اقلطووووو ( والطارف سداد )
سلطان الحافي12-Sep-2006, 10:29 PM
ألعتيبه من ولد حافي تحيه = عزوتي وعصابتي فالمعسريه
منتدانا صارله سمعه قويه = الله اكبر ياللحون السامريه
هيه يالربع والطارف سداد = المعاني لزوم نشدها
ودنا نطرح الليله مزاد = سلعةِ غاليه ماحدها
مرزوق حمدان العتيبي12-Sep-2006, 10:42 PM
...
.
الله اكبــــــــــر على الابداع ياسلطان ..
سجل اعجابي ..
..
وننتظر الشاعر المقابل ..
...
سلطان الحافي12-Sep-2006, 10:46 PM
ارحب ارحب
يابو محمد
والابداع وجودك بينا
لاهنت يالقرم
تحيااااااااااااااااااتي
عمرالروقي12-Sep-2006, 11:26 PM
إل عتيبه من ولد حافي تحيـه
عزوتي وعصابتي فالمعسريه
منتدانا صارله سمعه قويـه
الله اكبر ياللحون السامريـه
هيه يالربع والطارف سداد المعانـي لـزوم نشدهـا
ودنا نطرح الليلـه مـزاد سلعـةِ غاليـه ماحدهـا
--------------------------------
صح لسانك ياسلطان الحافي
----------------
مبدع
---------
وفي
انتظار
الشاعر الثاني
------------
الأمــير13-Sep-2006, 01:38 AM
صح السااااانكـ وفي انتظار الــــرد
الدماسي 200713-Sep-2006, 06:19 PM
سلطان الخافي استلم
البقا بك بالنيابه عن عتيبه=ربعي اللي بالمواقيف الصعيبه
تلطم العايل ولا هذي غريبه=والله اكبر ياللحون السامريه
ذعذعي يانسانيس البراد=كل كلمه نوفي ردها
يابن حافي ليا جيت البلاد= سلعتك مانبيها ردها
سلطان الحافي13-Sep-2006, 08:19 PM
صح لسانك
وستلم
تو زان اللعب مادم الدماسي = حاجزٍ له كرسين بين الكراسي
شاعرٍ قاسي وانا ياقو باسي = الله اكبر يالطروق السامريه
جوك ناسٍ عليها كالجراد = والثمينه لزندٍ قدها
العنب مر في راس الزناد = قِد كبد غبينه قِدها
سلطان الحافي13-Sep-2006, 08:23 PM
عمر الروقي
نبارك لك على المنزال الجديد
والله يوفقك
ونورت الصفحه بوجودك
وصح بدنك
تحيااااااااااااااااااتي
سلطان الحافي13-Sep-2006, 08:25 PM
ارحب
يالذيب
صح بدنك
واسعدنا مرورك
تحيااااااااااااااااتي
علي الثبيتي13-Sep-2006, 08:43 PM
سلطان والدماسي صحت السنتكم
مبدعين وحنا متابعين
سلطان الحافي13-Sep-2006, 08:59 PM
النشمي
صح بدنك
ومرورك ومتابعتك تشرفنا
تحياااااااااااااااااتي
مرزوق حمدان العتيبي13-Sep-2006, 09:05 PM
..
.
واصلوا ياعيال العم ..
وعلى القوّه.. نفداكم :)
..
الليل توه باوله سروها ..
...
سلطان الحافي13-Sep-2006, 09:29 PM
ابو محمد
يا مراااااااااااااحب
واسعدنا متابعتك يالقرم
وجعلك فالوجود دايم
تحياااااااااااااااااتي
خلف بن مرزوق13-Sep-2006, 10:27 PM
...
..
صفحة من صفحات الجزالة
سلطان والدماسي
بيض الله وجيهكم على الابيات الجزلة
متابعينكم واااصلواااا
مودتي
.
سلطان الحافي13-Sep-2006, 10:56 PM
ابو مرزوق
يامرحبا
وجهك ابيض
مرورك وتعليقك شرف لنا
تحيااااااااااااااااااااااااااااااااتي
الدماسي 200713-Sep-2006, 11:05 PM
يوم زان اللعب يامال الستيره=والبنادق والمحازم بالذخيره
تا تعبى فل ياراع الجريره= والله اكبر ياللحون السامريه
من يجيني يبا يلقى الزباد=كلمة ً يابن عمي ودها
مايهم الجمل دبي القراد=لو يجي بالمحايل وألدهاء
الدهاء = المكر
مايحتاج شرح
الدماسي 200713-Sep-2006, 11:11 PM
الاخوة
مرزوق العتيبي
النشمي
ذيب الحنابج
عمرالروقي
خلف بن مرزوق
لا هنتوا على المرور
يسعدني اللعب مع سلطان الحافي
تقبلوا تحياتي وشكرا
سلطان الحافي14-Sep-2006, 12:17 AM
الله الله
00
0
بندقك هي بندقي ماني بإشاره = كيف يمنا الرجل تصفق لو يساره
مار ابفر الهدف وابغى بهاره = الله اكبر ياللحون السامريه
الجمل هادرٍ وارسى شداد = ونكرته السنين بعدها
يالدماسي نبا علم وكاد = بالحقيقه فواه نسدها
الدماسي 200714-Sep-2006, 12:36 AM
بندقي بندقك لا كن مانخونا=من يضد القوم وعتيبه نخونا
خابرن فاللازمه سلطان اخونا=والله اكبر يالطروق السامريه
اصبح شعيل في وسط القياد=ماوصل للبحور ومدها
جعل عين الضعيف للرماد=لد عينك عليه لدها
سلطان الحافي14-Sep-2006, 01:14 AM
ياسلام ياسلام
00
0
اطلب الله لاتحلبك المصايب = واعرف العالم بها مخطي وصايب
قدم الحسنه قبل ركز النصايب = الله اكبر ياللحون السامريه
هب يالهرش لو كب العناد = كان حرده يطابق حردها
عين تكفى والاخرى فالهداد = مقتنع مقتنع من حدها
الدماسي 200714-Sep-2006, 02:10 AM
ياسميي مارضينى بالغليبه=والمصيبه وين ياراع المصيبه
كل حقن ضاع قفايه طليبه=والله اكبر ياللحون السامريه
انت يافلان يغلبك الرقاد=المشاهيب فوقك عدها
والمثل قال يامال النفاد= كلمتن تستحيها بدها
سلطان الحافي14-Sep-2006, 02:59 AM
الله عليك
00
0
الحقيقه كلٍ مجود حصيله = قلت ابي حاجه وضاعة في شليله
كيف تخفيها وانا نفس الفصيله = الله اكبر ياللحون السامريه
ليه تخلط بياضه بالسواد = والعرب راويه من عدها
صار سمعي كما سمع الجماد = مد يمناك وانا امدها
000
00
0
( الدماااااااااااااااااااااااااااسي )
لي الشرف اني لعبت مع شاعر كبير
واللي مثلك يستفاد منه يا بن العم
والعذر اذا جاء منا زلل
ولك خالص الشكر
__ ( والشكر موصول لجميع من تواصل معنا ) __
لا اقول وداعاً ولاكن لنا لقاء
تحياااااااااااااااااااااتي
الدماسي 200714-Sep-2006, 12:59 PM
الاخ سلطان الحافي لاهنت
واشكرك على الملعبه الطيبه
بس كان المفروض الختاميه عندي
تقبل تحياتي وتقديري
الدماسي
مرزوق حمدان العتيبي14-Sep-2006, 01:14 PM
...
.
لله دركم يالسناد في يوم الجهاد ...
محاوره لايقدمها الا الشعراء الكبار امثالكم ..
دمتم على العز دوام ..
..
اخوكم
أبو نجر النفيعي14-Sep-2006, 01:48 PM
صح السنتكم
شعراء كبااار
وننتظر جديدكم
اخوكم
الدماسي 200714-Sep-2006, 08:00 PM
مرزوق العتيبي
ابو نجر النفيعي
لاهنتوا على المرور
شهاده افتخر فيها
تحياتي وتقديري
الدماسي
سلطان الحافي14-Sep-2006, 09:44 PM
ارحب
يا مرزوووووق
اشكرك على تفاعلك وتشجيعك لنا
وشهادتك وسام فخر لنا
ابو نجر
ارحب يالقرم
ولاعلاك زود
تحياااااااااااااااتي
عمرالروقي14-Sep-2006, 11:23 PM
سلطان الحافي استلم
البقا بك بالنيابه عن عتيبه=ربعي اللي بالمواقيف الصعيبه
تلطم العايل ولا هذي غريبه=والله اكبر ياللحون السامريه
ذعذعي يانسانيس البراد=كل كلمه نوفي ردها
يابن حافي ليا جيت البلاد= سلعتك مانبيها ردها
-------------------------------------------
صح لسانك يالدماسي
مبدع
واصل متابعين
-------------------
عمرالروقي14-Sep-2006, 11:26 PM
صح لسانك
وستلم
تو زان اللعب مادم الدماسي = حاجزٍ له كرسين بين الكراسي
شاعرٍ قاسي وانا ياقو باسي = الله اكبر يالطروق السامريه
جوك ناسٍ عليها كالجراد = والثمينه لزندٍ قدها
العنب مر في راس الزناد = قِد كبد غبينه قِدها
الله الله عليك ياسلطان
واصل يالمبدع
وراك ليل وجمهور يحب اللحون السامريه
---------------------
عمرالروقي14-Sep-2006, 11:33 PM
عمر الروقي
نبارك لك على المنزال الجديد
والله يوفقك
ونورت الصفحه بوجودك
وصح بدنك
تحيااااااااااااااااااتي
لاهنت يالغالي والله يوفق الجميع
ونسال الله ان يبلغ كل مسلم الشهر الفضيل
والصفحه نورها من نورك ونور المتابعين والحاظرين
--------------------------------------------
حمود المطيري16-Sep-2006, 05:30 PM
ياسلام الله على مبدي التحيه بس ليته عم كل الناس ذيه ناركم حيه ونا لي نار حيه والله اكبر ياللحون السامريه ياهلا واركبو فوق الشداد البعارين قوم وشدها انطح القوم بسيوفن حداد قبل تغزي علها حدها
