11-Jan-2006, 02:20 AM
الشاعر / محمد الدحيمي
تقهـويتــك وله ... لوما تقهـويتــك بصفر دلال=
تهيلتــك هواجيـــس .. وقصـائد حب منـثــوره
اهيجن لك .. بطرقٍ .. غار من مسحــوبه الموال=
حديت اغلى مغاتــير الغرام .. وجتك منحوره
تذكــرت الجــــديل اللي تمـــوّج كنّـه الشـــلال=
وخد ٍّ يجهر البدر بسنـاه .. ويجــرح غروره
وطهور الرمش يرسم له على الوجنه غطى وظـلال=
واذا سلهم يجرِّحه النعاس .. وينقض طهوره
حبيبي ... ما بقى للشعر شيٍ يوصـف وينقــال=
ليا أختال الحور بعيون .. مفضوحه ومستوره
سحرني كلّ شيٍ فيك .. والسـحر أغلبه قتـال=
وتماديت وذنــوب السحر في القرآن مذكوره
حبيبي ... عاشقك معذور والله لو يجـيه هبـال=
اليا صار العشق شيـخٍ يسير العاشق بشـوره
احـبك ايه احـبك ياغنى عمــري وراس المــال=
لك بقلبي بساتين .. ومشاتـل حب ممطوره
لطيفك من سموم القيض في عين الوله مقيال=
واذا قصّرت .. يعذرني .. ترى كلن وميسوره
أهلّي بالجروح اللي غدا صـدري لها مدهــال=
واقلّطها بـــروحٍ من رداة الحظ مقهـــوره
واداري حيرة العبرة .. واكـابر واقهر العـذال=
واذا طرّوك قـدامي .. نخيت وقلت .. أخو نوره
انا والله لزومـــات العــواذل والرجـال رجـال=
وهل الأمثال قالوا .. يبخص القنـاص بطيوره
ماحـد يـقدر يعلّق في خيــــوط العنكـبوت جبـال=
ماحـد يـقدر يهـدّ ديــار لك بالقلب معمـوره
يجونك ناس والدنيا .. معاك ريال تسوى ريال=
واجيك ولا معاي الا ّ... قصايد حب منثـوره
تقهـويتــك وله ... لوما تقهـويتــك بصفر دلال=
تهيلتــك هواجيـــس .. وقصـائد حب منـثــوره
اهيجن لك .. بطرقٍ .. غار من مسحــوبه الموال=
حديت اغلى مغاتــير الغرام .. وجتك منحوره
تذكــرت الجــــديل اللي تمـــوّج كنّـه الشـــلال=
وخد ٍّ يجهر البدر بسنـاه .. ويجــرح غروره
وطهور الرمش يرسم له على الوجنه غطى وظـلال=
واذا سلهم يجرِّحه النعاس .. وينقض طهوره
حبيبي ... ما بقى للشعر شيٍ يوصـف وينقــال=
ليا أختال الحور بعيون .. مفضوحه ومستوره
سحرني كلّ شيٍ فيك .. والسـحر أغلبه قتـال=
وتماديت وذنــوب السحر في القرآن مذكوره
حبيبي ... عاشقك معذور والله لو يجـيه هبـال=
اليا صار العشق شيـخٍ يسير العاشق بشـوره
احـبك ايه احـبك ياغنى عمــري وراس المــال=
لك بقلبي بساتين .. ومشاتـل حب ممطوره
لطيفك من سموم القيض في عين الوله مقيال=
واذا قصّرت .. يعذرني .. ترى كلن وميسوره
أهلّي بالجروح اللي غدا صـدري لها مدهــال=
واقلّطها بـــروحٍ من رداة الحظ مقهـــوره
واداري حيرة العبرة .. واكـابر واقهر العـذال=
واذا طرّوك قـدامي .. نخيت وقلت .. أخو نوره
انا والله لزومـــات العــواذل والرجـال رجـال=
وهل الأمثال قالوا .. يبخص القنـاص بطيوره
ماحـد يـقدر يعلّق في خيــــوط العنكـبوت جبـال=
ماحـد يـقدر يهـدّ ديــار لك بالقلب معمـوره
يجونك ناس والدنيا .. معاك ريال تسوى ريال=
واجيك ولا معاي الا ّ... قصايد حب منثـوره
