ما اقدر على صنع الدمى والتماثيل= لن التصنع في المشاعر جهاله

قصيده رائعه اعجبتني وجدتها باسم عويد البغاشي


اللي نوانـي بالعنـا والبهاذيـل

=لا يحسبن القلب ظامـي وصالـه

قلبي على من صد ماله مداخيـل

=لو يذبحه هـم الزمـن ماشكالـه

لي عزة منزالها نجمـة سهيـل

=ترقب مطاليعـه وتزبـن اقيالـه

مال ومال الدون لاهـرف القيـل

=ترى الفتى يرفـع مقامـه مقالـه

واللي علاجه في جميع الفناجيـل

=ماعاد يدري وين يلقى الـدوا لـه

هذاك شفه هـرج ليـل وتعاليـل

=مدري ينـول الشـف والامنالـه

مر مع شمس الضحى له مواويل

=ومر ن مع تغريبة الشمس دالـه

يسري به الهاجوس لا هود الليل

=ويصحى على شوف الحقيقه قباله

وانا على شوف الليالي المقابيـل

=مثل الكريـم اللـي يقنـد دلالـه

اقند دلال الغلـى غالـي الهيـل

=واسوق فنجالي والاخـر بجالـه

اسوق فنجالي ببشـر وتهاليـل

=فلـة حجـاج ماوراهـا احتيالـه

اسوقه بطيبـه وعفـه وتبجيـل

=تاصل بعض الاحيان حد الهبالـه

طبعي كذا عفوتي تعـدل الميـل

=ما هي مجرد ومضة فـي خيالـه

ما اقدر على صنع الدمى والتماثيل

=لن التصنع في المشاعر جهالـه

أتمنى ان تعجبكم كما أعجبتني..

رائعه


ياغالي


وصح لسان عويد


تشكر


تحياتي

اخي فيصل مشكور على المرور

الله يعطيك العافيه ياغالي

صح لسانك ولسان شاعرها



ولاهنت


تحيااااااااااااااااااااااااااااااااااااااااتي

اخي ابن نعيس

شاكر لك تواجد العطر

لاخلا ولا عدم

صح لسانك ولسان شاعرها

بيض الله وجهك اختيار اكثر من رائع

تحيااااااااااااااااااااااااااااتي

صح السانك ولسان راعيها
تسلم على النقل الطيب
تحياتي

اخي الدلبحي
الله يعطيك العافيه
على المرورالرائع
ولا هنت يا غالي

اخي وليد الزراقي
مشكور على المرور العطر
لاهنت يا غالي