مساجله بين الامير نايف والشاعر الكبير محمد السديري]

القصيد الاولى لشاعر الكبير / محمد بن احمد السديري موجه الى


صاحب السمو الملكي الامير / نايف بن عبدالعزيز


وكان سموه في احدى رحلات القنص والشاعر اشتاق ان يكون برفقتهم


بعد ان تذكر الايام الجميله في المقانيص وكان رد الامير نايف عليه



يقول السديري






انتم حباريكـم تخافـق بالاقفـاروحنا حبارينا السمـك يالسنافـي
وبايمانكم شقر سريعات الاطياروالكل منهن ماضي الفعل وافـي
ذكرتني يامير واصبحت محتـاروجاوبت خلج البل حـم الشعافـي
وذكرت طيب ايامنا سر وجهـاريوم الردي في نومة العصر غافي
مذكور يانايف ذرا الضيف ومجارذكراك في قلـب بـراه الولافـي
قلب عن الشدّات يا مير صبـاران صد عن طيب الثنا كل هافـي





رد الامير نايف بن عبدالعزيز





يا خال روحتوا لنا ستة اسطـاررفاع المعاني كملتهـا القوافـي
مثايـل يختارهـا كـل محتـارمثل الرعاف بجيد ظبي الكشافـي
حييت فيها والتحيـة لهـا كـارماغرد القمري بـروس اخوافـي
ليتك خوي لي الي شبـة النـارفي مربخ من وقدة الرمث دافـي
نبتة جديد ماطلـع فيـه نـوارسقاه مامور من الوسـم ضافـي
ممطور امس ولا مشى فيه دوارفيه الحبـاري مقبـلات مقافـي
اشيل فرخ واسهن وقـع وطيـاروعلى يسارك اشقر الريش صافي
هذا عود الخرب للريـش نثـاروهذا الى طلع على الجـو شافـي
ماكدر الخاطر طويلات وقصـارهروج هزيلة من رجال ضعافي
من لابة يردون صعبات الاخطارما والفوا نوم الصفـر والعوافـي
نقضي لنا وقت وندفن لنا اسـرارالصبر زين وخير الايـام تافـي
عاداتنا نقصر طويلات الاشبـاروعدونـا نسقيـه سـم زعافـي
الى عطل الواجب من الناس حبارنارد ولـو ان المـوارد عيافـي
نارد حياض وردها حامي حـاروبايماننـا مصقـلات رهافـي
لعيون تلع سوقهن مابعـد بـارحديثهن لمجـرح القلـب شافـي

الله روعه جدا..

مشكور وماقصرت.

مشكورين علي المررروريالغالين