سلمان الروقي تقدم
نايف بن ملحق الثعلي17-Nov-2007, 10:14 PM
مرحبا بالشاعر الي عسا حضه يقوم=من هجوس الشاعر الي جزيل مدها
كان ياسلمان يطري علي بالك علوم=هاتها ياصاحبي ثم تاخذ ردها
سلمان الروقي17-Nov-2007, 10:48 PM
البقاء والحظ قايم وانا ضد الخصوم=ثابت ٍ مثل الجبل والخصوم اضدها
شد حيلك واحتزم فالدفاع وفالهجوم=العرب ياصاحبي ماتبيح سدها
علي فلاح العضياني17-Nov-2007, 11:09 PM
الله الله
مبدا رائع من نايف الروقي
ورد اروع من سلمان الروقي
واصلوا يعطيكم العافيه
نايف بن ملحق الثعلي17-Nov-2007, 11:20 PM
بارك الله في رجالٍ يسدّون اللزوم =وانت يا سلمان هات العلوم وودها
البضاعه غاليه تشتري ولا تسوم=والمواقف يالعتيبي تراني قدها
معجب العتيبي17-Nov-2007, 11:30 PM
ابداع واداء منقطع النظير
لله دركما
واصلوا والصف معكم
سلمان الروقي17-Nov-2007, 11:51 PM
يالعتيبي لاتخالف مع الخط العموم=اليدين العوج مضرابها في خدها
قيل فالامثال فالناس معطى ومحروم=ياعساء نايف لاجات اللزوم يسدها
نايف بن ملحق الثعلي18-Nov-2007, 12:02 AM
مانبا الدعوي تعود ليا فرك الخشوم=انتبه لسالفه لاتعدي حدها
قسمنا ياصاحبي من خيارات القسوم=لاتعود كنك اللي تعشت بدها
سلمان الروقي18-Nov-2007, 12:30 AM
ياعساها تشتعل لان تاصل للنجوم=العرب ماهمني مزحها من جدها
لاتضيعك الروابع وتطغيك الحلوم=لاتمد ايديك داخل جيوبك ردها
نايف بن ملحق الثعلي18-Nov-2007, 12:15 PM
صـــح لســـانك والجايات اكثــــــــــر
معجب العتيبي18-Nov-2007, 07:08 PM
صـــح لســـانك والجايات اكثــــــــــر
كان اللعب راااااااااااااااااائع
والذوق راقي
ليش ماكملتوا لو انا من الأداره اجلدكم ثلاث جلدات عشان تكملون الزين اللي بديتوه
محمد العتيبي18-Nov-2007, 08:29 PM
صح لسانكم
ابداع جميل من شعراء اجمل ..
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
