معاناة معلم

بسم الله الرحمن الرحيم



السلام عليكم ورحمة الله وبركاته



بعد الغياب اعود لكم بالجديد

وعذرا التنسيق مايشتغل معي

　

http://www.youtube.com/watch?v=9KLkYzh6YsY&feature=youtu.be





الله يجازي زمرة كانو اسباب

في هزة التعليم واللي حصل له

دون الحقوق الضايعه صكو الباب

وفوق المعلم حطو الحمل كله

حتى تباشير الفرج نورها غاب

واعذارهم هالوضع نسعى لحله

اما تصاريح وتلاعب بالاعصاب

ولا تعاميمٍ كئيبه ممله

تجاهلو دور المعلم والاتعاب

اللي يصارعها ويشكي على الله

مشاكلٍ راسه من همومها شاب

من يوم صارت هيبته مضمحله

ضحك التهكم من شماميت واغراب

يالله دخيلك عن حياة المذله

اطعن معلم مابعد طعنه عقاب

بالعكس لك شهرين عطله وفله

ولا اضربه واجمع معك كم ضراب

واذا سقط أرضاً توكّل وخله

اللي بغيناهم لنا سيف ونصاب

صارو علينا تالي الوقت عله

من فوق جثمان الاسد ترقص كلاب

اللي مكانه قبل محدٍ يصل له

يوم ان حتى ظل الاستاذ ينهاب

من عظم مقداره يهابون ظله

يامجدنا يالمعتلي راس مرقاب

والماضي اللي مايدنس سجله

نبقى الشموخ ولا عن المجد مجناب

والعلم سيف بالمواقف نسله

العود لو هو يحترق ينثر اطياب

ذا حالنا بالوقت واقرب مثل له

اعمارنا راحت نبي قرب الاقراب

والكل يطمح للنقل في محله

ياما اطول المشوار والبعد غلاب

يحد من عزم الصبور ويشله

كابوس لم تنقل على الحلم جلباب

اخفى كثيره مابقى غير قله

ياموطني فينا ترى الظن ماخاب

يبقى ولانا للوطن والعمل له

لجلك نبيع الروح ونطوع اصعاب

وبعلمنا جاهل طريقه ندله

مانقصّت من حبنا كلمة عتاب

لحدٍ يفكر وضعنا يستغله

اللي يبي يشعل من الحقد مشهاب

ابعد عليه من النجوم المطله

صح لسانك ..
وان شاء الله مع الوزير الجديد تتغير بعض الامور ..