محاورة سلطان الجلاوي وعبدالله بن عتقان؟؟؟؟؟؟؟؟

« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

ابو خالد الدلبحي17-Aug-2007, 11:26 PM

بسم الله الرحمن الرحيم
السلام عليكم ورحمة الله وبركاته:
اليوم جبت لكم محاورة (سلطان الجلاوي -وعبد الله بن عتقان

سلطان الجلاوي:
هلا يامرحبا في حفلة العتبان والعتبان
رجالاً شرف التاريخ حاضره وماضيها
هذا الميدان ياحميدان وين أنت يابن عتقان
تقدم والذيابه ماتروعها مساريها

عبد الله بن عتقان:
يدوم إلك البقا يالصاحب اللي تجهل السلمان
قبيله عالميه والعرب تسمع بطاريها
أنا الشاعر وانا الماهر وانا االفارس وانا السلطان
أنا اللي ماعلي من الذياب من تلويها

سلطان الجلاوي:
أنا ماعرف سليم ألى لك الله تالي الأزمان
من أول مانعرف سليم دانيها وقاصيها
تقوله وانت هجدك كل ليله داخل الميدان
انا لا جيت للعدوان الوي روس أذانيها

عبدالله بن عتقان:
ترى ماهو ضروري تعرف السلمان ياسلطان
تكفينا الفعول اللي قرى الحره نسويها
انا ستين من شكلك ومن عبدالله بن سنان
الاعبها واعاقبها واسرحها واضويها

سلطان الجلاوي:
انا مالي شرف في عرف قرد يسكن الضلعان
لاكن رح للحصاه اللي من الحره تتدربيها
أنا ربي خلقني سلطةٍ كبرى على العدوان
هذا زيد العضيله يمسك السبحه ويخطيها

عبدالله بن عتقان:
ألا يازين وجهك وسط نجد تطرد الضبان
معصبها على الددسن وتطبخها وتشويها
أبن سلمي ولد عمي وفي الوقفات يقضي الشان
ليا شفته تلخبط في الصلاه اللي تصليه

سلطان الجلاوي:
الا يازين وجهك يالسليمي تطبخ الربيان
لربعك ياسليمي في قرى الحره تسويها
ابن سلمي وبن عتقان تسويهم عل الحقان
عيال الخنذفية كل ماحضرت أسريها

عبدالله بن عتقان:
ترى الحره مافيها بحر واحد صفر يالغلطان
قديمه يالجلاوي قصتك هذي وما فيها
مانبا ياعتيبه عندكم تقدير للضيفان
وتال أجيالكم ياعيب مدري وش نسميها

سلطان الجلاوي:
تصيدها من البحر الحمر وتجيبها فرحان
ليا صتلك ربيانين كنك فالح فيها
تحفر في المقابر ياسليمي والبلا المطران
حفرت القبر مار القبر مدري وين راعيها

عبدالله بن عتقان:
أصيد ناس مثلك يالجلاوي والدلو مليان
ووزعها على حجاج بيت الله تعشيها

سلالالالالالالالالالالالالالالالالالالالامتكم

لالالالالالالالالالالالالالالاتنسون الردوووووووووووووووووووود
:d :d

إبراهيم العتيبي17-Aug-2007, 11:33 PM

كفوووووووووو يابن روق

وصح لسان الشاعر سلطان الجلاوي وابن عتقان

والف الف شكر لك

اخو شطنى05-Sep-2008, 06:30 PM

تحفر فالمقابر والبلا كله من المطران <<<< عز الله صدق ابو صاهد

:: الغــربــي ::05-Sep-2008, 06:57 PM

تصيدها من البحر الحمر وتجيبها فرحان
ليا صتلك ربيانين كنك فالح فيها

ههههههههههههههههه

صح لسان الجلاوي ولايهون ابن عتقان .:

البريماني05-Sep-2008, 07:03 PM

يازين وجهك يالسليمي تطبخ الربيان
لربعك ياسليمي في قرى الحره تسويها
ابن سلمي وبن عتقان تسويهم عل الحقان
عيال الخنذفية كل ماحضرت أسريها

ههههههههههههههههههههههههههههه

كفووو يالجلااااوي..................................خخخخخ خخخخخ

واحد من جماهير الجلاوي06-Sep-2008, 12:16 AM

كفووووووووووووووووووووووو الله ياسلطان الجلاوي

عبدالله المطرفي الهذلي06-Sep-2008, 01:37 AM

أصيد ناس مثلك يالجلاوي والدلو مليان *** ووزعها على حجاج بيت الله تعشيها

مبدع بن عتقان في كل حفلة .

شكراً لك على هالمحاورة .

تحياااااااااااتي .

ابو براك06-Sep-2008, 02:58 AM

مشكور على المحاوره الرائعه

وسهم عتيبه دائما مبدع

الشــاهد06-Sep-2008, 03:24 AM

عاش الجلاوي سهم عتيبة وكفوا

الدلبحي مشكور على ايراد المحاورة 0

وافي الخماش06-Sep-2008, 03:50 AM

الله لا يهينك وابداع من الطرفين ..

ضاامي وفااا06-Sep-2008, 04:29 AM

عاش الجلاوي سهم عتيبة وكفوا

الدلبحي مشكور على ايراد المحاورة