وين سيف المعاني له ليال متخفي

جيت ابا ارد مع الشعار واشرب بكفي=ماارد ٍ مايجيه اللي عظامه هزيله

وين سيف المعاني له ليال امتخفي=ينهض القاف يرجع بديار المحيله

الله الله

مرحبا بك ويشرفني اللعب معك
واستلم

يبرق البرق في جوف السماء ما يكفي =يا مخيل البروق .. البرق مثلك نخيله

والله اني مع الأيام مالان صفي = واحمد الله على راس الرجوم الطويله

رااع العلطااا & سيف المعاني

ابدااااع يالثنينه..صحت السنتكم

وماعلينا الا المتابعه والاستفاده

احتراماتي:)

لاهنت والشرف لي...
استلم/




وصل بيتك ومنطوقك لك الله يكفي=ياعسى البرق يبرق يم عبلت سحيله

اشلع الميق فالاجواء وحذرى تطفي=فوقهاا اللي مثل شرواك قرم ودليله

مخلف الهقاوي صح بدنك ولاهنت على المرور لاهنت

.
.
.



من عطى الناس وجهه لا يغيب ويقفي = يحتزم بالسيوف ويعتزي بالكحيله

انت وش له تدور وليش بالله تلفي = لأحضرت أحضر .. لحالي وامثل قبيله

مرحبا يا مخلف الهقاوي

ومليووون شكر لمتابعتك

طيب طيب.......



شفت سيف المعاني عنده السيل جفي=دام غلق غزير الجم مافيه حيله

انت تحضر وتقفي ليه بالله تطفّي=عزوتي بالجدود وعزوتي بالاصيله

شف بعض العرب عيا يوافق لشفي = بندقك زمت .. وبارودها فالنثيله
راس مالك مع التجار عيا يوفي = رحلتٍ ما ظهر بياعه وش حصيله

صحت السنتكم وحضور يستحق المتابعة

بندقي فاللحم واظن عقلك مصفي=شفت بعض العرب ضيع نهاره وليله

مايبوج الديار اللي بمشيه يدفي=كل ماجبت قافك جاك مني بديله

التحدي صح بدنك لاهنت على المرور

والله اني ما احقر الخصم والا استخفي = بس بعض العرب يمشي برمضاءٍ مليله
اعرف امقيط يوم انه مع رشاه هفي = قام يطلع مع العربان وارد مُديله

جميع من وقع هنا له
كل الشكر

انت سيف ٍ لاكنك بالجراب متدفي= ياحليل الغليم ياعرب ياحليله

بعض الاشناب تبغى ابها نجرب محفي= ولا علانا من اللي يرتكي للفشيله

.
.


ياقدم رجلك اللي من عناه متحفي = قام يظلع حلال القوم .. مما يجيله

والله أنا مع الطيب نزود ونوفي = بس بعض العرب مثل الحمام وهديله