10-Aug-2003, 12:36 PM
يالله ياخالق الامه ورازقها=ياغافر الذنب ياللي تقبل التوبه
في حكمك الشمس مغربها ومشرقها= واحداث الاقدار في حكمتك مكتوبه
تفرج لعينٍ غزير الدمع مغرقها=وتفرج لقلبٍ شكى من حب محبوبه
قلب ٍ عليه الهموم يلوح بارقها=كن اللظايا بوسط القلب مشبوبه
ياعيني اللي سهرها مايفارقها= ماترقد الليل يوم الناس ناموا به
سهران واجمّع همومي وافرّقها =واقول نفسي عسى ماهيب مذنوبه
من سبت الجادل اللي طال عاتقها=اللي بيدها فؤادي صار لعبوبه
اي والله احبها من قلب واعشقها=عذراً بها الزين مزيونه ورعبوبه
بالزين ربي مكملها وموثقها=مخلوق كن الجمال مخصصٍ دوبه
تذبح بخرس ٍ تقول النوم سارقها =خرس ٍ عليها سهوم الموت منصوبه
والعين عين اشقر ٍ باعلاء شواهقها=لو الصقاقير تطمع فيه ماجوبه
والشعر ناعم على الغره يضايقها=يلعب به الريح فوق المتن ويلوبه
..... اللي خلقها الله واطلقها=من شافها ينفتن لو شافها نوبه
إيه اتوجد وهم النفس محرقها=صابر وقلب الشقا ماتم مطلوبه
كبدي عليله وسهم الحب خارقها= ياليتني ماعرفت الحب ودروبه !
يازين بعض السوالف لاتصدقها=ترى على مجتمعنا ناس محسوبه
لن طال عمرك تبي تظهر حقايقها=ثم ينكشف راعي الكذبه من اسلوبه
هذا اعترافي وافاداتي وصدقها=لولا غرامك تركت الحب ودروبه ؛
عبدالعزيز عبدالله المرشدي
في حكمك الشمس مغربها ومشرقها= واحداث الاقدار في حكمتك مكتوبه
تفرج لعينٍ غزير الدمع مغرقها=وتفرج لقلبٍ شكى من حب محبوبه
قلب ٍ عليه الهموم يلوح بارقها=كن اللظايا بوسط القلب مشبوبه
ياعيني اللي سهرها مايفارقها= ماترقد الليل يوم الناس ناموا به
سهران واجمّع همومي وافرّقها =واقول نفسي عسى ماهيب مذنوبه
من سبت الجادل اللي طال عاتقها=اللي بيدها فؤادي صار لعبوبه
اي والله احبها من قلب واعشقها=عذراً بها الزين مزيونه ورعبوبه
بالزين ربي مكملها وموثقها=مخلوق كن الجمال مخصصٍ دوبه
تذبح بخرس ٍ تقول النوم سارقها =خرس ٍ عليها سهوم الموت منصوبه
والعين عين اشقر ٍ باعلاء شواهقها=لو الصقاقير تطمع فيه ماجوبه
والشعر ناعم على الغره يضايقها=يلعب به الريح فوق المتن ويلوبه
..... اللي خلقها الله واطلقها=من شافها ينفتن لو شافها نوبه
إيه اتوجد وهم النفس محرقها=صابر وقلب الشقا ماتم مطلوبه
كبدي عليله وسهم الحب خارقها= ياليتني ماعرفت الحب ودروبه !
يازين بعض السوالف لاتصدقها=ترى على مجتمعنا ناس محسوبه
لن طال عمرك تبي تظهر حقايقها=ثم ينكشف راعي الكذبه من اسلوبه
هذا اعترافي وافاداتي وصدقها=لولا غرامك تركت الحب ودروبه ؛
عبدالعزيز عبدالله المرشدي
