشاعر ضيدان بن قضعان


علها ترقى لذائقتكم (http://www.algwafel.com/vb/showthread.php?t=18468) الشعرية


http://www.youtube.com/watch?v=qpXL1glgHZY&feature=player_embedded


ضيدان في شعره تمثل بالعزيزه في مصر=واستشهد بعذب المحبة في قصيده وأكذبه
نسج قوافي فاتنة شعره على ذوق وبصر=والشاهد الله ذا القصيدة للقوافي مرهبه
قام يتغزل بالهنوف اللي بها خصرٍ(ن)ضمر=لا من تثنت عقل ضيدان بهواها تسلبه
ما شاف ما شافت عيوني من جمالٍ(ن)بالخُبر=لو شافها ضيدان من شعره يسوي معجبه
مثل القمر لو شافها نص الشهر ضوء القمر=يخسف حيا من نورها والنور عنا يحجبه
وشلون عاد بقلب شاعر لن تعلق وإنكسر=عقله وقلبه والمشاعر والقصيد لينكبه
في عينها سهم المنايا والمنايا بالصدر=ياويل منهو يارفيق الشعر عقله تنهبه
قالت :تجمل قلت:بيش وقالت:أوسع للممر=قلت:الطريق أوسع من ذمم العباد المذنبه
قالت:تهزر قلت:حاشا معك ماعندي هزر=لكن أنا يافاتنة وسط الطريق مجنبه
قالت:غشيم وقلت:يمكن خير من غيلة غدر=قالت:ياويلي قلت:ويل الكل قلبي تحطبه
قالت:بدو قلت:البداوة لأهلها عز وفخر=قالت غريبة قلت مالغربة بعز مجربه
قالت:كلامك فيه شيء من التغطرس والكبر=قلت:الترفع للرجل ماهو بعيب يعيبه
ما تدري إني فارسٍ(ن)لكن ماجاها خبر=ومن يجهلك ما قدرك لو كان صاحب مطلبه
قفت وأنا عقلي يتابعها ويتبعها النظر=والقلب يرجف والجسد ترجف عروقه وعصبه
أحس في قلبي وقايد كنها حرق الجمر=ماهو خسرته بالمصادف كيف برجع وأكسبه
القلب ينزف من غرامه والقدر مابه مفر=ماني بعارف وين دار صويحبي وإلا عربه
الفاتن اللي بالخبر غير العزيزة في مصر=لو شافها ضيدان قال الحب عذبه بأكذبه

النجم صح السانك ملايين

ابداع لله درك

تحياتي

صح لسااااااااااااااااااااااااااااااااااااانك